Югьан 15:16 - Гирами Китаб

¹⁶ Узу ктагъур учву дарчва, гьаму Узу вуза учву ктагъур, гьаму Узу вуза учву дюнʼяйиз улупнайир, ва бегьер туврудар (учву вучва) – варитӀан ужуб бегьер. Ва гьадмуган Йиз Адашди учвуз, учву ккун гъапӀуб, вари тувди.

Югьан 15:16 Referans Kwoze

Югьан 15:19

Учву му дюнʼяйиндар вуди ккундийи, диди учву чандарси ккун апӀидийи. Хъа учву му дюнʼяйиндар даруган, гьаддиз учву дюнʼяйиз даккунди ву (яна, Узу учву кадагъну му дюнʼяйихьан жара гъапӀунзачву).

Эфес 2:10

Аллагьди ухьуз дерккнайи ужувлан ляхнар тамам апӀуз, ухьу Иса Месигьдиъ саб дапӀну, халкь дапӀнайидар вухьа.

Лука 6:13

Йигъ улубкьиган, Чан ученикариз дих дапӀну, дурарикан йицӀикьюр кас ктагъуру ва дурариз Чан вакилар кӀуру ччвур тувуру.

Галат 1:15

Хъа Аллагьди Чан ужувлиинди Чан гъуллугънаъ хьуз узу ктагъну. Дугъан гьациб ният узу бабкан хьайиз айи.

Югьандин-1 4:19

Аллагьди ухьу сифте ккун дапӀнайиган, ухьура Думу ккун апӀурахьа.

Ляхнар 22:14

Хъа дугъу узуз гъапизузки: «Ихь абйирин Аллагьди Чан ният увуз аьгъю хьпан бадали, Гьякьлур рякъбан бадали ва Дугъан мелзналан дих ебхьбан бадали уву кадагъна.

Тимофейиз-2 2:2

Увуз узкан гъеебхьуб гизаф адмийирин улихь жарадаризра гьаци улупуз удубкьру хъугъвал али касарин арайиъ кидибт.

Югьан 13:18

Узу учвкан варидарикан кӀурадарза: Узуз аьгъязуз Узу кадагънайидар. Саки Гирами китабариъ дидикӀнайи му гафар кӀулиз удучӀври: «Узухъди уьл гъипӀур Узуз къаршу удучӀвну».

Югьан 6:70

– Узу дайкӀана учву йицӀикьюридра ктагъур? – гъапи дугъаз жаваб вуди Исайи. – Хъа учвкан сар иблис ву.

Петрин-1 3:15

Хъа Агъа Месигьдин гьюрмат ичв юкӀвариъ гирамиди уьбхяй. Учвуъ яшамиш шулайи умуд фтиин биналамиш дубхьна, кӀури, гьерхруриз, ккунириз жаваб тувуз шлубси гьязурди гъузай;

Югьандин-1 4:10

Дугъри вуйи ккунивал, ухьу Аллагь ккун гъапӀну кӀури, гьаддиъ адар, хъа Аллагьди Чав ухьу ккун гъапӀну ва Чан Бай ухьу гъапӀу гунгьарихъанди гъурбан хьуз гьаъну – магьа гьякь вуйи ккунивал.

Насигьятар 11:30

Гьякьвалин йимишдикан, уьмрин гьар ктубчӀвура, ва юкӀварра инсанарин, аькьюл айири мютӀюгъ апӀура.

Ляхнар 1:24

Хъасин вакилари ккарагури гъапнийи: – Я Агъа, Увуз гьар касдин кӀваъ айиб аьгъявуз. Гьаму кьюрикан Уву фуж ктагъуруш,

Петрин-1 3:2

ичв марцци ва Аллагьдихьан гучӀру уьмур уларикк ккади рябкъюрайибдиинди, саб гаф адарди, дурарра хъугъвалихъна гъиди.

Рим агьларихьна вуйи кагъаз 15:4

Гирами китабариъ дибикӀнайиб вари, диди туврайи сабурлувалин ва ккарцрувалин кюмекниинди ихь умуд ктадабтӀбан бадали, ухьуз насигьят вуди, дибикӀнайиб ву.

Ляхнар 9:15

Хъа Агъайи дугъаз кӀуру: – Гъарах, фицики паччгьарин, жугьдарин ва жара халкьарин арайиъ Йиз ччвур адлу апӀуз думу кас Узу кадагъунза.

Матта 21:22

Хъугъувал ади учву ккарагури фу ккун гъапӀиш, гьадму хьибдичвуз.

