Югьан 1:29 - Гирами Китаб

²⁹ Хъайигъан Ягьʼяйиз чахьинди гъюрайи Иса рякъюру ва кӀуру: «Магьа, дюнʼяйин гунгьар Чаина гъадагъуз ккайи Аллагьдин Агълиж гъюра.

Югьан 1:29 Referans Kwoze

Югьандин-1 2:2

Ари Гьадму гъурбан духьну, ихь гунгьариккан, неинки ихь, хъа гьацира вари дюнʼяйин гунгьариккан ккадауз Гъитур ву.

Югьандин-1 3:5

Учвуз аьгъюганси, Месигь инсанарин гунгьар Чаина гъадагъуз Гъафир ву. Дугъак гунагь ктар.

Петрин-1 1:19

хъа гьич саб жюрейин зиян, я скаш ктру ччилан ифдихъси, варитӀан багьа вуйи Месигьдин ифдихъ гъадагъну, азадвалиъ тӀаънайидар вучва.

Коринф-2 5:21

Гунагь ктру Месигь Аллагьди ихь гунгьарихъанди гъурбан гъапӀну. Аллагьди гьаци, Чан улихь ухьу, Месигьдихъди саб духьну, гьякь хьуз кӀури, гъапӀну.

Петрин-1 2:24

Дугъу Чав, ухьу гунгьариз дийихнайидарси хьуз ва гьякьвал бадали яшамиш хьуз, Чан хусуси бедендиъди ихь гунгьар хачриина гъухну. Учву Дугъан зийнариинди сагъ гъахьунчва.

Жугьдариз 1:3

Бай – Аллагьдин ад атӀабгурайи Нур ву. Думу Аллагьдин аллагьвал ву. Дугъу, Бали, Чан кьудратлу гафниинди дюнʼя, ккададабхъуз гъидритди, дебккна. Думу, ихь гунгьар марцц дапӀну, аьршариъ ВаритӀанзаанурин арччул хилихъинди деъна.

Ачмиш 6:1

Ччилу ургуб печатдикан саб фици алдабгънуш, гъябкъзуз ва юкьрид гьяйванатарстарикан сари фици: «Мина гъач!» кӀури, завун гъугърумаринсиб чӀигъ гъапӀнушра, гъеебхьунзуз.

Ачмиш 12:11

Ихь чвйир аждагьайиин, Ччилан ифдиинди ва чпин шагьидвалариинди гъалиб гъахьну. Дурари аьжалин улихь чпин уьмур гьяйиф гъапӀундар.

Галат 3:13

Месигьди ухьу, Къанун тамам дарапӀруган, ухьʼин улубкьру агьнаккан ккадаъну. Дугъу Чав Къанундиъ улупнайи кьаза-балйир ухьу бадали Чаина гъадагъну, гьаз гъапиш гьамци дупна: «гьарикк ккерхнайир агьнакк ккахъна».

Югьан 1:36

Багхьантина гъярайи Иса дяркъну, Ягьʼяйи кӀуру: – Лигай, магьа Аллагьдин Агълиж!

Ачмиш 7:17

гьаз гъапиш тахтниин али Ччилу дурар уьрхиди, ва уьмур хру штун булагъарихъна гъахиди. Аллагьди дурарин уларилан гьарсаб нивгънан цӀадал марцц апӀиди».

Ляхнар 8:32

Дугъу Гирами китабариан гьамцдар гафар урхурайи: – Думу убккуз гъабхурайи марччси вуйи ва ултӀубкъурайи марччлихънин улихь сессуз агълижиси Дугъу Чан ушв абццундайи.

Ачмиш 17:14

Дурари Ччилахъди дяви гъабхиди, Ччил дурариин гъалиб хьиди, гьаз гъапиш Думу агъйирин Агъа ва паччгьарин Паччагь ву. Дугъахъди сатӀиди, Чав дих дапӀнайидар, Чав кадагънайидар ва Дугъахъ хъугърайидар, аьгьтлу вуйидар хьиди».

Ачмиш 15:3

Дурари, Аллагьдин гъуллугъчи Мусайин мяъли ва Ччилан мяъли апӀурайи: «Зурба ва аьжайиб вуяв ляхнар, Агъа Аллагь, вари хилиъ Дибиснайир! Дугъри ва гьякь вуяв рякъяр, халкьарин Паччагь!

Ачмиш 14:1

Хъа узуз гъяркъюнзуз: магьа, Сион дагъдиин Ччил дийигъна, Дугъахъди – гьадму варжна ягъчӀвурна юкьуд агъзур, унтӀʼин Исайин ччвур ва Дугъан Адашдин ччвур дидикӀнайидар.

