Югьан 12:23 - Гирами Китаб

²³ Исайи гъапи: – Аллагьдин аднаъ шлу Инсаниятдин Балин сяаьт улубкьну!

Югьан 12:23 Referans Kwoze

Марк 14:41

Шубубпи ражарира Иса кьяляхъ гъюру, Дугъу кӀуру: – Гьамусра даахну имичва, рягьятвал гъадабгъуранчва? ИкибаштӀан! Вахт хътубкьну: магьа Инсаниятдин Бай гунагькрарин хилиз тувра.

Матта 25:31

Инсаниятдин Бай Чан аднаъди малайикарра хъади гъафиган, Дугъу Чан адлувалин паччагьвал апӀиди.

Югьан 12:16

Исайин ученикар сифте мидин гъавриъ ахъундайи, хъа кьанди Иса Аллагьдин аднаъ гъашиган, Иса гьамци гъюваликан Гирами китабариъ дибикӀнайиб дурарин кӀваина гъафнийи, ва гьаци дурари Думу къаршуламишра гъапӀнийи.

Матта 26:45

Хъасин ученикарихьна дуфну, дурариз кӀуру: – Гьамусра даахну имичва, рягьятвал гъадабгъуранчва? Инсаниятдин Бай гунагькрарин хилиз тувру вахт магьа сарун хъубкьна.

Марк 14:35

Думу сацӀиб тина гьудучӀвуру, жилиина кьамкьарихъди ис духьну, му аьзаб, эгер шулуш, Чахьан гьадапӀбан бадали, ккарагуз хъюгъру.

Югьан 7:39

Исайи гьамци Гирами Рюгьнакан гъапнийи. Думу Исайихъ хъугънайидариз рукьиди. Думу вахтназ Гирами Рюгь мегьел тувну адайи, гьаз гъапиш Иса сабан Аллагьдин аднаъ ахънадайи.

Югьан 12:27

Гьамус Йиз юкӀв гъалабну абцӀна! Фу пну ккунду Узу? ПидикӀан: «Я Адаш! Узу гьаму гьялнаккан уьрх!» Саки Узу му дюнʼяйиз гьаддиз дуфназа – гьаму гьял бадали! Адлу апӀин Яв ччвур, Адаш!

Югьан 13:1

Жугьдарин Пасхайин машквар багахь шулайи. Исайиз, Чав му дюнʼя дипну, Адашдихьна хътакру вахт улубкьнайиб аьгъяйи. Му дюнʼяйиъ Чандар вуйидар Дугъаз ккундийи, ва гьамус Дугъу дурарихьна вуйи Чан масанвалин кьувват улупуз гьял гъапӀнийи.