Югьан 16:2 - Гирами Китаб

² Учву мистариан утӀурккури хьиди. Гьациб вахт гъибдики, учву йикӀрудари, чпи гьаци апӀбиинди, Аллагьдин гъуллугънаъ ача кӀури, фикир апӀиди.

Югьан 16:2 Referans Kwoze

Югьан 9:22

Абйир-бабари, жугьдарин гьякимарихьан чпиз гучӀруган, гьамциб жаваб тувнийи. Фицики дурари, Иса Месигь ву кӀури хъугърур гьарсар мистхьан ярхла апӀуз кьарар адабгънайи.

Матта 10:28

Беден йибкӀрударихьан гучӀ мапӀанай, фицики дурарихьан рюгь йикӀуз шулдар; хъа ичв беденра дубкӀну, жегьеннемдиъ ичв рюгьра пуч апӀуз Удукьрурихьан гучӀ апӀинай.

Ачмиш 6:9

Дугъу хьубпи печать алдабгъиган, узуз гъурбнар апӀрушван кӀанакк Аллагьдин Гафналантина ва дурари гъапӀу шагьидвалилантина гъийиху адмийирин рюгьяр гъяркъзуз.

Югьан 12:42

Агъсакъларин арайиъра кмиди Исайихъ хъугънайидар цӀиб адайи, хъа дурари дидкан, фарисйири чпи мистариан утӀруккбан бадали, ачухъди кӀурдайи.

Лука 6:22

Учву инсанариз даккун гъахьиган, учву дурари утӀурккган ва беябур апӀруган, ичв ччвур нянайикк ккипруган Инсаниятдин Бай бадали, бахтаврар вучва.

Коринф-1 4:13

Учкан варитӀан писубтӀан кӀури шулдар, хъа учу гъянивалиинди жаваб туври шулча. Гъийин йигъазкьан, му дюнʼяйиз чӀюрхярди, гьарсаб хъархъвасси, имичу.

Ляхнар 7:56

Дугъу кӀуру: – Магьа, узуз атӀарццнайи аьршарна Аллагьдин арччул терефнаъ Инсаниятдин Бай рякъюразуз.

Матта 24:9

Гьадмуган учвуз аьзабар тувди ва учву йивну йихиди; учву, Йиз ученикар хьпаз лигну, вари халкьариз даккун хьидичва.

Югьан 9:34

– Уву, вари гунгьариъди бабкан гъашири, гьамус учуз улупурана! – кӀури, вари дугъʼина алжагъуру ва думу утӀурккуру.

Ляхнар 5:33

Му гафар гъеерхьиган, диванбегйирик яманди хъял кубчӀвру, ва дурариз вакилар йихуз ккун шулу.

Югьан 4:21

Исайи дугъаз кӀуру: – Хъугъ Узухъ, дишагьли, гьамус учву я му дагъдиин, я Ерусалимдиъ ихь Адашдиз икрам апӀидарчва – гьациб вахт улубкьура.

Филипп 3:6

Йиз хъачӀаккувал Аллагьдихъ хъугърударихъ хъергуб вуйиз. Къанунди дюз кӀурайиб вари тамам апӀури гъахьунза, гьаддин гьякьнаан узук гьич саб тахсирра ктарзук.

Даниял 11:33

Хъа фагьумлудари халкьдиз вягъз-насигьят тувди ва саб вахтназ дурар утӀурккури хьиди – турихьди ва цӀихьди, йисирвалиинди ва тӀарашʼвалиинди.

Югьан 4:23

Хъа гьациб вахт улубкьидики, ва думу улубкьузра улубкьна, халис икрам апӀрудари Адашдиз рюгьнииндина гьякьвалиинди икрам апӀиди. Ихь Адашди, иллагьки, гьамцдар икрам апӀрудар агура.

Югьан 16:25

Мугагьназ Узу учвуз тахалусариинди кӀури гъахьунза, хъа гьамус Узу учвуз, тахалусариинди дарди, Адашдикан ачухъди дупну ккуни вахт улубкьура.

Югьан 16:32

Хъебехъай, Узу сарди гъитну, учву вари хулариз гьергру сяаьт улубкьура. Амма Узу сар дарза, гьаз гъапиш Узухъ Йиз Адаш хъазухъ.