Югьан 15:11 - Гирами Китаб

¹¹ Узу учвуз му гьаддиз гъапунза: Йиз шадвал ичвуб хьпан бадали, учву кьикьнягъди ацӀну шлуси.

Югьан 15:11 Referans Kwoze

Рим агьларихьна вуйи кагъаз 15:13

Гъит, умуд тувру Аллагьди учву ичв хъугъувалилантина, Гирами Рюгьнан кьувватниинди ичв умуд артухъ хьпан бадали, шадвали ва мясляаьтну ацӀричву.

Югьан 17:13

Хъа Узу гьамус Увухьна гъюраза. Узу сабан жилиин илмиза, му вари Узу гьаддиз кӀураза, Йиз абцӀну вуйи шадвал Узухъди дурарира пай апӀбан бадали.

Югьан 16:24

Учву мегьел фукӀара Йиз ччвурнахъан тӀалаб гъапӀундарчва. Гьамус тӀалаб апӀинай – хьибдичвуз, ва учву шадвалихьди ацӀдичву!

Югьандин-1 1:4

Учу му, учуз гьубкӀу шадвал хьпан бадали, бикӀурача.

Петрин-1 1:8

Думу (Иса) ккундучвуз, гьеле учвуз гъяркъюндаршра, учву Дугъахъ хъугърачва, гьеле гьаму ражари Думу ичв уларикк ккадаршра. Учву улупуз даршлу аьжайиб шадвали ацӀну урхьурачва,

Югьандин-2 1:12

Узуз хъана гизафубдикан учвуз бикӀуб лазим вуйи, хъа узу кагъзииндина чернилиинди бикӀуб ужу вуди гьисаб апӀурадарза. Мидин ерина, учвухъди машна-машди улхбан бадали ва ихь шадвал гьубкӀуб хьпан бадали, багарихьди учву рякъюр пну, умуд кайиз.

Югьан 16:33

Узу му гафар, Узуъ учву мясляаьт абгри пну, гъапидар вуйиз. Му дюнʼяйиъ учвуз дердер алахьидичвуз, аммаки миж макадабтӀанай: Узу му дюнʼяйиин гъалиб гъахьунза.

Коринф-2 1:24

Учуз, ичв хъугъувалиин агъавал апӀуз ккунди адарчуз, ваъ, учу апӀурайиб вари, ичв шадвализ вуйич, гьаз гъапиш учву хъугъувалиъ мюгькамди дийигъначва.

Фессалоник-1 5:16

Гьаммишан шадвалиъ гъузай,

Лука 15:32

хъа яв му чве дукӀну айи ва чӀиви гъахьну, дудургну айи, гъидихъну, ва гьаддиин шад хьуб ва гешт хъапӀуб лазим вуйи».

Лука 15:9

Хъа му гъибихъган, чан дуст хпар ва гъуншйир уч дапӀну, дугъу: «Узухъди шад йихьай, узуз гъудубгу арсран кепек гъибихъунзуз» дарпиди гъитрин?

Филипп 1:25

Му гьаци вуйиган, узу гьамушвʼин гъузруб аьгъязуз. Узу, учву хъугъувалиъ улихь гъягъюз ва ичв хъугъували хурайи шадвал артухъ хьуз, учвухъди гъуздиза.

Эфес 5:18

Ички гизаф мубхъанай, диди ягь-намус дубгуз гъитру, хъа Рюгьнахьди ацӀай.

Югьан 3:29

Швушв анжагъ швушв хурайириз ву, хъа дугъахъ хъебехъну, дугъу гъапиб апӀурайир швушв хурайирин дуст ву. Швушв хурайирин дих кубкӀиган, шад шулу: узура гьаци шадвали ацӀназу.

Лука 15:5

Хъа дибихъну, думу гъюнариина шадди за апӀидарин?

Лука 15:23

Хъасин гваназ дюбхнайи кӀари дубхну, убккай. ИпӀури ва убхъури шадвал апӀидихьа.