Югьан 12:2 - Гирами Китаб

² Дурари Дугъан сагълугънаан хураг гьязур апӀуру. Марфа суфрайихъ Исайин гъайгъушнаъ айи. Суфрайихъ хъайидарихъди Исайин багахь Лазарра деънайи.

Югьан 12:2 Referans Kwoze

Ачмиш 3:20

Магьа, Узу дийигъназа урчӀарихъ ва кучраза. Шлиз Йиз дих ебхьураш, гьадгъу Узуз урчӀар арццди, Узу гьадму касдихьна учӀвдиза ва учу, сатӀиди деъну, хябяхъдин уьл ипӀидича.

Лука 22:27

Фицики, фуж зиина ву: суфрайихъ гъюн йивну дахънайир, дарш дугъаз гъуллугъ апӀурайир? Суфрайихъ дахънайир зиина даринхъа? Хъа Узу ичв арайиъ суфрайихъ гъуллугъ апӀурайирси аза.

Марк 14:3

Думу Вифания гъулаъ хамран аьзар кади гъахьи Шимондин хулаъ гештнаъ айиган, душваъ, лизи ругдин бетисибдиъди, нард гьарин багьа марцци ягъ хьади, сар дишагьли учӀвру, ва дугъу дидиъ айи ицци ниъ хъайи ягъ Исайин кӀулʼин улубзуру.

Лука 14:12

Хъа хулан эйсийизра Исайи кӀуру: – Лисундин вая хябяхъдин хураг апӀруган, я яв дустариз, я яв чвйириз, я яв мирасариз, ясана девлетлу гъуншйириз гъач макӀан, дурари, увузра гъач дупну, уву гьивуб увухьна хътадабкруганси.

Лука 12:37

Агъайиз, хулаз хътакиган, даахнадарди гъяркъю лукӀар хушбахтаврар ву; гьякьди кӀуразачвузки, дугъу, чан юкьʼан идибтӀну, дурар дитди ва, гьарурихьна гъюри, чавра дурариз гъуллугъ апӀиди.

Лука 5:29

Хъасин дугъу чан хулаъ Исайиз аьхю хялижвʼвал апӀуру. Душваъ аьхючӀвеъ налукар уч апӀрудар ва дурарихъди гутйириз гъюн йивну дахьнайи жара хяларра айи.

Матта 26:6

Иса Вифанияйиъ хамран аьзар кади гъаши Шимондин хулаъ айи вахтна,