Югьан 1:34 - Гирами Китаб

³⁴ Магьа узу адмийирин улихь шагьидвал апӀураза: Ари Гьадму ву Аллагьдин Бай».

Югьан 1:34 Referans Kwoze

Югьан 1:49

– Агъа! Уву Аллагьдин Бай вува – Израилин Паччагь! – гьевесниинди гъапи Нафанаили.

Матта 4:3

Думуган иблисди, Дугъахьна дуфну, Дугъаз гьамци кӀуру: «Эгер Уву Аллагьдин Бай вуш, гьаму гъванарикан уьлер хьуз гъит».

Югьандин-1 5:20

Ухьуз, Аллагьдин Бай гъафиваликан ва гьякь Аллагь аьгъю хьуз ухьу гъаврикк ккауваликанра аьгъяхьуз. Ухьу гьякь Вуйириъ айибра аьгъяхьуз, фицики ухьу Дугъан Бай – Иса Месигьдиъ ахьа. Думу – гьякь вуйи Аллагь ву. Думу – гьаргандин уьмурра ву.

Ачмиш 2:18

Фиатирайин хъугънайидарин малайикдиз бикӀ: «Гьамци кӀура Аллагьдин Бали, гъизгъин цӀаси улар айири ва крабчӀурайи рукьстар ликар ккайири:

Рим агьларихьна вуйи кагъаз 1:4

хъа Гирами Рюгьналантина Думу, гъачӀихъан, чӀиви духьну, Аллагьдин Бай вуди кьудратниинди улупна. Му ихь Агъа, Иса Месигь ву.

Югьан 20:31

Аммаки гьаму вари дибикӀнайиб, учву Иса Месигь вуйибдихъ, Думу Аллагьдин Бай вуйибдихъ хъугъри пну ва Дугъахъ хъугъбиинди учвуз зат ккудудубкӀру уьмур хьпан бадали дибикӀнайиб ву.

Югьандин-1 4:9

Магьа фици Аллагьди Чан масанвал ухьухьна улупнуш: Дугъу Чан айина-адру сар Бай, Гьадгъулантина ухьуз гьаргандин уьмур хьпан бадали, гьаму дюнʼяйиз гьаъну.

Югьандин-1 3:8

Гунгьар апӀрур иблисдинур ву, фицики иблисдира, чан сифте бинайианмина гунгьар апӀуйи. Аллагьдин Бай жилариина магьа гьамциб метлеб ади гъафир ву: иблисдин тӀулар терг апӀуз.

Югьандин-1 2:23

Шли Бай кьабул апӀурадарш, дугъу Адашра кьабул апӀурадар. Шлиз Бай аьгъяш, дугъаз Адашра аьгъя.

Коринф-2 1:19

Учвуз узу, Сильванди ва Тимофейи хабар дебкку Аллагьдин Бали, Иса Месигьди саб гагьди «авра» «ваъра» кӀурадар, Дугъаъ айиб гьарган «ав» ву!

Югьан 19:7

– Учуз закон ачуз, – гъапи жугьдари, – закондиинди Думу дукӀну ккунду, гьаз гъапиш Дугъу, Учв Аллагьдин Бай вуза, гъапну.

Югьан 11:27

– Ав, Агъа, – жаваб туврайи дугъу, – узу хъугъурза: гьаму дюнʼяйиз гъюз ккади айи ва, магьа дуфнайи Месигь, Аллагьдин Бай, Уву вува.

Югьан 10:36

«Узу Аллагьдин Бай вуза», гъапну кӀури, фици учвхьан Узуз пуз шулчвухьан: «уву рихшанд апӀурава», кӀури. Шлиз кӀурачва гьаци? Узуз? Адашди гирами дапӀну, гьаму дюнʼяйиз гьаънайириз?!

Марк 1:1

Аллагьдин Балкан, Иса Месигьдикан вуйи Ужувлан хабар гьамци ккебгъра.

