Югьан 11:25 - Гирами Китаб

²⁵ Исайи гъапи: – Узу вуза чӀиви хьувал ва уьмур. Фуж Узухъ хъугъраш, гьеле гъачӀишра, яшамиш хьиди.

Югьан 11:25 Referans Kwoze

Фессалоник-1 4:14

Эгер ухьу, Иса, дукӀну, чӀиви хьувалихъ хъугъраш, ухьу гьацира Исайихъ хъугъну гъакӀидар Аллагьди аьршариз Гьадгъахьна хъади гъягърувалихъ хъугърахьа.

Югьан 3:36

Аллагьдин Балихъ хъугънайириз зат ккудудубкӀру уьмур хьибди, хъа Дугъахъ хътругъуриз дициб уьмур рябкъидар ва дицириин гьаммишандиз Аллагьдин хъял хьибди.

Югьан 1:4

Уьмур Гьадгъаъ а, ва гьадму уьмур инсаниятдиз акв ву.

Югьан 5:21

Адашди гъачӀидар чӀиви апӀруси ва дурариз уьмур тувруси, гьаци Балира Чаз ккунириз уьмур тувди.

Югьан 6:44

Узухьна, Узу гьау Адашди гъюз гъидритиш, сарихьанра гъюз хьибдар, хъа гъафир, Узу гъиямат йигъан учв уьмрихьна хътаидиза.

Рим агьларихьна вуйи кагъаз 8:2

Гьаз гъапиш Месигь Исайилантина уьмрихъна хурайи рюгьнан законди узу гунгьарихъна ва аьжалихъна хурайи закондиккан азад гъапӀну.

Югьан 6:35

Исайи дурариз кӀуру: – Узу вуза уьмур хурайи уьл. Фуж узухьна гъюруш, затра гашди гъузидар. Узухъ хъугънайир гьич затра харгидар.

Ачмиш 21:4

Дугъу дурарин уларилан гьарсаб нивгъ марцц апӀиди. Аьжал сарун хьибдар, сарун дердер, ишлар, иццрушнар хьидар, гьаз гъапиш, муганайиздинуб вари гьаргандиз гъубшну».

Филипп 3:10

Иса Месигь аьгъю апӀуб, яни Думу чӀиви гъапӀу кьудрат аьгъю апӀуб. Узуз гьацира, Дугъан аьзабар пай апӀуз ккундузуз ва, Гьадму гъачӀибси дукӀну,

Ачмиш 20:5

Хъа имбу дийихнайидар, агъзур йис гъябгъяйиз, чӀиви хьидар. Му сабпи чӀиви хьувал ву.

Ляхнар 3:15

Учву уьмур Туврайир гъакӀунчва. Ари Гьадму Аллагьди, гъачӀихъан, чӀиви гъапӀну, ва учу мидин шагьидар вуча.

Югьан 14:6

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Югьан 5:26

Фици Адаш уьмрин булагъ вуш, гьаци Байра Дугъу уьмрин булагъ гъапӀну.

Ачмиш 22:17

Рюгьнура ва швушвура кӀура: гъач! Хъпехъурайирира, гъит, йипри: гъач! Дахаргнайирра, гъит, гъюри! Шлиз ккундуш, гъит, уьмрин шид чӀанади гъадабгъри!

Югьан 14:19

СацӀиб вахтналан дюнʼяйиз Узу сарун рякъидар, хъа учвуз Узу рякъюри хьидичвуз: гьаз гъапиш Узу яшамиш шулаза ва учвура яшамиш хьидичва.

Филипп 1:23

Йиз ниятназ дилигди, гьадму кьюб рякъкан узу саб рякъ ктабгъну ккунду. Узуз, му дюнʼяйиан душну, Месигьдихъди шлу рякъ ктабгъуз ккундузуз, мици гъабхьнийиш, икибаштӀан, лап гизаф ужу вуйи.

Ачмиш 22:1

Хъасин малайикди узуз хрусталси нур туврайи уьмрин штун нир улупзуз. Думу нир Аллагьдинна Ччилан тахтнаккан ккудубчӀвурайи

Коринф-2 4:14

Учуз аьгъячуз: Агъа Иса Месигь чӀиви ГъапӀури, Исаси учура чӀиви апӀиди ва учвухъди сабси учура Чан улихь дерккди.

Рим агьларихьна вуйи кагъаз 4:17

Гирами китабариъ аки: «Узу увкан гизаф миллетарин аба гъапӀунза». Му Аллагьдин улихь гьякь ву. Ибрагьим гъийихдариз уьмур тувру, хьуз ккайиб вари хьуз гъитру Аллагьдихъ хъугънийи.

Лука 23:43

Исайи дугъаз гъапи: – Гьякьди кӀуразавуз, гъи Узухъди женнетдиъ хьидива.

Коринф-1 15:29

Эгер думу дици дайиш, адмийир, гъийихдарихъандира штуан гьаз шула? Эгер гъийихдар чӀиви апӀуз шулдарш, гьаз дурарихъанди штуан хьидихъа?

Коринф-1 15:18

Дици вуш, Месигьдихъ хъугъну гъийихдар, гьаммишандиз гъачӀну.

Югьан 3:16

Аллагьдиз дюнʼя гьаци ккун гъабхьнуки, Дугъу Чан айи-адру сар багъри Бай, Дугъахъ хъугъну, гьарсар кас дукӀну даришри, хъа зат ккудудубкӀру уьмур ибшри пну, гьаъну гъурбан гъапӀну.

Ачмиш 1:18

Яшамиш шулайир Узу вуза. Узу гъакӀнийза, хъа магьа Узу хъана аьсрариан-аьсрариз яшамиш шулаза. Узухь хьазухь аьжалин ва жегьеннемдин ачар.