Югьан 15:12 - Гирами Китаб

¹² Магьа Йиз учвуз вуйи табшуругъ: Узу учву ккун гъапӀиганси, сари-сар ккун апӀинай.

Югьан 15:12 Referans Kwoze

Югьандин-1 4:21

Месигьди учуз гьамциб насигьят тувунчуз: Аллагь ккунири чан гъардашра ккун дапӀну ккунду.

Югьан 13:34

Узу учвуз цӀийи табшуругъ тувраза: сари-сар ккун апӀинай, Узу учву ккун гъапӀиганси, гьаци учвура сари-сар ккун апӀинай.

Петрин-1 4:8

Сифтена-сифте вари кӀваантӀан чиб-чпи ккун апӀинай, гьаз гъапиш масанвали гизаф гунгьар ккеркру.

Югьандин-1 3:23

Магьа ухьуз Аллагьди фициб табшуругъ дебккнаш: ухьу Дугъан Бай – Иса Месигьдихъ хъугъну ккунду, ва Исайи ухьуз табшурмиш гъапӀиганси, ухьу сари-сар ккун дапӀну ккунду.

Рим агьларихьна вуйи кагъаз 12:10

Чвйирси чиб-чпи ккун апӀинай. Гьарсари жвувазтӀан чиб-чпиз артухъ гьюрмат апӀинай.

Эфес 5:2

Кабалгру ицци ниар адаури, Аллагьдиз Месигь Учв фици гъурбан гъахьнуш ва фици ухьу ккун гъапӀнуш, гьаци масанди яшамиш йихьай.

Петрин-1 3:8

Аьхирки, гъит ичв сабсдар фикрар ва гьиссар ишри, ичв гъардшарихьна вуйи саб масанвал ибшри, язухъ зигуб ва фурс ктрувал ибшри.

Петрин-1 1:22

Учвуз ичв хъугънайи гъардшар, жвув гьякьвалихъ хъебехъну марцц гъахьиган, кью-кьюб маш гъидривру масанвалиинди, марцци юкӀвариинди ва жандин вари кьувватниинди ккун гъахьунчвуз!

Фессалоник-1 4:9

Гъардшарихьна вуйи масанваликан бикӀуб думукьан лазим вуди гьисаб апӀурадарча, фицики Чав, Аллагьди, учву чиб-чпи ккун апӀуз улупунчвуз.

Фессалоник-1 3:12

хъа ичв чиб-чпихьна ва жарадарихьна вуйи масанвал, ич учвухьна айи масанвалси, Агъайи гьубкӀну ва артухъра кади туври.

Фессалоник-2 1:3

Вари учвуз гъапӀубдиз учу гьаммишан Аллагьдиз баркаллагь дупну ккунду, гъардшар. Му гьякь ву, гьаз гъапиш ичв хъугъувал кьадар адрубкьан аьхю шула ва учвкан гьарсари вари ккун апӀурайи ва чиб-чпи ккун апӀурайи масанвал айибтӀан артухъ шула.

Югьан 15:17

Магьа Узу учвуз табшурмиш апӀурайиб: сари-сар ккун апӀинай.

Югьандин-2 1:5

Хъа магьа гьамус узу, багьалу вуйи агъа-ханум, саб ккун апӀураза (му насигьят цӀийиб даршра, сифте бинайианмина ухьуз тувнайиб ву): гъач, сари-сар масанди дисурхьа!