Тимофейиз-2 1:11

Гьадму Ужувлан хабар ктибтру вакилди, аьгъювалар улупрурди ва мялимди Аллагьди узу дерккну!

Коринф-1 10:11

Гьамрар вари, гъюз ккимбуб улупури, гьадмуган дурарихъди гъахьнийи, хъа му ухьуз, дарс вуди, дибикӀна.

Рим агьларихьна вуйи кагъаз 9:21

БатӀур гъабар апӀрурин хилиъ адаринхъа? Дугъу чаз ккун гъабшиш, гьадму гъурдсиб батӀрикан багьайин гъаб, ясана ужуз гажин апӀуру.

Якьубдин 3:18

Ислягьвал бадали мясляаьтниинди лихрудари гьякьвалин бегьер ккадабцӀиди.

Жугьдариз 11:4

Авели, хъугъувал ади, Аллагьдиз КаиндитӀан ужуб гъурбан гъабхну. Дугъу гъабхи гъурбан Аллагьди, дугъан хъугъувализ дилигну, кьабул гъапӀну ва гьаддиинди думу гьякьра гъапӀну. Дугъан хъугъувалин мисал, гьеле думу учв чӀивиди имдаршра, гъира кмиди ухьуз метлеб ади гъубзрахьуз.

Титдиз 1:5

Узу уву Критдиин гьял дапӀну адру вари ляхнар гьял апӀбан бадали ва гьарсаб шагьриъ хъугърударин арайиъ аьхюдар дерккбан бадали гъитунзаву.

Колосс 1:6

Ужувлан хабар учвухьна гъафну. Учву, гьякьвали абцӀнайи Аллагьдин ужʼвал деебхьну, гъавриъ ахъунчву. Думу йигъхъанмина Ужувлан хабар, ичв арайиъси, вари дюнʼяйиъ рабгъура ва диди чан бегьер хура.

Рим агьларихьна вуйи кагъаз 1:5

Гьадгъулантина узуз, Аллагь аьгъдру халкьар хъугъувалихъна ва хъпехъувалихъна хпан бадали, вакилвалин багъиш гъурубкьунзуз. Му ляхнар Дугъан ад бадали вуйидар ву.

Ляхнар 10:41

Анжагъ Думу варидариз ваъ, хъа Аллагьди улихьмиди ктагъу шагьидариз, яна Думу чӀиви гъашихъан, Дугъахъди ипӀури-убхъури гъаши учузтӀан, улупну, ачухъ гъапӀундар.

Тимофейиз-1 2:7

Гьаддиз узу, Хабар рабгърурди, Месигьдин вакилди ва жугьуд дару халкьариз гьякь хъугъувалин мялимди дерккнайир вузун; кучӀлар апӀурадарза, гьякь кӀураза.

Колосс 1:23

Учву мици, хъугъувалин ижми ва мюгькам бинайиин дугъужвну ва Ужувлан хабарну учвуз бахш дапӀнайи умуднахъ хъади гъузиш, хьидичва. Думу Ужувлан хабарнакан учвуз гъеебхьунчвуз – аьршарин кӀанакк вари халкь дапӀнайибдиз дидкан хабар дебккна, ва узу, Павел, гьаддин гъайгъушнаъ айир вуза.

Эвел 18:18

Ибрагьимдикан гьякьди зурба ва кьувватлу халкь арайиз гъибди, ва гьадму халкьдилантина дюнʼяйин вари имбуну халкьаризра ужʼвал хьибди.

Рим агьларихьна вуйи кагъаз 1:13

Гъардшар, учвуз аьгъяди ккундузуз, жара халкьаризси, учвузра узкан артухъси мянфяаьт ктабгъуз шлуси, гизаф ражари узу учвухьна гъюз гьязур гъахьунза, хъа гьамусдизкьан, манигъвалар алахьури, гъюз гъабхьундарзухьан.

Ляхнар 1:8

Гирами Рюгь учвʼина гъафиган, кьувватну ацӀдичву ва Йиз шагьидар, сифте Ерусалимдиъ хъа вари Ягьудияна Самария уьлкйириъ, ва гьацира тап дюнʼяйин тмуну кӀулизкьан, хьидичва.

Матта 7:7

Ча йипай – тувдичвуз; абгай – бихъидичвуз; раккник кучай – абццдичвуз.

Югьан 15:5

Узу – шир, хъа учву – кюлер. Анжагъ гьадмунури, Узу чаъ айиганси, фуж Узуъ аш, бегьем бегьер хури шулу. Узу хътарш, учвхьан фукӀа апӀуз шулдар.