Югьан 14:10 - Гирами Китаб

¹⁰ – Узу Адашдиъ, Адаш Узуъ айибдихъ уву хъугърадарна? Узу учвуз кӀурайи гафар Узхьан кӀурайидар дариз, хъа дурар кӀурайир Узуъ айи Адаш ву, Чан ляхнар апӀурайи.

Югьан 14:10 Referans Kwoze

Югьан 5:19

Исайи дурариз кӀуруки: – Гьякьлу вуйи гьякь кӀуразачвуз: сабан Чан Адашди гьапӀраш дярябкъкьан гагьди, Балхьан Чан-Чаинди фукӀара апӀуз шулдар. Адашди гьапӀраш, Балира гьадму апӀура.

Югьан 10:38

Хъа эгер Узу дурар апӀураш, учвхьан Узухъ хътругъуз шулчвухьан, саки Йиз ляхнарихъкьан хъугъай! Гьадмуган, учвуз аьгъю хьибдичвуз ва: Узуъ – Йиз Адаш, хъа Узу – Дугъаъ айибдин гъавриъ хьидичва.

Ляхнар 10:38

Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну.

Югьан 12:49

Фицики Узу Йиз Узхьан гъапиб дариз – му Узу гьау Адашдин, Узуз вуйи амур ву, фу кӀуруш ва фици кӀуруш.

Югьан 10:30

хъа Узуна Йиз Адаш сар вуча.

Югьан 8:28

Исайи давам гъапӀу: – Учву Инсаниятдин Бай за гъапӀиган, гьадмуган аьгъю хьибдичвуз, Узу Гьарганур вуйиб, ва Узу Йиз Узлан фукӀара дарапӀруб: Узу анжагъ Адашди улупуб кӀураза.

Колосс 2:9

Гьаз гъапиш вари Аллагьдин тамамвал Гьадгъаъ рябкъюри а.

Югьан 17:8

Уву Узухьди гьау гафар, Узу дурарихьна тувунза ва дурар дурари кьабул гъапӀну. Узу Увхьан дуфнайивалин дурар якьинтӀан гъавриъ ахъну ва Уву Узу гьаувалихъ хъугъну.

Югьан 5:17

Хъа Исайи дурариз жаваб тувру: – Йиз Адаш гьарган лихури шулу, Узура лихураза.

Югьандин-1 5:7

Гьаз гъапиш, дидин шубур шагьид а:

Коринф-2 5:19

Яни Аллагьди, Месигьдиланмина Чаинди вари дюнʼя чпи гъапӀу гунгьариз дилигди, албагну. Ари гьаму албагбакан Хабар дебкк дупначуз.

Югьан 8:38

Учвуз Йиз Адашдихь гъябкъюбдикан кӀуразачвуз, хъа учву учвуз ичв адашдикан гъеебхьуб тамам апӀурачва.

Колосс 1:19

фицики Аллагьдиз, вари тамамвал Гьадгъаъ ади хьуб ккун гъабхьну.

Югьан 14:20

Ва гьадму йигъан учвуз аьгъю хьибдичвуз, Узу Йиз Адашдиъ шулайиб, учву – Узуъ, хъа Узу – учвуъ.

Югьан 7:16

Исайи гъапи: – Йиз аьгъювалар Йиздар дар, хъа Узу Гьауриндар ву.

Югьан 8:40

Хъа учвуз Узу йикӀуз ккундачвуз. Чаз Аллагьдикан деебхьнайи гьякьвал учвуз улупурайи Гьадму Адми йикӀуз ккундачвуз! Гьамци гъапӀнийинхъа Ибрагьимди?!

Югьан 11:26

Хъа гьарсар, яшамиш шулади Узухъ хъугънайир аьсрариъра йикӀидар. Уву гьамдихъ хъугъурна?

Югьан 3:2

Йишвну Исайихьна дуфну, дугъу кӀуру: – Мялим! Учуз уву Аллагьдихьан дуфнайи Мялим вуйиб аьгъячуз, фицики Уву апӀрусдар аьламатар, эгер Аллагь Увухъди хътайиш, сарихьанра апӀуз даршлийи.

Югьан 14:11

Узухъ хъугъай: Узу – Адашдиъ, ва Йиз Адаш Узуъ а. Узухъ хъугъдарш, Узу апӀурайи ляхнарихъкьана хъугъай.

Югьан 14:24

Шлиз Узу ккундарш, Йиз гафар уьрхидар. Учвуз ебхьурайи Гаф Йизуб дариз аьхир, хъа Узу гьау Адашдинуб ву.