Югьан 16:13 - Гирами Китаб

¹³ Учвухьна Гьякьвалин Рюгь гъафиган, Дугъу учву дюз рякъди гъахиди, рюгьнан метлеб – гьубкӀну вуйи гьякьвал ву, фицики Дугъу кӀурайиб Чахьан дар. Дугъу анжагъ Чаз гъеебхьубдикан пиди, Дугъу учвуз гъюз ккимбубдикан хабар дебккди.

Югьан 16:13 Referans Kwoze

Югьан 14:26

Узу бадали Адашди учвуз гьаърайи Хъюгърури – Гирами Рюгьну учвуз вариб улупиди ва Узу учвуз гъапиб вари кӀваин апӀидичвуз.

Югьан 14:17

Думу Хъюгърур – Гьякьвалин Рюгь ву. Му дюнʼяйихьан Думу кьабул апӀуз хьидар, гьаз гъапиш Думу рякърур дар ва аьгъюр дар. Анжагъ учвуз аьгъячвуз Думу, Думу учвухъди хъа ва учвуъ а.

Югьан 15:26

Саки учвухьна Хъюгърур гъафиган, яна Адашдихьан гъюрайи Гьякьнан Рюгь, Узу учвухьна Адашдихьан гьаъдиза – ва Думу Йиз шагьид хьиди.

Югьандин-1 2:27

Хъа учвуз кайиб: Месигьдихьан учвуз дурубкьнайи багъиш учвухьди гъубзди, ва, гьаддиз, учву, шлин-вуш дарсариз ккилигурайидар дарчва. Гирамирихьан учвухьна гъафи Рюгьну учвуз гьякьвалин дарсар кивра, ва гьич саб вахтнара Дугъу учвуз кучӀал апӀидар. Гьаци вуйиган, Гьадгъу улупурайибси апӀинай, ва Аллагьдиъди гъузай.

Югьандин-1 2:20

Учвуз Гирамири Чав, туву багъиш ачвуз ва варидариз, аьгъювалар фу вуш, аьгъю гъабхьунчвуз.

Югьан 12:49

Фицики Узу Йиз Узхьан гъапиб дариз – му Узу гьау Адашдин, Узуз вуйи амур ву, фу кӀуруш ва фици кӀуруш.

Югьандин-1 4:6

Хъа ухьу Аллагьдиндар вухьа ва шлиз Аллагь аьгъяш, думу ухьухъ хъпехъуру. Хъа фуж Аллагьдинур дарш, ухьухъ хъпехъидар. Магьа гьамци ухьхьан гьякьвал хру Рюгь кучӀлин рюгьнахьан жара апӀуз шулу.

Югьан 14:6

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Ачмиш 1:19

Гьаци вуйиган, увуз гъябкъюб бикӀ: гьаму ражари шулайиб ва хъасин хьуз ккайиб.

Югьан 8:38

Учвуз Йиз Адашдихь гъябкъюбдикан кӀуразачвуз, хъа учву учвуз ичв адашдикан гъеебхьуб тамам апӀурачва.

Фессалоник-2 2:3

Гьич сарихьдира учву алдатмиш апӀуз мигъитанай – гьич саб жюрейииндира. Гьаз гъапиш, сифте, Аллагьдиз къаршуди, зурба вуйи гъедергувалар арайиз дуфну ккунду, писвал арайиз адмийиинди удубчӀвиди (думу адми, аьжализ кадатӀнайир ву),

Ачмиш 1:1

Иса Месигьдин ачмиш апӀувал, Чан гъуллугъчйириз багарихьди хьуз ккайиб вари улупбан бадали, Дугъаз Аллагьди тувнайиб ву. Мидкан хабар дебккбан бадали, Чан гъуллугънаъ айи Югьандихьна Исайи малайик гьаънийи.

Ляхнар 27:24

«ГучӀ мапӀан, Павел. Уву Римдин паччагьдин улихь дийигъну ккунду ва, гьаддиз, Аллагьди увухъди гимийиъ айидар вари сагъ-саламатди уьрхюз гаф тувра».

Ляхнар 20:23

Ялгъуз саб аьгъязуз, Ерусалимдиъ узуз аьзабарна дустгъар ккилигура, Гирами Рюгьну дидкан узуз гьар шагьриъ хабар тувра.

Югьан 3:32

Дугъу Чаз гъеебхьубдикан ва гъябкъюбдикан кӀура, аммаки адмийири Дугъан шагьидвал кьабул апӀурадар.

Ляхнар 11:28

Дурарикан, Гирами Рюгьну гьевесламиш дапӀнайи сар Агав кӀурури, вари дюнʼяйиъ зурба гашʼвал абхъди кӀури, хабар дебккнийи, ва гьаци Клавдийи паччагьвал апӀурайиган гъабхьнура вуйи.

Югьан 16:12

Узхьан учвуз хъана гизафдарикан пуз шуйзухьан, аммаки учвхьан дурарин гьаму ражари сабан гъавриъ ахъуз хьибдарчвухьан.

Жугьдариз 1:1

Гъушу вахтари гизаф ражари ва гьар жюрейиинди Аллагь пайгъамбрариланмина ихь абйирихъди улхури гъахьну.

Югьандин-1 5:6

Ари Гьаму ву штииндина ифдиинди гъафи Иса Месигь. Думу, штииндиси, жарасира, ифдииндира гъафну. Мидин шагьид Рюгь ву, фицики Рюгь – гьякь ву.