Ачмиш 7:14

«Йиз аьхюр, думу увуз ужуди аьгъявуз!» – жаваб тувза. Дугъу гъапизуз: «Мурар зурба бедбахтвалариккан ккудучӀвдар ву. Дурари чпин палтар, Ччилан ифдиъ дурччну, лизи гъапӀну,

Петрин-1 3:18

Гьаци Месигьра, ухьу гъапӀу гунгьарихъанди, сабан ва гьаргандиз, Гьякьлур гьякьсузарихъанди, учву Аллагьдихьна хпан бадали, ккахъундаринхъа! Дугъан беден аьжализ тувну гъабкӀну, хъа Рюгь уьмрихъна кьяляхъ хътакну.

Ачмиш 19:9

Хъасин малайикди узуз кӀуру: «БикӀ: „Хушбахтаврар ву Ччилахьна сумчрин гешт хъапӀуз дих дапӀнайидар!“ Ва, давам апӀури, малайикди гъапизуз: „Магьа Аллагьдин гьякь гафар!“»

Ачмиш 14:10

гьадгъу Аллагьдин хъял айи захʼан фукӀа кпибикьди гьязур гъапӀу чяхир убгъиди. Дицирикан, цӀиъ ва гугуртдиъ, гирами малайикарин ва Ччилан улихь, зивзивар кчӀюкьиди.

Ачмиш 13:8

Дюнʼя арайиз хайиз гъурбан апӀуз гьязурди айи Ччилахь хьайи уьмрин китабдик ччвурар ктру жилин вари адмийири дидиз икрам апӀиди.

Югьан 3:16

Аллагьдиз дюнʼя гьаци ккун гъабхьнуки, Дугъу Чан айи-адру сар багъри Бай, Дугъахъ хъугъну, гьарсар кас дукӀну даришри, хъа зат ккудудубкӀру уьмур ибшри пну, гьаъну гъурбан гъапӀну.

Ачмиш 19:7

Шад хьидихьа ва шадвалин гьарай ипдихьа, Дугъан ад за апӀидихьа, гьаз гъапиш Ччилан сумчир а! Дугъан швушв гьязур духьна:

Ачмиш 14:4

Дурар дишагьлийирихъди чиркин дархьидар, хъа чпин марццишин гъюбхдар ву; дурар, Ччил наанди гъушиш, Гьадгъахъди гъягърудар ву. Дурар имбу инсаниятдигъян гъядягънайидар ву. Дурар Ччилаз ва Аллагьдиз бин ва ккебгъувал вуди кадагънайидар ву.

Ачмиш 5:8

Дугъу думу гъибисган, юкьрид гьяйванатарстарна къарна юкьрид аьхюдар Ччилан улихь икрам апӀури дахьу. Дурарин гьарсарин хилиъ чюнгюр ва кӀулихьди ацӀнайи, ицци ниар хъайи ургру ччимар ади, гъизилин гъабар айи – му ччимар Аллагьдин гирами халкьдин ккарагбар ву.

Ачмиш 1:5

Иса Месигьдихьанра – гьякь Шагьид вуйирихьан, гъийихдарик сарпирди чӀиви Гъахьирихьан ва дюнʼяйин паччгьарин зиин агъавал АпӀурайирихьан ужʼвал ва мясляаьт ибшричвуз. Ухьу Ккунириз, Чан ифдиинди ухьу ихь гунгьарихьан азад ГъапӀуриз,

Ачмиш 21:9

Хъасин ккудукӀру ургуб бедбахтвалар айи захар хьайи ургур малайикарикан сар малайик гъюру ва узухъди улхуру: «Лиг, узу увуз швушв улупидизавуз – Ччилан шив!»

Ачмиш 6:16

Хъа дурари дагъларизна гъарзариз кӀуйи: «Учʼина ахьай, тахтниин Деънайирихьан ва Ччилан хъял кайивалихьан учу гьитӀикӀай.

Титдиз 2:14

Ухьу законсузваликкан азад апӀбан бадали, Чаз дурукьнайи халкь марцц апӀбан бадали ва думу халкь, вари юкӀв хъипну, ужʼвал апӀуз улихь гъягъбан бадали, Гьадгъу ухьхъанди Чан жан тувну.

Ачмиш 21:27

ФукӀара чиркинуб душвазди убчӀвидар, душвазди алчагъвал ва кучӀал апӀрур учӀвидар. Душваъ анжагъ Ччилахь хьайи Уьмрин китабдиъ дидикӀнайидартӀан учӀвидар.

