Югьан 1:42 - Гирами Китаб

⁴² Андрейи думу Исайихьна хъади гъюру. Иса дугъаз дикъатлуди лигуру ва кӀуру: – Уву Югьаннайин бай Симон вува. Увуз Кифа, яна Петр кӀуру хьиди. (Жугьуд чӀалниинди «Кифа» ва грек чӀалниинди «Петрос» «Гъван» кӀуру гаф ву.)

Югьан 1:42 Referans Kwoze

Коринф-1 15:5

Думу, Петриз ачмиш гъахьну, хъа – йицӀикьюриз,

Коринф-1 3:22

Павелра, Аполлосра, Кифра, гьаму дюнʼяра, уьмурра вая аьжалра, гьамустинубра вая гъюз ккимбубра – вари ичвдар ву,

Коринф-1 1:12

Узу мушваъ фтикан улхура? ГьацӀари кӀурачва: «Узу Павелин тереф дибиснайир вуза», тмундари – «Узу – Аполлосдин», шубурпидари – «Узу – Кифдин», юкьурпидари – «Хъа узу – Месигьдин».

Галат 2:9

Узуз вакилвалин багъиш тувнайиб дурариз аьгъю гъабхьиган, хъугърударин гъваикк ккудукьнайи мурхьлар вуйи Якьубдина, Петрина, Югьанди, узузна Варнавдиз чпин хилар гьачӀарккунчуз. Му дурарин чпихъди учура саб ляхин апӀурайивалин лишан вуйи. Учу – Аллагь аьгъдрудариз, хъа чпи – жугьдариз Ужувлан хабарнакан ктибтуз гъягъюз дурар рази гъаши.

Коринф-1 9:5

Хъугъру дишагьли учуз швушвди хуз ихтияр адарин дарш? Ва думу хпир, Месигьдин имбуну вакилариси, Агъайин чвйириси вая Кифайиси, жвувахъди гъярушваз гъадагъуз шулдарин дарш?

Матта 10:2

Магьа йицӀикьюр ученикдин ччвурар: сарпир Петр кӀури шлу Симон ва дугъан чве Андрей, Зеведейин бай Якьубна дугъан чве Югьан,

Лука 5:8

Му гъябкъиган, Петр кӀуру лакӀам хъайи Симонди, Исайин кьамкьариина ис духьну: «Я Агъа! Узхьан гьудучӀв, гьаз гъапиш узу гунагькар вуза», гъапи.

Югьан 21:2

Симон Петр, КӀвятӀях кӀуру лакӀам али Фома, Галилей уьлкейиъ айи Кана шагьриан вуйи Нафанаил, Зеведейин кьюрид баяр ва Исайин кьюр жара ученикар – вари сатӀиди уч шулу.

Марк 3:16

Магьа Дугъу ктагъу йицӀикьюр: Симон (Дугъу мугъаз Петр кӀуру ччвур тувнийи),

Югьан 13:18

Узу учвкан варидарикан кӀурадарза: Узуз аьгъязуз Узу кадагънайидар. Саки Гирами китабариъ дидикӀнайи му гафар кӀулиз удучӀври: «Узухъди уьл гъипӀур Узуз къаршу удучӀвну».

Лука 6:14

Дурар: Петр кӀуру лакӀам хъайи Симонна дугъан чве Андрей, Якьубна Югьанна, Филипна Варфоломей,

Галат 1:18

Хъасин, шубуд йис гъубшиган, узу Ерусалимдиз Петр рякъюз гъафунза. Дугъахь йицӀихьуд йигъан гъузунза.

Галат 2:11

Хъа Петр Антиохияйиз гъафиган, узу ачухъди дугъаз къаршуди удучӀвунза. Думу дюз дайи.

Паччагьлугъар-4 5:4

Нааман чан агъайихьна гъушнийи ва Израилиан вуйи шуру гъапиб дугъакна гъапнийи.

Югьан 4:16

Душну яв жилирра гьамина хъади гъач, – кӀуру Исайи.