Югьан 11:51 - Гирами Китаб

⁵¹ Мурар Каяфайин хусуси гафар дайи: гьадму йисан думу жугьдарин маллйирин аьхюрра вуди, дугъу пайгъамбриси гъапнийи, Иса халкьдихъанди йикӀиди кӀури,

Югьан 11:51 Referans Kwoze

Даниял 9:26

ЙирхьцӀурна кьюб ражари ургуд йис улдубчӀвган, Ччим кадатнайир дудургну хьиди, ва дугъан фужкӀа гъузидар. Шагьурра, Гирами халра гьамус шлу гьякимдрин инсанари тӀараш апӀиди. Дугъан аьжал, штар улучӀвгансиб, хьибди, ва дявдин аьхиризкьан балйир улуркьиди.

Коринф-2 5:21

Гунагь ктру Месигь Аллагьди ихь гунгьарихъанди гъурбан гъапӀну. Аллагьди гьаци, Чан улихь ухьу, Месигьдихъди саб духьну, гьякь хьуз кӀури, гъапӀну.

Паччагьлугъар-1 23:9

Саули пис ляхин апӀуз кьаст дапӀнайиваликан аьгъю дубхьну, Давудди Заанурин гъуллугъчи Авиатариз, РАББИЙИН амур аьгъю апӀбан бадали, улгьани хуз амур гъапӀу.

Галат 3:13

Месигьди ухьу, Къанун тамам дарапӀруган, ухьʼин улубкьру агьнаккан ккадаъну. Дугъу Чав Къанундиъ улупнайи кьаза-балйир ухьу бадали Чаина гъадагъну, гьаз гъапиш гьамци дупна: «гьарикк ккерхнайир агьнакк ккахъна».

Коринф-1 13:2

Узуз пайгъабарвалин багъиш ади, дюнʼяйин вари сир аьгъяди, узуз вари аьгъювалар тувнади, узуъ дагъларра кмиди чпин алишвлан улдучӀвуз гъитру хъугъувал ади, хъа масанвал адарди вуш, узу фукӀа дару ичӀичӀай вуза.

Югьан 10:15

Адашдиз Узу фици аьгъяш, гьаци Узуз Адашра аьгъязуз. Узу Йиз уьмур марччарихъанди тувдиза.

Матта 20:28

Гьаци Инсаниятдин Байра Чаз жарадари гъуллугъ апӀбан бадали ваъ, хъа Чав гъуллугъ апӀбан бадали ва гизафдарин гунгьарилан хил алдабгъуз кӀури Чан уьмур тувбан бадали Дуфнайир ву.

Паччагьлугъар-1 28:6

Дугъу РАББИЙИХЬАН гьерхуз хъюгъю, амма РАББИЙИ я нивкӀʼан рябкъювалиинди, я тупут ипбиинди, я пайгъамбрарикди дугъаз жаваб туврадайи.

Петрин-1 3:18

Гьаци Месигьра, ухьу гъапӀу гунгьарихъанди, сабан ва гьаргандиз, Гьякьлур гьякьсузарихъанди, учву Аллагьдихьна хпан бадали, ккахъундаринхъа! Дугъан беден аьжализ тувну гъабкӀну, хъа Рюгь уьмрихъна кьяляхъ хътакну.

Петрин-1 2:24

Дугъу Чав, ухьу гунгьариз дийихнайидарси хьуз ва гьякьвал бадали яшамиш хьуз, Чан хусуси бедендиъди ихь гунгьар хачриина гъухну. Учву Дугъан зийнариинди сагъ гъахьунчва.

Югьан 11:49

Каяфа кӀуру ва гьадму йисан жугьдарин маллйирин аьхюр вуди кадагънайи дурарикан сари кӀуру:

Югьан 18:13

Сифте Думу гьадму йисан маллйирин аьхюр вуйи Каяфайин язна Гьаннайихьна хуру.

Югьандин-1 2:2

Ари Гьадму гъурбан духьну, ихь гунгьариккан, неинки ихь, хъа гьацира вари дюнʼяйин гунгьариккан ккадауз Гъитур ву.