Югьан 1:51 - Гирами Китаб

⁵¹ – Исайи давам апӀуру: – Гьякьлу вуйи гьякь кӀуразачвуз: учвуз завар гьатӀарццури ва Аллагьдин малайикар Инсаниятдин Балʼина ис-за фици шулуш, рякъидичвуз.

Югьан 1:51 Referans Kwoze

Эвел 28:12

Дугъаз нивкӀукди, жилилан заварихьнакьан вуйи умбрар ва душвʼан асина-зиина Заанурин малайикар гъяри рякъюру.

Ляхнар 7:56

Дугъу кӀуру: – Магьа, узуз атӀарццнайи аьршарна Аллагьдин арччул терефнаъ Инсаниятдин Бай рякъюразуз.

Лука 2:13

Ва сабпну му малайикдин кьяляхъди гизаф кьадарнаъди жара малаикарра гъюру ва дурари, Аллагьдин ад апӀури, гьамци кӀуру:

Марк 14:62

– Ав, вуза, – жаваб тувру Исайи. – Ва учвуз, вари Удукьрурин арччул хилихъинди деъну, аьршарин дифариинди Инсаниятдин Бай гъюри рякъидичвуз.

Марк 1:10

Иса штуан удучӀвурайиган, аьршар гьатӀарццну, Дугъаз Чаина Гирами Рюгь луфси ис шули рякъюру,

Матта 3:16

Штуан гъапӀубси, Иса ниркан кудучӀвуру, магьа сабпну Дугъаз завар ачмиш гъаши, Дугъаз луфси ис шулайи Гирами Рюгь Чаина гъюри гъябкъю.

Ляхнар 10:11

Дугъаз, аьршар атӀарццну, юкьбиб пӀипӀарихъанна шли-вуш дибиснайиси аьхю суфрасиб саб шейъ жилиина ис шули рябкъюру.

Лука 3:21

Вари халкь штуан шулайиган, Исара Ягьʼяйихьна гъафну. Штуан гъахьи Иса ккарагурайиган, зав атӀабццуру,

Матта 4:11

Думуган иблис Исайихьан гьудубчӀвну гъябгъюру ва магьа малайикар, дуфну, Исайин гъайгъушнаъ дийигъуру.

Ачмиш 19:11

Хъасинси узуз зав атӀабццну гъябкъзуз: магьа лизи гьяйван ва дидʼин Элеънайир. Дугъаз Дугъри ва Гьякь Кас кӀуйи, Дугъу гьякьʼвалиинди дяви ва суд апӀуру.

Ачмиш 4:1

Гьамдин кьялхъян узуз завариъ урчӀар арццну гъяркъюнзуз ва гьадму сифте гъеебхьу зурнайинсиб дих гъеебхьунзуз. Дих узухъди, гьамци кӀури, улхуз хъюбгъю: «Мина удучӀв, Узу увуз багарихьди хьуз ккайиб улупурзавуз».

Фессалоник-2 1:7

Учву гьаму ражари аьзабариъ ачва, хъа Агъа Иса аьршариан цӀиъди Чан зурба гьунар кайи малайикарра хъади гъафи гьадму Йигъан, учухъди сатӀиди учвузра рягьятвал тувди.

Лука 2:9

Сабпну дурарин улихьна Агъайин малайик гъафнийи. Агъайин гьяйбатнан нурну дурар варишварихъанди аку гъапӀнийи, ва дурарик гучӀ кабхънийи.

Жугьдариз 1:14

Малайикар уьрхювал рубкьуз ккайидарин гъайгъушнаъ хьуз гьаънайи рюгьяр даринхъа?

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Югьан 10:1

– Гьякьлу вуйи гьякь кӀуразачвуз: фуж марччаринишваъ урчӀариан дарди, фици-вуш жараси учӀвруш, думу тӀафал ва тӀарашчи ву.

Лука 22:69

Гьамусдихъантина Инсаниятдин Бай кьудратлу Аллагьдин арччул гъвалахъ деъди.

Матта 25:31

Инсаниятдин Бай Чан аднаъди малайикарра хъади гъафиган, Дугъу Чан адлувалин паччагьвал апӀиди.

Ягьудайин 1:14

Адамдихъанмина ургурпи насилди гъаши Енухди гьамрарикан гъапнийиштӀан гьамцдар пайгъамбарвалин гафар: «Магьа, Агъа гъафну. Дугъахъди агъзрар-агъзрариинди гирамидарра хъа.

Фессалоник-2 1:9

Дурариз гьадабтӀру жаза гьаргандин аьжал хьибди: Иса Чан адмийирин арайиъ адлу хьпан бадали ва Чахъ хъугъдарин арайиъ за хьпан бадали гъафиган, Дугъан аднан ва кьувватнан нурнахьан, Агъайин багхьан гьацдар ярхла апӀиди. Исайин адмийирин арайиъ учвура хьидичва, гьаз гъапиш учву ич шагьидвалихъ хъугъунчва.

Югьан 14:12

Гьякьлу вуйи гьякь кӀуразачвуз: фуж Узухъ хъугъраш, гьацири Узу апӀурайи ляхнар апӀиди ва УзутӀан артухъдира кади апӀиди, фицики Узу Адашдихьна гъягъюраза.

Югьан 6:47

Гьякьлу вуйи гьякь кӀуразачвуз: фуж хъугъраш, гьадгъу гьаргандин уьмур гъазанмиш дапӀна.

