Югьан 16:19 - Гирами Китаб

¹⁹ Исайиз аьгъяйи, дурариз Чахьан фтикан гьерхуз ккунди айиш ва гьаддиз Чав кӀуру: – Учву чиб-чпихьан гьерхрачва, Узу Йиз хиялнаъ фу ади мици: «багарихьди» ва «учвуз Узу сарун рякъидарчвуз, хъа цӀиб вахтналан хъана рякъидичвуз» – кӀурайкӀан кӀури?

Югьан 16:19 Referans Kwoze

Югьан 16:30

Увуз вари аьгъюбдин учу гьамус гъавриъ ахъунча. Увхьан гьерхайизра кмиди Уву жавабар туврава. Магьа гьаддиз Уву Аллагьдихьан дуфнайибдихъ хъугърача.

Югьан 16:16

Багарихьди Узу сарун рякъидарчвуз, цӀиб вахтналан хъана рякъидичвуз.

Югьан 14:19

СацӀиб вахтналан дюнʼяйиз Узу сарун рякъидар, хъа учвуз Узу рякъюри хьидичвуз: гьаз гъапиш Узу яшамиш шулаза ва учвура яшамиш хьидичва.

Югьан 13:33

Эй Йиз лижан веледар! Узуз учвухъди хьуз дицикьан вахт имдар. Учву Узу агури хьидичва – му жарадариз гъапиб Узу учвузра кӀураза: «Узу гъярушваз учвхьан гъюз хьибдар».

Югьан 7:33

Гьадму вахтна Исайи халкьдиз кӀурайи: – СацӀибсана Узу учвухъди гъуздиза, хъасин Узу мина Гьаурихьна хътакидиза.

Ачмиш 2:23

Дугъан бицӀидарра аьжалихь гьирчдиза. Гьадмуган вари жямяаьтариз аьгъю хьибди: ичв юкӀвариъ ва фагьмариъ жиниди уьбхюрайиб вари аьгъюр Узу вуйиб, ва гьарсариз Узу, чан ляхнариз дилигну, тувдиза.

Жугьдариз 4:13

Халкь дапӀнайи вари дюнʼяйиъ Аллагьдин улихь гьитӀибкӀнайиб гьич фукӀара адар. Дугъан улихь вари ачухъди ву. Дугъан улариз вари рябкъюру. Ари Гьадгъан улихь ухьу жавабра тувдихьа.

Югьан 21:17

Ва шубубпи ражарира Исайи дугъаз кӀуру: – Я Югьаннайин бай Симон, увуз Узу ккундунуз? Дугъу, Учв ккундунуз кӀури шубубпи ражнура гьерхиган, Петриз иццру апӀуру. – Я Агъа, Увуз вари аьгъявуз, – кӀуру дугъу Исайиз. – Узуз Уву ккуниб Увуз аьгъявуз. – Йиз марччар уьрх, – кӀуру Исайи. –

Матта 9:4

Дурарин фикрар аьгъяди, Исайи гъапи: – Гьаз усал фикрар ичв юкӀвариъ тӀаърачва?

Матта 6:8

Гьаци дурариз ухшар махьанай, фицики ичв Адашдиз учву ккарагайиз улихьна учвуз фу ккундушра аьгъя.

Марк 9:32

Дурар Исайи гъапибдин гъаври шуладайи, хъа Дугъхьан гьерхуз гучӀуйи.

Югьан 6:61

Хъа Исайи, Чан ученикар нарази вуйиб аьгъяди, дурариз гъапи: – Йиз гафари учвук гучӀ капӀрайин?

Югьан 16:18

Хъа мидин фици гъавриъ ахъди – «багарихьди?» Му фтикан улхураш, ухьу гъавриъ адархьа.

Югьан 16:23

Ва гьадму йигъан учву Узʼхьан сабдиканра гьерхидарчва. Гьякьлу вуйи гьякь кӀуразачвуз: Йиз ччвур дибисну, учву Йиз Адашдихьан фу тӀалаб гъапӀишра, Дугъу тувдичвуз.

Югьан 16:26

Гьадму йигъан учву, Йиз ччвур дибисну, Дугъкан тӀалабар апӀидичва. Узу кӀуразачвуз, учвхъанди Адашдиз ккарагидиза, дупну.