Югьан 1:49 - Гирами Китаб

⁴⁹ – Агъа! Уву Аллагьдин Бай вува – Израилин Паччагь! – гьевесниинди гъапи Нафанаили.

Югьан 1:49 Referans Kwoze

Югьан 1:34

Магьа узу адмийирин улихь шагьидвал апӀураза: Ари Гьадму ву Аллагьдин Бай».

Лука 19:38

– Агъайин ччвурнахъди гъюрайи Паччагьдиз ужʼвал ишри! Завариин мясляаьт, аьршариъ ад ибшри!

Матта 27:42

– Жарадар уьрхюйи, гьамус Чахьан Учв уьрхюз шуладар! Думу Израилин Паччагь дарин? Гъит гьамус хачракан кудучӀври, ва гьадмуган Дугъахъ хъугъархьа!

Матта 21:5

«Ерусалим шагьриз йипайки, магьа, яв Паччагь, даждиин элеъну гъюра. Думу учвухьна гъудгъиинди, Фурс ктарди, гъиди».

Матта 2:2

Дурари гьерхру: «Ягьудияйин паччагь хьуз пну бабкан гъашир нашди? Дугъкан хабар туврайи хяд ригъгьудубчӀвру терефнаъ кабхьну гъябкъюнчуз, ва Дугъаз икрам апӀуз гъафунча».

Югьан 1:38

Иса кьяляхъинди илтӀикӀуру ва, дурар дяркъну, гьерхру: – Фу ккундучвуз? – Я Рабби! (Му илтӀибкӀиган «Мялим» кӀуру гаф ву.) Уву наан яшамиш шулава? – пну гьерхру дурари Исайихьан.

Матта 27:11

Иса гьюкумдрин улихь деркку, гьюкумдри Исайихьан гьерху: – Уву «жугьдарин Паччагь» вуна? Исайи гъапи: – Уву гьаци кӀурава.

Матта 14:33

Хъа люткейиъ айидари, Дугъаз икрам дапӀну, кӀуру: «Дугъриданна Уву Аллагьдин Бай вува».

Югьан 18:37

– Гьаци вуйиган, фици-вушра Уву Паччагь вуна? – гьерху гьадмуган Пилатди. – Узу паччагь ву, уву кӀурава. Узу гьаддиз бабкан гъахьунза ва гьаддиз дюнʼяйиз гъафунза: гьякьвал улупбан бадали. Шлиз ккундуш гьякьвал, гьарсариз Йиз дих ебхьура, – гъапи Исайи.

Югьан 1:18

Зат саризра Аллагь гъяркъюндар, Думу ухьуз анжагъ Аллагьди, хъайина-хътру сар Бали, гьарган Чан Адашдихъди хъайири, ачмиш гъапӀну.

Даниял 9:25

Аьгъю йибхьки ва гъаври ахъки: Ерусалим цӀийикӀултӀан дебккуз амур апӀбахъан та-а-ап Ччим кадатнайи Гьюкумдар гъяйизкьан, ургуб ражари ургуд йис гъябгъиди. Хъасин хъанара йирхьцӀурна кьюб ражари ургуд йис гъябгъиди – гьаму вахтна майданна шагьрин арх цӀийи алаиди, амма думу балйирин вахт хьибди.

Матта 4:3

Думуган иблисди, Дугъахьна дуфну, Дугъаз гьамци кӀуру: «Эгер Уву Аллагьдин Бай вуш, гьаму гъванарикан уьлер хьуз гъит».

Матта 23:7

Ва базар-майднариин чпи тебрик апӀури ва адмийири чпиз «Мялим! Мялим!» кӀури, дих апӀури ккунидар ву.

Матта 23:8

Хъа учвуз гъит мялимар дарипри, фицики гьякь Мялим сар ву, хъа учву вари гъардшар вучва.

Марк 15:32

Месигь, Израилин Паччагь! Ич уларикк, гъит, учуз рякъюри, хачракан кудучӀври – гьадмуган учу Дугъахъ хъугъдича! Гьеле Дугъахъди сатӀиди дариз дизигнайидарра кмиди Дугъак кялхъюйи.

Лука 1:35

Малайикди Дугъаз гъапи: – Аллагьдин Рюгь учӀвди увуъ ва ВаритӀанзаанури уву Чан кьувватнакк ккаъди, гьаддиз бабкан шулайи Гирамийиз Аллагьдин Бай пиди.

Югьан 1:50

– Уву Узухъ гьаддиз хъугъунва, Узуз уву инжирин гьарикк гъяркъюнзуз гъапну кӀури? Хъа увуз мутӀан бегьем артухъ аьламатар рякъидивуз.

Югьан 4:31

Хъа му вахтна ученикари Исайикан: – Я Мялим, фукӀа ипӀина, – кӀури, тӀалаб апӀурайи.