Югьан 16:10 - Гирами Китаб

¹⁰ Узухьинди даруган, дурар дугъривалин дюзди гъавриъ адар, гьаци вуйиган, Узу Адашдихьна гъяраза, ва учвуз Узу сарун рякъидарчвуз.

Югьан 16:10 Referans Kwoze

Петрин-1 3:18

Гьаци Месигьра, ухьу гъапӀу гунгьарихъанди, сабан ва гьаргандиз, Гьякьлур гьякьсузарихъанди, учву Аллагьдихьна хпан бадали, ккахъундаринхъа! Дугъан беден аьжализ тувну гъабкӀну, хъа Рюгь уьмрихъна кьяляхъ хътакну.

Коринф-2 5:21

Гунагь ктру Месигь Аллагьди ихь гунгьарихъанди гъурбан гъапӀну. Аллагьди гьаци, Чан улихь ухьу, Месигьдихъди саб духьну, гьякь хьуз кӀури, гъапӀну.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Коринф-1 1:30

Гьадгъан кюмекниинди учву Иса Месигьдик кидикьначва. Гьадму Иса ухьуз Аллагьдин фагьум, ихь гьякьвал, ихь гирамивал ва ккадаувал вухьуз!

Ляхнар 3:14

Марцци ва Гьякьлу вуйи Кас нигь дапӀну, адми гъачӀи гъачагъ азад апӀувал тӀалаб гъапӀунчва.

Галат 5:5

Хъа ухьу гьякь хьуз ихь умуд хъугъувалик кайихь ва Рюгьну ккилигуз кюмек апӀурахьуз.

Рим агьларихьна вуйи кагъаз 1:17

Му Ужувлан хабарну, Аллагьди хъугъувалилантина, сифте бинайиан ккудубкӀайизкьан, адмийирикан фици дугъри касар ктауруш, улупура. Гирами китабариъ дибикӀна: «Дугъри касдиз хъугъвали уьмур тувди».

Ляхнар 17:31

Фицики Дугъу вари дюнʼяйин гьякьди суд апӀру йигъ улупна. Чав улупнайи Инсанди гьадму суд апӀиди. Аллагьди, Думу, гъачӀихъан, чӀиви дапӀну, варидариз шагьидвал тувну.

Ляхнар 7:52

Ичв абйири пайгъамбрарикан фуж утӀурккундар? Дурари Гьякьлур гъюваликан улихьмиди хабар гъапӀу пайгъамбрарра гъийихну, гьамус гьадму Гьякьлур учву масу тувну гъакӀунчва!

Ляхнар 2:32

Аллагьди гьадму Иса чӀиви гъапӀну, ва учу вари мидин шагьидар вуча.

Югьан 5:32

Аммаки Узкан ктибтру жара Шагьид а, ва Узуз аьгъязуз, Дугъу Узкан ктибтурайиб гьякь вуйивал.

Югьан 3:14

ИчӀи чюлиъ Мусайи фици битӀ ягъалди гакӀвлик кибтӀну дебккнуш, гьаци Инсаниятдин Байра хамхрик карсну хьиди,

Даниял 9:24

Яв халкьдиз ва гирами Шагьриз ургцӀур ражари ургуд йис ккилигури гъузуб улупна. Гьадму вахтнан арайиъ Аллагьдихьна вуйи яв халкьдин аьксивал кӀваълан гьархиди, гунагь ккебкиди ва жазайиинди тахсирнахьан марцци хьиди. Гьадмуган даима гьякьʼвал гъубзиди, гъябкъюб ва гъюз имбуб ачухъ хьувал къайд апӀиди, Аллагьдиз бахш апӀбан лишан вуди, варитӀан Марцци йишвкан ччим кадатиди.

Югьан 7:33

Гьадму вахтна Исайи халкьдиз кӀурайи: – СацӀибсана Узу учвухъди гъуздиза, хъасин Узу мина Гьаурихьна хътакидиза.

Югьан 16:5

Хъа гьамус Узу Гьаурихьна гъяраза. Учвкан сарикьан: «Уву наана гъягъюрава?» – пну гьерхрадарчва,

Югьан 16:28

Узу му дюнʼяйиз Адашдихьан гъафунза ва гьамус, дюнʼя дипну, Дугъахьна хътакураза.