Югьандин-1 4:10

Дугъри вуйи ккунивал, ухьу Аллагь ккун гъапӀну кӀури, гьаддиъ адар, хъа Аллагьди Чав ухьу ккун гъапӀну ва Чан Бай ухьу гъапӀу гунгьарихъанди гъурбан хьуз гьаъну – магьа гьякь вуйи ккунивал.

Тимофейиз-1 2:6

Дугъу вари адмийирихъанди кайи буржнан ерина Учв тувну. Думу Аллагьди, вахт гъафиган, дюнʼяйиз гьау шагьидвал ву.

Коринф-1 15:3

ВаритӀан важиблуб, узухьна тувуб, тувунзачвухьна: Гирами китабариъ улихьмиди дупнайиси, Месигь ихь гунгьарихъанди гъакӀну.

Матта 20:28

Гьаци Инсаниятдин Байра Чаз жарадари гъуллугъ апӀбан бадали ваъ, хъа Чав гъуллугъ апӀбан бадали ва гизафдарин гунгьарилан хил алдабгъуз кӀури Чан уьмур тувбан бадали Дуфнайир ву.

Ачмиш 5:6

Узуз тахтнахь, гьацӀ кьялаъ, Ччил гъяркъюнзуз. Думу гъурбан апӀуз духнайирси айи. Дугълан гьадму юкьрид гьяйванатарстарна аьхюдар илтӀикӀнайи. Гъурбан апӀуз Духнайириз ургуб кӀарчна, ургуб ул айи – мурар Аллагьдин ургуб рюгь вуйи. Дугъан мурар дюнʼяйиина гьаърудар вуйи.

Жугьдариз 9:28

гьаци Месигьра, гизаф инсанарин гунгьарихъанди, саб ражари гъурбан гъахьну, ва Думу гьамус кьюбпи ражарира, сарун дюнʼяйин гунагь Чаина гъадабгъуз кӀури ваъ, хъа Чаз ккилигурайидар уьбхбан бадали гъиди.

Галат 1:4

Дугъу, Адаш Аллагьдин ният тамам гъапӀну, писвали агъавал апӀурайи гьаму дюнʼяйин гьюкмиккан ухьу азад апӀбан бадали ихь гунгьарихъанди Чан жан тувну.

Ляхнар 13:39

Мусайин къанундиинди учву гьякьлу апӀуз даршлуган, варибдиъ гьарсар хъугънайир Исайилантина гьякьлу апӀиди.

Матта 1:21

Марʼямди Бай апӀиди ва Дугъʼин Иса кӀуру ччвур иливидива, фицики Дугъу Чан халкь гунгьарихьан уьрхиди».

Ачмиш 21:14

Шагьрин цал йицӀикьюб шибритӀиин дивнайи. Дурариин Ччилан йицӀикьюр марцци вакиларин ччвурар алийи.

Жугьдариз 2:17

Гьаддиз Месигь, Учв халкьарин гунгьарихъанди ккахъбан бадали, вари терефарихъанди, Чан гъардшар фицдар вуш, гьацдарсир духьну ккундийи. Гьацир хьубʼинди Дугъкан ужʼвал ккуни ва дугъриди Аллагьдин гъуллугънаъ шлу заан Гъуллугъчи ктучӀвнийи.

Югьан 1:35

Хъайигъанра Ягьʼя, чан кьюр ученикра хъади, гьадушвʼин алди шулу.

Югьан 1:43

Хъайигъан Исайи Галилей уьлкейиз гъягъюз кьаст апӀуру. Дугъаз Филип алахъуру: – Узухъди гъач! – кӀуру дугъаз Исайи.

Югьан 2:1

Кьюд йигълан Галилей уьлкейин Кана шагьриъ сумчир шулу. Душваъ Исайин дадара айи.

Югьан 4:42

Дурари думу дишагьлийиз кӀуру: «Сифте учу Исайихъ яв гафариз дилигну хъугъунча. Хъа гьамус Дугъахъ учу ич-учʼинди хъебехъну хъугърача, ва аьгъячуз: Думу дугъриданра дюнʼя уьрхру Месигь ву».

Югьан 6:51

Узу вуза аьршариан гъафи чӀиви уьл. Шли думу Уьл гъипӀиш, гьадму зат ккудудубкӀрубкьан яшамиш хьиди. Узу туврайи уьл – му йиз беден вуйиз. Узу думу, дюнʼяйин уьмур бадали, тувраза.