Югьан 1:47 - Гирами Китаб

⁴⁷ Чахьна гъюрайи Нафанаил гъяркъиган, Исайи дугъкан гьамци кӀуру: – Магьа, затра кучӀал ва цӀарувал ктру, чан дугъри израилжви.

Югьан 1:47 Referans Kwoze

Ачмиш 14:5

Дурарин мелзназ кучӀал аьгъдайи, дурар кацӀдар дар.

Рим агьларихьна вуйи кагъаз 9:4

Йиз миллет Израил халкь ву. Дурариз Аллагьди Чан веледар кӀура. Аллагьдин ад, Аллагьдихъди гъийитӀу йикьрар, Мусайин Къанун, Аллагьдиз гъуллугъ апӀувал ва Аллагьдин Гаф гьаму халкьдиз тувнийи.

Рим агьларихьна вуйи кагъаз 9:6

Хъа му, Аллагьди Чав тувнайи гаф тамам гъапӀундар, кӀуру гаф дар. Дарди хьуз, Израиликан гъахьидар гьякь вуйи израил халкь ву, хъа вари ваъ.

Югьан 8:31

Хъасин Исайи Чахъ хъугънайи жугьдариз гъапи: – Эгер учву Йиз Гаф учвуъ гъюбхиш, гьякьикьи Йиз ученикар хьидичва,

Петрин-1 2:22

Дугъу «гунагь гъапӀундар ва Дугъан ушвниин кучӀал илибшундар».

Петрин-1 2:1

Гьаци вуйиган, гьарсаб чӀуруб, гьарсаб кучӀал, кью-кьюб маш гъивнайивал, маш ккадарди хьувал, гьар жюрейин футнийир гатӀахьай.

Филипп 3:3

Гьякь суннат дапӀнайидар, ухьу вухьа, гьаз гъапиш, ухьу Аллагьдин Рюгьну хъаъри, Дугъан гьякь гъуллугънаъ ахьа; Месигь Исайин уьмриинди ухьу заан, яни дамахлу вухьа ва му дюнʼяйинубдихъан хъичӀихнадархьа.

Югьан 8:39

– Ич адаш – Ибрагьим! – жаваб туву дурари. Исайи дурариз кӀуру: – Эгена учву Ибрагьимдин чан гьякь баяр вуйиш, учву Ибрагьимдиси апӀрийчва.

Югьан 2:25

Исайиз адмийирин хасиятарикан шли-вуш ктитувал лазим дайи, фицики Дугъаз гьарсар касдин кӀваъ айиб аьгъяйи.

Югьан 4:16

Душну яв жилирра гьамина хъади гъач, – кӀуру Исайи.