Матта 27:54

Исайин гъаравлиъ айи юзбашийина дугъахъди хъайи эскрари, жилар тӀурччвувал ва мушвʼин гъаши жара гьядисйир гъяркъиган, бегьем гучӀ кабхъну, гъапи: – Му дугъриданра Аллагьдин Бай вуйиштӀан.

Матта 27:43

Дугъу Аллагьдик миж кивнайи. «Узу Аллагьдин Бай вуза», – КӀурайир, Думу, Аллагьдиз Гирамир вуш, Аллагьди уьрхри.

Матта 26:63

Исайи чӀалкьан гъапундайи. Маллйирин аьхюри гъудужвну Исайиз кӀуру: – Узу Аллагьдин улихь Увкан дишди пуб тӀалаб апӀураза: Аллагьдин Бай Месигь Уву вуна?

Матта 17:5

Дугъу гьамци кӀури имиди, завʼан дурариина аку диф ис шулу, ва сабпну дифрагъян гьамциб сес гъюру: «Му Йиз масан Бай вуйиз. Узу Мугъʼин гизаф рази вуза! Гьамгъахъ хъебехъай!»

Югьандин-2 1:9

Месигьдин аьгъювалар чӀюргъруриз ва дурар тамам дарапӀруриз Аллагь аьгъдар. Хъа Месигьдин аьгъювалар тамам апӀруриз Адашра, Байра аьгъя.

Жугьдариз 7:3

Дугъан адашдикан я дадайикан, дугъан ата-бабйирикан, я дугъан уьмур фици ккебгънуш ва ккудубкӀнуш мялум дар, хъа думу Аллагьдин Бализ ухшарди гьаммишандиз Аллагьдин гъуллугъчиди гъузра.

Лука 3:22

ва Аллагьдин Рюгь луф жюрейиинди Исайиина ис шулу, хъа завʼан дих шулу: – Уву Йиз масан Бай вува! Узу Увʼин гизаф рази вуза!

Лука 1:35

Малайикди Дугъаз гъапи: – Аллагьдин Рюгь учӀвди увуъ ва ВаритӀанзаанури уву Чан кьувватнакк ккаъди, гьаддиз бабкан шулайи Гирамийиз Аллагьдин Бай пиди.

Марк 1:11

завʼан дих шулу: «Уву Йиз масан Бай вува, Узу Увʼин гизаф рази вуза!»

Матта 16:16

Петри: – Уву Месигь, чӀиви Аллагьдин Бай вува, – пну, жаваб тувру.

Матта 11:27

Йиз Адашди Узуз вари тувну. Адашдилан гъайри, Бай фуж вуш, саризра аьгъдар, ва БализтӀан гъайри, Адаш саризра аьгъдар. Хъа Бали шлиз ачмиш гъапӀиш, гьадгъаз Адаш аьгъю хьиди.

Матта 8:29

Ва сабпну дурари чӀигъар апӀуз хъюгъю: – Яв учухъди фу вуяв, Аллагьдин Бай?! Вахт хьайизра учуз жаза тувуз дуфнана?

Матта 4:6

ва Дугъаз кӀуру: «Эгер Уву Аллагьдин Бай вуш, гьамлин исина урс, фицики дибикӀна: „Аллагьди Чан малайикариз Яв гъайгъушнаъ хьуз амур апӀиди ва, Яв ликкьан гъвандихъ йивуз гъидритруганси, Уву чпин хилариина гъадагъиди“».

Матта 3:17

Ва завʼан дих шулу: «Му Йиз масан Бай вуйиз, Узу Дугъʼин гизаф рази вуза!»

Югьан 20:28

– Йиз Агъа ва йиз Аллагь! – гьарайниинди гъапи Фомайи.

Югьан 10:30

хъа Узуна Йиз Адаш сар вуча.

Югьан 6:69

Гьамус учу хъугърача ва аьгъячуз, Уву Аллагьдин Гирамир вуйиб.

Югьан 1:18

Зат саризра Аллагь гъяркъюндар, Думу ухьуз анжагъ Аллагьди, хъайина-хътру сар Бали, гьарган Чан Адашдихъди хъайири, ачмиш гъапӀну.