Югьан 14:1 - Гирами Китаб

¹ Исайи варидариз кади кӀуру: – Гъит ичв юкӀвариан шаклувалар удучӀври! Учву Аллагьдихъ хъугърачва, гьаци Узухъра хъугъай!

Югьан 14:1 Referans Kwoze

Югьан 12:44

Исайи аьхю дихниинди гъапи: – Фуж Узухъ хъугъраш, гьацир Узухъ хъугърадар, хъа Узу Гьаурихъ хъугъра.

Югьан 6:40

Даршуз магьа Йиз Адашдиз ккундайиб: Чан Бай рякъруриз ва Дугъахъ хъугъру гьарсар касдиз гьаргандин уьмур хьуб. Узу думу гъиямат йигъан гьаргандин уьмрихьна хътаидиза.

Петрин-1 1:21

Учву Думу гъачӀидаригъян чӀиви гъапӀу ва Дугъаз ад туву Аллагьдихъ, Гьадгъулантина хъугъначва. Гьаци вуйиган, ичв хъугъвал ва миж Аллагьдиъ авучв.

Югьан 13:19

Му хьайиз, мидиз улихьна Узу учвуз кӀураза. Гьаци вуйиган, му ляхин улубкьиган, учву Узу Гьадму – Гьарган Айир – вуйибдихъ хъугъдичва.

Эфес 1:15

Магьа гьаддиз, Агъа Исайихьна айи ичв хъугъуваликан ва Аллагьдин вари гирами халкьдихьна айи ичв масанваликан узуз гъеебхьиган,

Югьан 12:27

Гьамус Йиз юкӀв гъалабну абцӀна! Фу пну ккунду Узу? ПидикӀан: «Я Адаш! Узу гьаму гьялнаккан уьрх!» Саки Узу му дюнʼяйиз гьаддиз дуфназа – гьаму гьял бадали! Адлу апӀин Яв ччвур, Адаш!

Коринф-2 2:7

Хъа гьамус, хил алдабгъну, думу ккарцай, дердну ккагъуз мигъитанай.

Югьан 11:33

Марʼям ва дугъахъди гъафи жугьдар дердлуди ишури дябкъну, кӀван деринаризкьан Чазра язухъ дубхьнайи Исайи гьерху:

Югьан 5:23

варидари, фици Адашдин гьюрмат уьбхюраш, гьаци Балинна гьюрмат уьбхбан бадали Дугъу вари суд апӀру гьюкум Балихьна тувна. Шли Балин гьюрмат уьбхюрадарш, гьадгъу Думу гьау Адашдинра гьюрмат уьбхюрадар.

Югьан 16:3

Дурари дици гьаддиз апӀидики, гьаз гъапиш дурариз я Узу, я Йиз Адаш аьгъдар.

Югьан 16:6

гьаз гъапиш Узу учвуз вари ктибтиган, ичв юкӀвар пашман духьнайичв.

Югьан 16:24

Учву мегьел фукӀара Йиз ччвурнахъан тӀалаб гъапӀундарчва. Гьамус тӀалаб апӀинай – хьибдичвуз, ва учву шадвалихьди ацӀдичву!