Югьан 14:12 - Гирами Китаб

¹² Гьякьлу вуйи гьякь кӀуразачвуз: фуж Узухъ хъугъраш, гьацири Узу апӀурайи ляхнар апӀиди ва УзутӀан артухъдира кади апӀиди, фицики Узу Адашдихьна гъягъюраза.

Югьан 14:12 Referans Kwoze

Матта 21:21

Исайи дурариз жаваб вуди гъапи: – Гьякь кӀуразачвуз, эгер учвуз хъугъувал аш ва учву шаклу даршиш, му инжирин гьарин кӀулʼина гъафиб гъубзри, учву гьатму дагъдиз: «Яв йишвʼлан улдубчӀвну, гьюлиъ убс», гъапиш, гьадмура тамам хьибди.

Марк 16:17

Хъугъдарихьан аьламатар улупуз хьибди: дурарихьан Йиз ччвурниинди жинар утӀурккуз хьиди, цӀийи чӀалариинди кӀури хьиди.

Ляхнар 16:18

Гьамци думу шуру гизаф йигъари кӀури гъахьну. Павелихьан аьх апӀуз дархьиди, шурахьинди илдицну, дугъак кайи фалин жиндиз кӀуру: – Месигь Исайин ччвурнахъан увуз амур апӀураза: дугъʼан удубчӀв! Думу жинра дишлади шурʼан удубчӀвуру.

Ляхнар 9:34

Петр дугъаз кӀуру: – Эней! Месигь Исайи уву сагъ апӀура. Яв ахниккан гъудужв! Энейра дишла гъудужвуру.

Ляхнар 19:12

гьаддиз дугъан хил кубкӀу ягълухъар, ккурттарра кмиди, аьзарлуйир сагъ апӀбан бадали, ишлетмиш апӀуйи ва дурар сагъра шуйи. Дурариан гьацира жинарра удучӀвуйи.

Ляхнар 9:40

Петри дурар хулʼан адауру ва, кьамкьариина ис духьну, ккарагуз хъюгъру. Хъасин гъачӀирихьинди илдицну, кӀуру: – Тавифа, гъудужв! Дишагьлийи улар арццру ва, Петр дяркъну, за духьну деъру.

Ляхнар 8:7

Гьаз гъапиш, дугъу гизафдариан чӀигъар апӀурайи жинар адаъну ва аьхючӀвеъ паралич кайидар, ликудар сагъ гъапӀну.

Ляхнар 5:15

Аьзарлуйирра кмиди, кючейиз адагъуйи, ахнар-леъфариин дитуйи, дилинтина гъягъруган, Петрин сиринкьан кубкӀри кӀури. Фицики дурар сагъ хьпан бадали гьадмура чӀяаьн шул пну, дурари миж кивуйи.

Ляхнар 2:41

Дугъан гафар кьабул гъапӀдар штуан гъахьнийи; хъа гьадму йигъан хъугънайидарин кьадар шубуд агъзур кас шулу.

Ляхнар 4:4

Аьгъювалар гъеерхьдарикан гизафдар хъугънийи. Дурарин кьадар хьуд агъзурихьнакьан вуйи.

Югьан 16:7

Хъа Узу гьякь кӀуразачвуз: учвуз ужʼвал бадали гъяраза. Эгер Узу дурушиш, Хъюгърур учвухьна гъидар. Хъа Узу гъушиш, Думу учвухьна гьаъдиза.

Ляхнар 2:33

Гьамус Думу аьршариин Аллагьдин арччул хилихъ деъна. Дугъу Адашдихьан тувурза дупнайи Гирами Рюгь кьабул гъапӀну ва Гьадму, учвуз рябкъюрайиси ва ебхьурайиси, учʼин улурзну.

Югьан 7:39

Исайи гьамци Гирами Рюгьнакан гъапнийи. Думу Исайихъ хъугънайидариз рукьиди. Думу вахтназ Гирами Рюгь мегьел тувну адайи, гьаз гъапиш Иса сабан Аллагьдин аднаъ ахънадайи.

Югьан 7:33

Гьадму вахтна Исайи халкьдиз кӀурайи: – СацӀибсана Узу учвухъди гъуздиза, хъасин Узу мина Гьаурихьна хътакидиза.

Ляхнар 6:7

Гьамци Аллагьдин гаф рабгъури, Ерусалимдиъ хъугънайидарин кьадар артухъ шулайи, маллйириканра гизафдар Аллагьдихъ хъугъри гъахьнийи.

Ляхнар 4:16

– Ухьу мурарикан гьапӀхьа, фицики Ерусалимдиъ яшамиш шулайи гьарсар касдиз му аьхю аьламат гьадрари гъапӀуб ачухъди аьгъя, ва ухьхьан му гъапӀундар пуз шулдар.

Югьан 14:28

Узу учвуз «гъягъюраза» гъапиб учвуз гъеебхьунчвуз, ва: «Узу учвухьна хътакидиза», гъапнура вуза. Эгер учвуз Узу ккундийиш, Узу Адашдихьна гъярайибдиин учву шад хьидийчва, фицики Йиз Адаш УзутӀан артухъ ву.

Ляхнар 10:46

Фицики дурариз гьадрари фици, жара чӀалариинди улхури, Аллагьдин аьхювалин тяриф апӀураш, ебхьурайи. Гьадмуган Петри кӀуру:

Ляхнар 4:33

Вакилари зурба кьувватниинди Агъа Иса чӀиви хьуваликан шагьидвал апӀури гъахьну. Дурариин Аллагьдин ужʼвал алди гъабхьну.

Марк 11:13

Ярхлаъ инжирин гьар гъябкъю Думу, дидигъ йимишар гъяш лигуз кӀури, багахьна гъягъюру, амма Дугъаз, гьаригъ фукӀара гъибихъундайи, фицики инжирар хъуркьру вахт улубкьнадайи.

Югьан 4:37

«Сари убзуру, тмунури ккадабцӀуру» кӀуру мисал гьамци вуйиган гьякь ву.

Югьан 5:20

Адашдиз Бай ккунду, ва Дугъу Чав апӀурайидар вари Бализ улупура. Дугъу Бализ бегьем артухъ улупиди ва учву мегьел мюгьтал хьуз ккимичва.