Югьан 13:8 - Гирами Китаб

⁸ – Йиз ликар жикӀуб?! Гьич хьибдар! – кӀуру Петри. – Эгер Узу дижрикӀиш, сарун уву Йизур дарва! – гъапи Исайи.

Югьан 13:8 Referans Kwoze

Титдиз 3:5

Думу, ухьу апӀури гъахьи ихь «гьякь ва дугъри» ляхнариз дилигну, Гъафир дар, хъа Чан ужʼвалилантина гьаци гъабхьиб ву. Дугъу ухьу гъюрхну, штухьди марцц дапӀну, таза алаъну ва Гирами Рюгьнахьди цӀийи гъапӀну.

Ляхнар 22:16

Гьаци вуйиган, уву фтиз ккилигурава? Гъудужвну, штуан йихь, Агъа Исайихъ хъугъувалиинди яв гунгьарихьан марцц йихь».

Жугьдариз 10:22

Гьаци вуйиган гъачай Дугъахьна, гьубкӀу хъугъувалиинди, ифи кибчбиинди юкӀвар чӀуру нефснахьан марцц ва ихь жанар марцци штуʼан дапӀну, ачухъ юкӀвар ади гъюхьа.

Коринф-1 6:11

Учвкан саб кьадар ари гьацдар вуйчва, аммаки ихь Аллагьдин Рюгьну ва Агъа Иса Месигьди ухьуз гъапӀубди учву марцц, гирами ва гьякь гъапӀунчву.

Ачмиш 7:14

«Йиз аьхюр, думу увуз ужуди аьгъявуз!» – жаваб тувза. Дугъу гъапизуз: «Мурар зурба бедбахтвалариккан ккудучӀвдар ву. Дурари чпин палтар, Ччилан ифдиъ дурччну, лизи гъапӀну,

Ачмиш 1:5

Иса Месигьдихьанра – гьякь Шагьид вуйирихьан, гъийихдарик сарпирди чӀиви Гъахьирихьан ва дюнʼяйин паччгьарин зиин агъавал АпӀурайирихьан ужʼвал ва мясляаьт ибшричвуз. Ухьу Ккунириз, Чан ифдиинди ухьу ихь гунгьарихьан азад ГъапӀуриз,

Колосс 2:23

Диндин аьдатариз мютӀюгъваликан, жвув гьадатӀуваликан, бедендиз ккуниб дарапӀуваликан кӀуру гьамцдар къайдйир, зиълан гъилигган, фагьумлударси рякъюру. Амма дурари бедендин тямягьариз къаршу дийигъуз кюмек апӀдар!

Колосс 2:18

МютӀюгълуди хьуз ккунидари, малайикариз икрам апӀрудари учвук тахсир кипруси мапӀанай. Дурар чпин гьугъужвувалариъ ахьна. Давди, чпин фагьмиин элеъну, фурс апӀура – думу гьаму дюнʼяйинуб ву!

Югьан 3:5

Исайи дугъаз жаваб туву: – Гьякьлу вуйи гьякь кӀуразавуз: фуж штуан ва Гирами Рюгьнахьан цӀийикӀултӀан бабкан дархьиш, дицирихьан Аллагьдин Паччагьлугъдиъ учӀвуз хьибдар.

Матта 26:33

Хъа Петри Исайиз жаваб вуди гъапи: – Варидари Уву гъитишра, узу гьич саб вахтнара дици дарапӀарза.

Матта 21:29

Думу, «Ккундарзуз!» – пну, жаваб тувну, хъасин, швумал духьну, лихуз гъягъюру.

Матта 26:35

Петри Дугъаз кӀуру: – Узу Увухъди йикӀуб алабхъурушра, Уву «аьгъюр дарзуз» пидарза. Имбу ученикарира гьамцдар гафар гъапнийи.

Матта 16:22

Хъа Петри Иса гъирагъдиз гьадаъну, Дугъан гафар гьадатӀуз хъюгъру: – Аллагьди Увуз рягьим апӀри, я Агъа! Яв кӀулʼин дицисдар кьазйир улулукьри.

Эвел 42:38

Аммаки Якьубди гъапи: – Йиз бай увухъди дина гъягъидар! Дугъан гъахи чве дукӀна. Чан дадайин веледарикан гъузнайир сар гьадму вуйиз! Эгер рякъюъ дугъаз фукӀа гъабшиш, гьадму дердерихьди йиз лизи кӀул накьвдиз гъябгъюз гъитдичва.

Югьан 13:6

Гьамци Иса Петрихьнакьан хъуркьру. Ва Петри Дугъаз кӀуру: – Я Агъа! Увуз йиз ликар жикӀуз ккунди айвуз?!

Паччагьлугъар-2 20:1

Душвахьна Вениаминдин наслиан сар алчагъ Шева, Бихрийин бай, адахъну. Дугъу кӀарчнаан сесер гъапӀу ва гьарай ипу: – Давуддик ктарихь пай, ихьур дар Ессейин бай! Яв чадрариккна гъарабх, Израил!

Паччагьлугъар-3 12:16

Вари израилариз паччагь чпихъ хъпепехърувал гъябкънийи, ва паччагьдиз жаваб тувнийи: – Давуддик ич фу пай ка, Ессейин балик фу пай ка? Ичв чадрариккна алдабгъ, Израил! Гъит, Давуддин наслари чпин тухумдиин паччагьвал апӀри! Ва израилар чпин хулариз алдагънийи.

Югьан 13:9

– Агъа! Дици вуш, неинки ликар, гьацира – хилар, кӀулра! – гьевеслуди кӀуру Петри.