Югьан 10:25 - Гирами Китаб

²⁵ – Узу учвуз гъапунзачвуз, хъа учву Узухъ хъугърадарчва. Узу Йиз Адашдин ччвурнахъан апӀурайи ляхнар – магьа Узкан шагьидвал апӀурайидар.

Югьан 10:25 Referans Kwoze

Югьан 10:38

Хъа эгер Узу дурар апӀураш, учвхьан Узухъ хътругъуз шулчвухьан, саки Йиз ляхнарихъкьан хъугъай! Гьадмуган, учвуз аьгъю хьибдичвуз ва: Узуъ – Йиз Адаш, хъа Узу – Дугъаъ айибдин гъавриъ хьидичва.

Югьан 8:58

Исайи жаваб туву: – Гьякьлу вуйи гьякь кӀуразачвуз: Ибрагьим хьайиз Узу Айир ва Вуйир вуза.

Югьан 14:11

Узухъ хъугъай: Узу – Адашдиъ, ва Йиз Адаш Узуъ а. Узухъ хъугъдарш, Узу апӀурайи ляхнарихъкьана хъугъай.

Жугьдариз 2:3

Хъа гьамус, зурба уьрхювал кьабул дарапӀиш, гьадабтӀру жазайиккан ухьхьан сарун фици гьергуз хьибди? Чав Агъайи сифте му уьрхювал ухьуз дебккну, му Гьадгъукан гъеебхьдари тасдикь гъапӀунчуз.

Ляхнар 10:38

Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну.

Югьан 20:30

Исайи дурарин улихь гьаму китабдиъ дидикӀну адру хъана гизаф аьламатарра улупну.

Югьан 12:37

Дугъу дурарин улихь гьамкьан аьламатар гъапӀнушра, аммаки дурар, дидизра дилигди, Дугъахъ хъугъдайи.

Югьан 11:47

Жугьдарин аьхюну маллйирна фарисйир чпин собрандиз уч гъаши: – Ухьу гьапӀну ккунду? – кӀуйи дурари. – Му касди гизаф аьламатар улупура.

Югьан 10:32

– Йиз Адашдихьан Узу учвуз гизаф ужудар ляхнар улупунзачвуз, – гъапи Исайи. – Гьадрарикан фунубдин гьякьнаан Узуз йивуз ккунди ачвуз?

Югьан 8:24

Узу учвуз гъапунзачвуз: «Гунгьариъди йихидичву!» Узу Гьарганур Аллагь вуйибдихъ эгер учву хътругъиш, учву вари гунгьариъди йихидичву!

Югьан 8:12

Кьандиси халкьдихъди Иса хъана улхуру: – Узу му дюнʼяйиз акв вуза. Фуж Узухъди гъахьиш, дицир мучӀушнаъ улдугну хьидар, дицирихъди уьмрин акв хьибди.

Югьан 7:31

Халкьдикан гизафдар Дугъахъ хъугънийи ва дурари кӀуйи: «Месигь гъафиган, Дугъхьан Гьаму КасдихьантӀан артухъ аьламатар улупуз шулинхъа?»

Югьан 3:2

Йишвну Исайихьна дуфну, дугъу кӀуру: – Мялим! Учуз уву Аллагьдихьан дуфнайи Мялим вуйиб аьгъячуз, фицики Уву апӀрусдар аьламатар, эгер Аллагь Увухъди хътайиш, сарихьанра апӀуз даршлийи.

Ляхнар 2:22

Эй Израилин агьалйир! Гьаму йиз гафарихъ хъебехъай: Назаретдиан вуйи Исайихь Аллагьдин гьюкум хьайи. Аллагьди Чан гьюкум Гьадгъуантина гъапӀу аьламатнан, аьжайиб ва зурба ляхнариинди улупну. Му учвузра аьгъячвуз, фицики гьадму ляхнар ичв улихь гъашидар ву.

Югьан 8:56

Ичв аба Ибрагьим Узу дюнʼяйиз гъюру йигъ рябкъидиз пну, шадвали ацӀру. Дугъаз му йигъ гъябкъну ва шадра гъахьну.

Югьан 10:37

Эгер Узу Йиз Адашди апӀурайи ляхнар апӀурадарш, гьадмуган Узухъ мухъугъанай!