Югьан 15:19 - Гирами Китаб

¹⁹ Учву му дюнʼяйиндар вуди ккундийи, диди учву чандарси ккун апӀидийи. Хъа учву му дюнʼяйиндар даруган, гьаддиз учву дюнʼяйиз даккунди ву (яна, Узу учву кадагъну му дюнʼяйихьан жара гъапӀунзачву).

Югьан 15:19 Referans Kwoze

Югьан 15:16

Узу ктагъур учву дарчва, гьаму Узу вуза учву ктагъур, гьаму Узу вуза учву дюнʼяйиз улупнайир, ва бегьер туврудар (учву вучва) – варитӀан ужуб бегьер. Ва гьадмуган Йиз Адашди учвуз, учву ккун гъапӀуб, вари тувди.

Югьандин-1 3:12

Ухьу иблисдин тереф дибисну, чан чве йивну гъакӀи Каиндиз ухшар духьну ккундар. Дугъу думу гьаз гъакӀну? Гьаз гъапиш дугъан ляхнар писдар вуйи, хъа чан чвуччвун – ужудар.

Лука 6:32

Хъа эгер учву ккунидартӀан учвуз ккундарш, мидкан фу чухсагъул ачвуз? Фицики гунагькраризра чиб ккунидар ккунди шулу.

Петрин-1 4:3

Дарди хьуз, Аллагь кӀулʼин алдрударси, мяна адру уьмур тямягьяриъна пиянвалариъ, кьяппавалариъна намусузвалариъ ипну, гьар жюре аллагьаризна идолариз икрам апӀури, учву бегьем вахт гьавайиди гьапӀунчва.

Ачмиш 12:17

Аждагьайиз дишагьлийикан яман хъял гъюру ва думу гъитну, дугъан имбу бицӀидарихъди, Аллагьдин табшуругъар уьрхрударихъди ва Исайикан шагьидвал апӀрударихъди дяви гъабхуз гъябгъюру.

Ачмиш 12:9

Хъасин зурба аждагьа, дегь заманайин битӀ, иблис вая Сатана, вари дюнʼя улдубгуз гъибтрайиб, завариан жилиина ипнийи. Дидихъди чан малайикарра идирчнийи.

Матта 10:22

Йиз ученикар хьпаз лигну, учву варидариз даккун хьиди. Хъа шли аьхиризкьан аьгь гъапӀиш, думу дюрхну хьиди.

Матта 24:9

Гьадмуган учвуз аьзабар тувди ва учву йивну йихиди; учву, Йиз ученикар хьпаз лигну, вари халкьариз даккун хьидичва.

Югьан 6:70

– Узу дайкӀана учву йицӀикьюридра ктагъур? – гъапи дугъаз жаваб вуди Исайи. – Хъа учвкан сар иблис ву.

Югьан 13:18

Узу учвкан варидарикан кӀурадарза: Узуз аьгъязуз Узу кадагънайидар. Саки Гирами китабариъ дидикӀнайи му гафар кӀулиз удучӀври: «Узухъди уьл гъипӀур Узуз къаршу удучӀвну».

Якьубдин 4:4

Дюз дарудар, учвуз аьгъдарди айчвуз, гьаму файдасуз дюнʼяйихъди хьувал – Аллагьдихъди апӀурайи дяви вуйиваликан? Шлиз гьаму файда ктру дюнʼяйихъди дуст духьну ккундуш, думу Аллагьдиз душманди удучӀвура.