Югьан 16:22 - Гирами Китаб

²² Гьаци учвура гьамус пашман вучва, саки учву Узуз хъанара рякъиди ва гьадмуган ичв юкӀвар шадвали ацӀди, му ичв шадвал сарихьанра дадабгъуз хьибдар.

Югьан 16:22 Referans Kwoze

Петрин-1 1:8

Думу (Иса) ккундучвуз, гьеле учвуз гъяркъюндаршра, учву Дугъахъ хъугърачва, гьеле гьаму ражари Думу ичв уларикк ккадаршра. Учву улупуз даршлу аьжайиб шадвали ацӀну урхьурачва,

Ляхнар 13:52

Вари ученикар гьаммишан шадвали ва Гирами Рюгьну ацӀну шулу.

Югьан 16:6

гьаз гъапиш Узу учвуз вари ктибтиган, ичв юкӀвар пашман духьнайичв.

Фессалоник-2 2:16

ва гъит ухьу ккун гъапӀу, ва Чан ужувлиинди ухьуз зат ккудудубкӀру ккарцувал ва ужувлан умуд багъиш гъапӀу Чав, Агъа Иса Месигьди, ва Аллагьди, ихь Адашди,

Ляхнар 16:25

ГьацӀишвар багахь шулади, Павелина Силайи, ккарагури, Аллагьдин адназ мяълийир апӀурайи. Дустагъдиъ айи дидиснайидар дурарихъ хъпехъурайи.

Ляхнар 2:46

Дурар гьар йигъан Аллагьдин хулаз уч шуйи ва уьлра кмиди чпин хулариъ сатӀиди ипӀуйи, сари-сариз разивалиинди хураг гьиври, шадди яшамиш шуйи.

Жугьдариз 10:34

Учву дустгъариъ айидарин язухъ зигури гъахьунчва, ичв шейъ-шюйъ тадабгъруган, учву шад шули гъахьунчва, гьаз гъапиш учвуз думутӀан ужуб шейъ, гьаммишандиз вуйи Шейъ айиб аьгъяйчвуз.

Жугьдариз 6:18

Ва гьаму кьюб гьюдюдюхру мутму – гаф тувувална ху апӀувал – Аллагьдин мурар кучӀал кайидар дар, ухьуз, чара абгури, улубкьру ихь умуднахъан хъичӀихнайидариз, мюгькамди юкӀв капӀувал вухьуз.

Ляхнар 5:41

Вакилар кӀуруш, чпи Иса себеб вуди жазайикк ккуркьуз лайикьлу хьубʼин шад духьну, суддиан удучӀвну гъягъюру.

Югьан 21:7

– Му Агъа ву! – кӀуру Петриз Исайин юкӀв али сар ученикди. Му Агъа ву пну гъеебхьубси, Петр чан гъяцӀли жандиин али плащдин канчӀар зина ккаъну, йитӀну, штузди урсру.

Югьан 14:27

«Мясляаьт ибшри!» – Узу кӀуразачвуз гъярайири. Узу учвуз Йиз мясляаьт тувразачвуз. Узу учвуз, инсанари туврубсиб мясляаьт туврадарзачвуз. Ичв кӀваан дердер адаай! ГучӀ мапӀанай!

Югьан 14:1

Исайи варидариз кади кӀуру: – Гъит ичв юкӀвариан шаклувалар удучӀври! Учву Аллагьдихъ хъугърачва, гьаци Узухъра хъугъай!

Югьан 4:14

Хъа узу шид тувну гъубхъур сану гьич зат харгидар. Гьаз гъапиш Узу дугъаз туву шид зат ккудудубкӀру уьмур тувру яшайишдин булагъдиз илтӀибкӀиди.

Лука 24:41

Хъа дурар шадвалиан мегьел хътругъри ва мюгьтал шули айиган, Дугъу дурариз гъапи: – Мушваъ фициб-вушра ипӀруб аничв?

Лука 16:25

Хъа Ибрагьимди дугъаз кӀуру: «Йиз бай! КӀваин апӀинки, сарун увуз яв уьмриъ рубкьру ужʼвал гъурубкьунвуз, хъа Лазариз писвалтӀан фукӀа гъябкъюндар. Гьамус дугъаз мушваъ гешт ккабхъна, хъа уву аьзабнакк ккава.

Лука 10:42

Хъа лазим вуйиб анжагъ саб ву. Хъа Марʼямди сарихьанра тадабгъуз даршлу ужувлан пай кадабгъна.

Матта 28:8

Дурар дишлади накьвдихьан гьудучӀвну, гучӀ кабхъну ва кьадар адрукьан шадра духьну, ученикариз цӀийи чӀал апӀуз, жаргъури гъушу.

Югьан 16:20

Гьякьлу вуйи гьякь кӀуразачвуз: ишидичва ва дердер зигидичва, хъа миди вуйи дюнʼя шад хьибди. Учву пашман хьидичва, амма ичв пашманвал шадвализ хьибди.

Лука 19:26

– КӀуразачвуз, гьарсар айириз хъана тувну хьибди, хъа адрурихьан айибра тадабгъиди.

Югьан 16:16

Багарихьди Узу сарун рякъидарчвуз, цӀиб вахтналан хъана рякъидичвуз.

Югьан 14:19

СацӀиб вахтналан дюнʼяйиз Узу сарун рякъидар, хъа учвуз Узу рякъюри хьидичвуз: гьаз гъапиш Узу яшамиш шулаза ва учвура яшамиш хьидичва.

Коринф-2 6:10

Учу дердерикк ккитри шулу, хъа гьарган шадди вуча. Касибди вуча, хъа гизафдар девлетлу апӀурача. ФукӀа адарчуз, хъа вари хилиъ айич.