Лука 24:4

Дурари, мидʼин мюгьтал духьну, фикрар апӀури имиди, сабпну дурарин улихьна вацӀрацӀар апӀру палтар али кьюр жви ачмиш шулу.

Матта 26:24

Гьамци, Гирами китабариъ улупнайиганси, Инсаниятдин Бай масу тувди, амма шли Инсаниятдин Бай масу тувраш, дугъаз бала хьибди: думу касдиз, учв бабкан гъахьундайиш, ужу шуйи!

Югьан 21:18

Гьякьлу вуйи гьякь кӀуразавуз: уву жигьилди айиган, яв чӀул уву идибтӀну, увуз ккунишваз гъягъюйва. Хъа кьаби гъашиган, хилар гьатӀарццидива, жарари яв чӀул идибтӀиди ва увуз даккнишваз хъади гъахидиву.

Югьан 8:51

Гьякьлу вуйи гьякь кӀуразачвуз: шли Йиз Гаф чаъ гъюбхиш, аьсрариъ гьацириз аьжал рябкъидар.

Югьан 6:32

Исайи жаваб туву: – Гьякьлу вуйи гьякь кӀуразачвуз: учвуз аьршариан уьл гьапӀур Муса дар. Учвуз гьякь уьл аьршариан туврайир Йиз Адаш ву.

Югьан 3:5

Исайи дугъаз жаваб туву: – Гьякьлу вуйи гьякь кӀуразавуз: фуж штуан ва Гирами Рюгьнахьан цӀийикӀултӀан бабкан дархьиш, дицирихьан Аллагьдин Паччагьлугъдиъ учӀвуз хьибдар.

Югьан 16:20

Гьякьлу вуйи гьякь кӀуразачвуз: ишидичва ва дердер зигидичва, хъа миди вуйи дюнʼя шад хьибди. Учву пашман хьидичва, амма ичв пашманвал шадвализ хьибди.

Югьан 13:16

Гьякьлу вуйи гьякь кӀуразачвуз: гъуллугъчи чан аьхюртӀан артухъ дар ва Гьаънайирра Учв ГьауртӀан артухъ дар.

Югьан 10:7

Исайи давам апӀуру: – Гьякьлу вуйи гьякь кӀуразачвуз: марччариз урчӀар – Узу вуза.

Югьан 6:53

Исайи дурариз жаваб тувру: – Гьякьлу вуйи гьякь кӀуразачвуз: эгер учву Инсаниятдин Балин беден дирипӀиш ва Дугъан ифи дурубхъиш, учвуз уьмур рубкьидар.

Югьан 5:27

Ва Дугъу Бализ суд апӀру гьюкумра тувна, фицики Думу Инсаниятдин Бай ву.

Югьан 5:19

Исайи дурариз кӀуруки: – Гьякьлу вуйи гьякь кӀуразачвуз: сабан Чан Адашди гьапӀраш дярябкъкьан гагьди, Балхьан Чан-Чаинди фукӀара апӀуз шулдар. Адашди гьапӀраш, Балира гьадму апӀура.

Югьан 3:3

Исайи дугъаз жаваб вуди кӀуру: – Гьякьлу вуйи гьякь кӀуразавуз: анжагъ учв цӀийикӀултӀан бабкан гъаширихьантӀан Аллагьдин Паччагьлугъдиъ учӀвуз хьибдар.

Матта 9:6

Инсаниятдин Бализ жилиин гунгьарилан хил алдабгъуз гьюкум айиб учвуз аьгъю хьпан бадали, магьа лигай. Хъа Дугъу паралич кайириз: «Гъудужв кӀуразавуз, гъадабгъну яв ахин, яв хулаз гъарах», – кӀуру.

Матта 8:20

Исайи дугъаз кӀуру: – Сулариз мугъарйир, завун ничхрариз мукьар а, хъа Инсаниятдин Бализ кӀул дивну дахъру йишв адар.

Югьан 16:23

Ва гьадму йигъан учву Узʼхьан сабдиканра гьерхидарчва. Гьякьлу вуйи гьякь кӀуразачвуз: Йиз ччвур дибисну, учву Йиз Адашдихьан фу тӀалаб гъапӀишра, Дугъу тувдичвуз.

Югьан 13:38

Исайи гъапи: – Узхъанди йикӀузра?! Гьякьлу вуйи гьякь кӀуразавуз: даттли уьъйир дапӀну ккудубкӀайиз, шубуб ражари Узу аьгъюр дарзуз пидива!

Югьан 8:58

Исайи жаваб туву: – Гьякьлу вуйи гьякь кӀуразачвуз: Ибрагьим хьайиз Узу Айир ва Вуйир вуза.

Югьан 8:34

Исайи дурариз жаваб туву: – Гьякьлу вуйи гьякь кӀуразачвуз: гьарсар шли гунагь апӀураш, гунагьвалин лукӀ ву.

Югьан 6:26

Исайи дурарин суалназ кӀуру: – Гьякьлу вуйи гьякь кӀуразачвуз: Йиз аьламатнан лишнарин учву гъавриъ а кӀури, Узу агурадарчва, хъа Узу туву уьли учву тухъ апӀбаз лигну агурачва!

Югьан 1:50

– Уву Узухъ гьаддиз хъугъунва, Узуз уву инжирин гьарикк гъяркъюнзуз гъапну кӀури? Хъа увуз мутӀан бегьем артухъ аьламатар рякъидивуз.