Югьан 12:21 - Гирами Китаб

²¹ Дурари, Галилей уьлкейиъ айи Вифсайдайиан вуйи Филип кӀуру касдихьна дуфну, гьамци кӀури саб тӀалаб апӀуру: – Я ич аьхюр, учуз Иса рякъюз ккунди ачуз.

Югьан 12:21 Referans Kwoze

Матта 2:2

Дурари гьерхру: «Ягьудияйин паччагь хьуз пну бабкан гъашир нашди? Дугъкан хабар туврайи хяд ригъгьудубчӀвру терефнаъ кабхьну гъябкъюнчуз, ва Дугъаз икрам апӀуз гъафунча».

Югьан 6:40

Даршуз магьа Йиз Адашдиз ккундайиб: Чан Бай рякъруриз ва Дугъахъ хъугъру гьарсар касдиз гьаргандин уьмур хьуб. Узу думу гъиямат йигъан гьаргандин уьмрихьна хътаидиза.

Матта 11:21

– Гьял пис хьибдияв, Хоразин! Гьял пис хьибдияв, Вифсайда! Учвуз Узу улупу гьяйбатар Тириз ва Сайдайиз гъяркънийиш, дурарин агьалйири ухдитӀан, чпихъ яснан палтар хъахьну ва кӀулʼин рюкъ алабхьну, тахсрар чпин гардандиъ дисидийи.

Югьан 1:48

– Увуз узу наънан аьгъявуз? – гьерхру Нафанаили. – Узкан увуз Филипди ктибтайиз улихьна Узуз уву инжирин гьарикк гъяркъюнзуз, – пну, жаваб туву дугъаз Исайи.