Югьан 1:45 - Гирами Китаб

⁴⁵ Филипди Нафанаил агуру ва кӀуру: – Учуз, Мусайи чан Къанундиъ шликан дибикӀнаш ва пайгъамбрарира шликан дибикӀнаш, Гьадму гъидихъунчуз. Думу Назарет шагьриан Юсуфдин бай Иса ву.

Югьан 1:45 Referans Kwoze

Лука 24:27

Хъасин Исайи, Мусайилан ккебгъну, вари пайгъамбрари Чакан Гирами китабариъ дидикӀнайидарин гьякьнаан дурар гъаври тӀаъру.

Матта 2:23

Ва душваз дуфну, Назарет кӀуру шагьриъ бин ккебгъну. Гьамци: «Месигьдиз Назарей ччвур тувди», – кӀуру пайгъамбрарин гафарра кӀулиз удучӀвнийи.

Лука 24:44

ва кӀуру: – Узу учвухъди хъимиди, учвуз гъаписи, Узкан Мусайин къанундиъ, Пайгъамбрарин китабдиъ ва гьацира Мяълийирин китабдиъ дибикӀнайиси, Йиз кӀулʼина гъюз ккайидар вари тамам духьну ккундийи.

Лука 4:22

Исайин улихь варидари гьаци вуйивал улупу ва, Дугъан мелзналан гъюрайи кабалгру гафариин мюгьтал шули, дурари гьерхри гъахьну: – Му ихь Юсуфдин бай даринхъа?

Югьан 18:7

– Учву фуж агурачва? – хъанара гьерхру дурарихьан Исайи. – Назаретдиан вуйи Иса, – кӀуру дурари.

Эвел 22:18

Яв наслариз тувру ужʼвалар жилиин али вари халкьариз хьиди, гьаз гъапиш уву Узухъ хъпехъунва.

Марк 6:3

Му харатчи уста, Марʼямдин Бай, Якьубдин, Юсуфдин, Ягьудайин ва Симондин чве дарин? Мугъан чйир гьамшваъ, ихь арайиъ, адаринхъа? Гьаци вуйиган, дурариз Исайихъ хъугъуз ккунди адайи.

Матта 21:11

Хъа халкьдигъян: – Му Галилейин Назаретдиан вуйи Иса пайгъамбар ву, – кӀури, жаваб тувнийи.

Эвел 49:10

Ягьудайихь гьарган паччагьвалин маргъ хьибди. Гьарган дугъан насларихь хьибди думу чумакъ, дидин Эйси гъяйизкьан – вари халкьар Чаз мютӀюгъ шлур.

Эвел 3:15

Увуна дишагьли душмнар апӀидизачву, ва ичв насларра чиб-чпиз душмнар хьиди: дугъан насли яв кӀул уьбгъидияв, ва уву думу наслин швякьраз галам йивидива.

Ляхнар 22:8

Узу гьерхза: «Уву фуж вува, Агъа?» Дугъу узуз жаваб туву: «Узу уву хъергнайи Назаретдиан вуйи Иса вуза».

Ляхнар 10:38

Гирами Рюгь ва кьувват туву, Аллагьди Месигь гъапӀу Назаретлу Исайикан аьгъячвуз. Аллагь гьарган Исайихъди гъахьну ва Иса варишвариъ ужувлар апӀури ва иблисдин гьюкмикк ккайикьандар вари сагъ апӀури, лицури гъахьну.

Югьан 21:2

Симон Петр, КӀвятӀях кӀуру лакӀам али Фома, Галилей уьлкейиъ айи Кана шагьриан вуйи Нафанаил, Зеведейин кьюрид баяр ва Исайин кьюр жара ученикар – вари сатӀиди уч шулу.

Лука 2:4

Галилей уьлкейиъ айи Назарет шагьриан Ягьудия уьлкейиъ айи Давуд бабкан гъахьи Вифлеем кӀуру шагьриз Юсуфра гъягъюру, фицики думу Давудгъярин тухмиан вуйи.

