Югьан 16:5 - Гирами Китаб

⁵ Хъа гьамус Узу Гьаурихьна гъяраза. Учвкан сарикьан: «Уву наана гъягъюрава?» – пну гьерхрадарчва,

Югьан 16:5 Referans Kwoze

Югьан 13:36

– Агъа, Уву наана гъягъюрава? – гьерху Дугъхьан Симон Петрийи. – Узу гъягъюрайишваз сабан увхьан Узухъди гъюз хьибдарвухьан, – жаваб туву Исайи. – Хъа хъасин гъидива.

Югьан 7:33

Гьадму вахтна Исайи халкьдиз кӀурайи: – СацӀибсана Узу учвухъди гъуздиза, хъасин Узу мина Гьаурихьна хътакидиза.

Югьан 16:28

Узу му дюнʼяйиз Адашдихьан гъафунза ва гьамус, дюнʼя дипну, Дугъахьна хътакураза.

Югьан 17:4

Узуз Уву табшурмиш гъапӀу ляхин тамам дапӀну, Узу Уву жилиин адлу гъапӀунзаву.

Югьан 16:10

Узухьинди даруган, дурар дугъривалин дюзди гъавриъ адар, гьаци вуйиган, Узу Адашдихьна гъяраза, ва учвуз Узу сарун рякъидарчвуз.

Жугьдариз 12:2

Зат ктӀатӀарццди Исайиз лигури гъузурхьа. Думу, ихь хъугъувалин ккергъубра ва ккудукӀубра ву. Дугъу, гъюз ккайи шадвал бадали, беябурваликкди хачриин аьзиятар аьгь гъапӀну ва гьамус Думу, Аллагьдин тахтнан арччул терефнахъинди деъна.

Жугьдариз 1:3

Бай – Аллагьдин ад атӀабгурайи Нур ву. Думу Аллагьдин аллагьвал ву. Дугъу, Бали, Чан кьудратлу гафниинди дюнʼя, ккададабхъуз гъидритди, дебккна. Думу, ихь гунгьар марцц дапӀну, аьршариъ ВаритӀанзаанурин арччул хилихъинди деъна.

Югьан 13:3

Хябяхъдин уьл ипӀру вахтна Исайи, Адашди вари Чан хилиъ ивнайиб аьгъяди ва Учв Аллагьдихьан дуфнайиб, Аллагьдихьна хътакурайиб аьгъяди,

Югьан 16:16

Багарихьди Узу сарун рякъидарчвуз, цӀиб вахтналан хъана рякъидичвуз.

Югьан 14:28

Узу учвуз «гъягъюраза» гъапиб учвуз гъеебхьунчвуз, ва: «Узу учвухьна хътакидиза», гъапнура вуза. Эгер учвуз Узу ккундийиш, Узу Адашдихьна гъярайибдиин учву шад хьидийчва, фицики Йиз Адаш УзутӀан артухъ ву.

Югьан 6:62

Хъа учву, Инсаниятдин Бай Учв наънан гъафнуш, гьадина за шули рякъруган гьапӀдичва?

Югьан 17:13

Хъа Узу гьамус Увухьна гъюраза. Узу сабан жилиин илмиза, му вари Узу гьаддиз кӀураза, Йиз абцӀну вуйи шадвал Узухъди дурарира пай апӀбан бадали.

Югьан 16:17

Ученикарикан сакьюдари чиб-чпигъ кӀури гъахьну: – Мугъан фикирнаъ фу ади мици кӀурайкӀан? Мугъу кӀура: «Багарихьди Узу учвуз сарун рякъидарчвуз, хъа сацӀиб вахтналан хъана рякъидичвуз». Ва гьамцира кӀура: «Гьаз гъапиш Узу Адашдихьна гъяраза».