Югьан 1:5 - Гирами Китаб

⁵ Аквну мучӀушнаъ акв тувру ва мучӀушнахьан акв ккабгъуз шулдар.

Югьан 1:5 Referans Kwoze

Коринф-1 2:14

Аллагьдин Рюгьнахьан гъюрайиб рюгь аьгъдру адмийихьан кьабул апӀуз шулдар. Дугъу думу ахмакьʼвалси гьисаб апӀуру, ва дидин гъавриъ ахъуз шулдар, фицики му ляхнар рюгь кӀваъ ади апӀрудар ву.

Югьан 1:10

Думу, Чав арайиз гъабхи му дюнʼяйиз гъафну, хъа му дюнʼяйиндариз Думу кьабул гъахьундар.

Рим агьларихьна вуйи кагъаз 1:28

Дурариз Аллагь аьгъю апӀуз даккниган, Дугъу дурарихьди чпин дюз дару фагьмин лайикьсуз тӀулар апӀуз гъитнийи.

Насигьятар 1:22

«Фукьандиз гъузди авамар авамди, ккуниб апӀури, ягьсузар – ягь адрувалиин аьшкьлуди, абдлар – аьгъювалар даккунди?

Матта 5:15

Ва чирагъ кабхьиган, думу гъабран кӀанакк ккидривур, хъа, диди хулаъ вардариз акв тувруганси, чан йишвʼин дивур.

Ляхнар 26:18

Уву дурарин улар арццну, дурар мучӀушнахьан аквнахьна, иблисдин гьюкмиккан Аллагьдихьна хидива. Дурарихьан гьамци чпин гунгьарилан хил алдабгъувал ва Узухъ хъугъбиинди Аллагьдин терефназ гъафидарин арайиъ чпиз йишв гъазанмиш апӀуз хьибди».