Югьан 11:15 - Гирами Китаб

¹⁵ Хъа учву бадали Узу гьадушваъ адарди хьубʼин шад вуза. Гьаци дубхьнайиган, учву хъугъдичва. Сарун гъачай гьадгъахьна гъягъюрхьа!

Югьан 11:15 Referans Kwoze

Тимофейиз-2 2:10

Гьаддиз узу, кадагънайидар бадали, Месигь Исайихъди сатӀи вуйидариз, гьаммишандин адлувалра хъади, чпиз уьрхювал рубкьбан бадали вари аьгь апӀураза.

Югьан 17:19

Гьадрар бадали, Узу Увуз дугъриданра дурар Явдар хьпахъди бахш гъахьунза.

Югьан 12:30

Исайи дурариз жаваб вуди кӀуру: – Му дих Узуз вуйиб дайи, хъа думу халкь бадали вуйи!

Югьан 11:4

Гьаддикан аьгъю дубхьну, Исайи кӀуру: – Му иццрушин аьжалихьна дар, думу Аллагьдин ад бадали ва гьаддилантина Аллагьдин Бали Чан адлувал улупбан бадали, вуйиб ву.

Югьан 2:11

Му Исайи Галилей уьлкейиъ айи Канайиъ улупу аьламатарикан сабпи аьламат вуйи. Гьамдиинди Дугъу Чан зурбавал улупнийи ва Дугъан ученикар Дугъахъ хъугънийи.

Югьандин-1 5:13

Гьаму варибдикан узу учвуз, Аллагьдин Балихъ хъугънайидар, учву вари, гьаргандин уьмрин эйсйир вуйибдикан аьгъю хьпан бадали, бикӀуразачвуз.

Коринф-2 4:15

Му вари, артухътӀан артухъ инсанар ужувлакк ккаърайи ужʼвали Аллагьдин адлувализ хъана артухъ чухсагъул пубан бадали, учвуз вуйи ужʼвал ву.

Эвел 39:5

Патифари чан хулан ва девлетнан аьхюрди думу дерккхъанмина, РАББИЙИ дугъан хал, Юсуф бадали, ужувлакк ккипнийи. РАББИЙИН ужʼвал Патифарин варибдиин алийи – гьам хян-хулʼин, гьам хяр-хутӀлиин.

Эвел 26:24

Сабпи йишван дугъаз душваъ РАББИ ачмиш гъахьнийи. – Узу, яв адаш Ибрагьимдин Заанур, вуза, – гъапи Дугъу. – ГучӀ мапӀан, Узу увухъди хъаза. Йиз лукӀ Ибрагьим бадали, Узу уву ужувлакк ккаъдиза ва яв насил гизаф кьадар апӀидиза.

Югьан 11:14

Гьадмуган Исайи дурариз ачухъди кӀуру: – Лазар гъакӀну.

Югьан 11:16

«КӀвятӀях» кӀуру лакӀам хъайи Фомайи чан юлдшариз кӀуру: – Гъачай, Мялимдихъди сатӀиди ухьура йихурухьа!