Югьан 13:13 - Гирами Китаб

¹³ Учву Узуз «Агъа», «Мялим» кӀуручва ва гьякьди кӀурира ачва, гьаз гъапиш Узу якьинди гьадму хьузра вуза.

Югьан 13:13 Referans Kwoze

Лука 6:46

Учву Узуз: «Я Агъа, я Агъа!» гьаз кӀуручва, Узу учвуз гъапиб дарапӀрайиган?

Филипп 2:11

гьарсаб мелзну, Иса Месигь Адаш Аллагьдин адлувализ вуйи Агъа ву, кӀури, ччвур бисбан бадали.

Коринф-1 12:3

Гьаддиз гъавриъ йихьай: Аллагьдин Рюгьну хъау адмийи Исайиз люкьнар дарапӀур, я гьич сарира, эгер Гирами Рюгьну хъадраиш: «Иса – Агъа ву», пидар.

Югьан 11:28

Гьамци дупну, Марфайи, Марʼямдиз жиниди дих дапӀну, кӀуру: – Мялим гьамшваъ а, Дугъу увуз дих апӀура.

Филипп 3:8

Мидланра гъайри, йиз Агъа Месигь Иса аьгъю хьпан кьяляхъ вари имбуб гьич фукӀа дарубси гьисаб апӀураза. Думу бадали узу варибдихьан ярхла гъахьунза, гьаму дюнʼяйиъ айиб вари гатӀахьнайи чӀюрхяртӀан багьади дарзуз. Йиз мурад-метлеб, гьапӀнура, Месигь агуб ва

Коринф-1 8:6

аммаки ухьуз айир сар АллагьтӀан дархьуз – Адаш Аллагь. Ари Гьадгъу дюнʼяйиъ вариб ккебгъну, ва, Гьадгъаз кӀури, ухьу яшамишра шулахьа. Агъара сартӀан дар – Иса Месигь. Ари Гьадгъуинди дюнʼяйиъ вариб арайиз удубчӀвну, ва Гьадгъулантина ухьуз уьмурра гъабхьунхьуз.

Якьубдин 2:19

Уву Аллагь сар вуйивалихъ хъугърана? Ужуйи апӀурава! Гьеле жинарра хъугъра ва гукӀунди йихура.

Лука 10:28

Исайи дугъаз кӀуру: – Дюзди жаваб тувунва; гьаци апӀин ва яшамиш хьидива.

Лука 7:43

Симонди жаваб тувру: – Аьхю бурж кайириз вушул, пну, фикир апӀураза. Исайи дугъаз: «Ари дюзди фагьум гъапӀунва» кӀуру.

Матта 20:28

Гьаци Инсаниятдин Байра Чаз жарадари гъуллугъ апӀбан бадали ваъ, хъа Чав гъуллугъ апӀбан бадали ва гизафдарин гунгьарилан хил алдабгъуз кӀури Чан уьмур тувбан бадали Дуфнайир ву.

Югьан 11:2

Марʼям, Агъайин ликарикан ягъ ктатури, дурар чан кушарихьди кжикури гъаши дишагьли вуйи. Ари Марʼямдин чве Лазар иццру гъахьнийи.

Югьан 11:3

Чйири Исайихьна гьамци кӀури хабар дебккуз гьаънийи: «Агъа, гьадмунур, Увуз ккунирнур, кетӀерццна».

Эфес 6:9

Учвура, агъйир, лукӀарихьна гьаци йихьай. ГучӀар ккауб гъибтай. Учвуз аьгъюганси, ичвра, дураринра сар Агъа ву аьршариъ Айир, хъа Думу гьич саринра тереф бисрур дар.