Югьан 15:10 - Гирами Китаб

¹⁰ Эгер Узу учвуз табшурмиш гъапӀуб учву тамам апӀури гъашиш, Йиз масанвалиъ яшамиш хьидичва. Гьаци Узура гъапӀунза: Узуз Йиз Адашди табшурмиш гъапӀуб Узу тамам гъапӀунза ва Адашдин масанвалиъди яшамиш шулаза.

Югьан 15:10 Referans Kwoze

Югьан 14:15

Эгер учвуз Узу ккундуш, Узу учвуз фу табшурмиш гъапӀнуш, гьадму тамам апӀинай.

Югьандин-1 5:3

Аллагьдихьна вуйи ихь масанвал Дугъан табшуругъар тамам апӀбиинди улупурайиб вуйиштӀан. Хъа Дугъан табшуругъар тамам апӀуб думукьан читин ляхин дар.

Югьандин-1 2:5

Хъа фуж Аллагьдин аьгъюваларихъ хъпехъураш, думу дугъриданра Аллагьдин масанвали ацӀна. Магьа гьамци ухьу Аллагьдикди кидикьнайивал аьгъю апӀуз шулу.

Петрин-2 2:21

Дурариз, гьякь Рякъкан аьгъю дубхьну, чпин хилиъ ивнайи гирами табшуругъарихьан гьудучӀвайиз, дидкан зат аьгъю гъабхьундайиш ужу хьибдийи!

Югьан 8:29

Хъа Узу Гьаур Узухьди хьа – Дугъу Узу сарди гъитнадар, фицики Узу гьарган Дугъаз ккуниб апӀураза.

Югьан 4:34

Исайи дурариз кӀуру: – Йиз хураг Узу Гьаурин ният тамам апӀуб ва Дугъан ляхин ккудубкӀуб вуйиз.

Фессалоник-1 4:1

Аьхиринишвʼин гъардшар, учу учвуз Аллагьдиз ккунидарси яшамиш хьуз улупганси, гьамусдихъантинара гьаци яшамиш хьуб учвкан Агъа Исайин ччвурнахъан ккун апӀурача. Учву гьамустӀанра гьаци яшамиш шули ачва, хъа вушра, хъана артухъ ужуйи яшамиш хьуз чалишмиш йихьай.

Югьан 17:4

Узуз Уву табшурмиш гъапӀу ляхин тамам дапӀну, Узу Уву жилиин адлу гъапӀунзаву.

Югьан 14:31

Аммаки му дюнʼяйиз аьгъю дубхьну ккунду: Узуз Йиз Адаш ккундайиб. Магьа гьаддиз Дугъу Узуз гъапиб вари тамам апӀураза. Гъудужвай, гъягъюрхьа гьамушвʼан!

Югьан 12:49

Фицики Узу Йиз Узхьан гъапиб дариз – му Узу гьау Адашдин, Узуз вуйи амур ву, фу кӀуруш ва фици кӀуруш.

Ачмиш 22:14

Хушбахтаврар ву чпин палтар урччурайидар! Дурариз уьмрин гьарихьна ихтияр а, дурарихьан Шагьриъ урнарианмина учӀвуз шулу.

Югьан 14:21

Шли Узхьан вуйи табшуругъар тамам апӀураш, гьадму ву Узу ккунир. Шлиз Узу ккундуш, Йиз Адашра гьадгъу ккун апӀиди. Гьацир Узузра ккун хьидизуз ва гьацирин улихь ачмиш шули хьидиза.

Коринф-1 7:19

Суннат дапӀнайивал, ясана адрувал – мурариъ гьич саб мяна адар, хъа мяна – Аллагьдин табшуругъар тамам апӀуб ву.

Жугьдариз 7:26

Ари гьамци гирами, гьич саб тахсир ктру, марцци, гунагькрариккан асиллу дару ва аьршартӀанна заан вуйи заан Гъуллугъчи ухьуз лазимра вухьуз.

Югьан 8:55

Учвуз Думу гьич саб вахтнара аьгъюр дайчвуз, хъа Узуз Думу аьгъязуз. Эгер Узуз Думу аьгъюр дарзуз, гъапнийиш, Узура учвусир кучӀлях вуди гъахьнухьидийи. Хъа Узуз Думу аьгъязуз ва Узу Дугъан гафниин алза.

Югьан 10:18

Йиз уьмур сарира дадабгъидар, Узу Йиз хушниинди думу тувраза. Думу тувуб Йиз ихтиярнаъ, думу, кьяляхъ гъадабгъубра Йиз ихтияриаъ айиз. Думу гьаци Узуз Йиз Адашди улупунзуз.

Югьан 14:23

Исайи жаваб туву: – Шлиз Узу ккундуш, гьадгъу Йиз Гаф уьбхиди. Ва гьадмуган дицир Йиз Адашдизра ккун хьиди, гьадмуган Узуна Думу сатӀиди гьацирихьна гъидича ва гьадгъаъ яшамиш хьидича.

Югьандин-1 2:3

Дугъан табшуругъар тамам апӀури гъашиш, ухьуз Аллагь дугъридан аьгъю гъахьунхьуз дупну, архаин хьуз шулухьхьан.

Югьандин-1 2:6

Шли Аллагьдиз ккуниси яшамиш шулаза кӀураш, думу Исаси духьну ккунду.

Паччагьлугъар-2 22:22

узу РАББИЙИН къанундин рякъяр уьрхюри гъахьунза, ва, йиз Заанурихьан гьидицну, писвал гъапӀундарза аьхир.

Паччагьлугъар-4 18:6

Думу РАББИЙИКАН ижмиди кичӀихнайи ва хътадаркри Дугъахъди гъягъюйи. РАББИЙИ Муса пайгъамбрин мелзналан туву амрар дугъу тамам апӀуйи.