Марк 14:67

Дугъаз цӀихъ чаз мани апӀурайи Петр рякъюру ва, дугъахьинди дикъатниинди дилигну, кӀуру: – Хъа увура хъайва гьаму Назаретжви Исайихъди.

Матта 13:55

Думу харатчийин Бай даринхъа? Дугъан дадайиз Марʼям кӀурдаринхъа, Дугъан чвйирра Якьуб, Юсуф, Симон ва Ягьуда даринхъа?

Ляхнар 26:9

Сифтейиан узура, Назаретдиан вуйи Исайин гафназ къаршу вуйи гизаф ляхнар апӀуб лазим ву, кӀури, гьисаб апӀуйза.

Ляхнар 3:6

Амма Петри дугъаз гъапи: – Узухь арс, ясана гъизил хьтарзухь, хъа узуз айиб тувдизавуз: Назаретдиан вуйи Месигь Исайин гьюкмиинди кӀураза: гъудужвну гъарах!

Ляхнар 2:22

Эй Израилин агьалйир! Гьаму йиз гафарихъ хъебехъай: Назаретдиан вуйи Исайихь Аллагьдин гьюкум хьайи. Аллагьди Чан гьюкум Гьадгъуантина гъапӀу аьламатнан, аьжайиб ва зурба ляхнариинди улупну. Му учвузра аьгъячвуз, фицики гьадму ляхнар ичв улихь гъашидар ву.

Югьан 19:19

Пилатди хачрак дибикӀнайи табличкара кебхуз буйругъ тувру. Душвак дибикӀнайи: «Назаретдиан вуйи Иса, жугьдарин паччагь».

Югьан 18:5

– Назаретдиан вуйи Иса, – жаваб туву дурари. – Гьадму Узу вуза, – кӀуру Дугъу. Масу туврайи Ягьудара гьадрарихъди хъайи.

Югьан 6:42

– Му Юсуфдин бай Иса даринхъа? – кӀуйи дурари. – Ухьуз Мугъан адашна дада аьгъдарди айинхъа? Гьаз Мугъу мици: аьршариан гъафир Вуза, кӀурахъа?

Лука 3:23

Исайин, Аллагьдиз гъуллугъ апӀуз хъюгъруган, сумчӀур йис дубхьнайи. Халкьди фикир апӀурайиганси, Думу Юсуфдин бай ву кӀура. Юсуф Гьелийин бай,

Матта 10:3

Филип ва Варфоломей, Фома ва налукар уч апӀру Матта, Алфейин бай Якьуб ва Фадей,

Лука 2:48

Душваъ Иса гъяркъиган, абйир-бабар мюгьтал гъахьи. Дадайи Дугъаз гъапну: – Я жан Бай! Уву учкан гьапӀунва? Магьа узуна Яв адашди зурба хажалат кади Уву агури гъахьунча.

Югьан 1:44

Филипра Вифсайдайиан – Андрейинна Петрин гъахи шагьриан – вуйи.

Югьан 6:5

Исайи, улар за гъапӀиган, Чахьна хайлин халкь гъюради дябкъну, Филипдиз кӀуру: – Мурариз ипӀуз ухьу гьамкьан уьлер наънан гъадагъухьайкӀан?

Югьан 6:7

– Дурариз варидариз уьлин саб кьацӀкьан ккубкьбан бадали, уьл гъадабгъуз кьюдварж динар пулра гьудрубкӀур, – жаваб туву Филипди.

Югьан 12:21

Дурари, Галилей уьлкейиъ айи Вифсайдайиан вуйи Филип кӀуру касдихьна дуфну, гьамци кӀури саб тӀалаб апӀуру: – Я ич аьхюр, учуз Иса рякъюз ккунди ачуз.

Югьан 14:8

– Я Агъа! – кӀуру Филипди. – Учуз Адаш улуп ва сарун учуз фукӀара лазим дарчуз.

Лука 18:37

Дугъаз: «Назаретдиан вуйи Иса гъюра», – гъапнийи.