Югьан 1:19 - Гирами Китаб

¹⁹ Магьа Ягьʼяйин шагьидвал. Жугьдари Ягьʼяйихьан, уву фуж вува, кӀури, гьерхуз Ерусалимдиан чпин маллйир ва левитар гьаиган,

Югьан 1:19 Referans Kwoze

Югьан 10:24

Жугьдари, Дугълан илтӀикӀну, Дугъхьан гьерхру: – Уву фукьан вахтназ ич сабур ахтармиш апӀури гъузуз ккава? Йип учуз дюзди, Уву Месигь вуна?

Ляхнар 19:4

Павели кӀуру: – Ягьʼяйин штуан апӀувал тахсрар гардандиъ дисбан бадали апӀурайиб вуйи. Дугъу инсанариз чан кьяляхъди Гъюз Ккайирихъ, яна Исайихъ, хъугъуз дих апӀури гъахьну.

Ляхнар 13:25

Аьршариан табшурмиш дапӀнайиб тамам апӀури, Ягьʼяйи гъапнийи: «Узу фуж вуди гьисаб апӀурачва? Узу Месигь дарза, Думу йиз кьяляхъди гъиди. Узу Дугъан шаламарин гъахмйир гъядарчузкьан лайикьур дарза».

Югьан 2:18

Мушвʼин жугьдарин гьюкумдрар гъедергуру. – Увуз гьамцдар апӀуз ихтияр айивал фициб аьламатниинди улупидива? – гьерхру дурари.

Югьан 5:10

Гьаддиз жугьдарин гьюкумдрари сагъ гъаши касдиз кӀуру: – Гъи султ йигъ ву, гьаддиз Къанундиинди ахин гъабхуз ихтияр адар!

Югьан 6:52

Гьадмуган жугьдари: – Дугъхьан ухьуз ипӀуз Чан беден фици тувуз хьибди?! – кӀуйи, ва дурарин арайиъ яман гьюжат абхъру.

Югьан 6:41

Исайи: «Узу уьл вуза, аьршариан дуфнайи», – гъапну, кӀури, жугьдарик иц кабхъру.

Югьан 1:7

Думу Акв улупуз, Акв Месигь вуди, Гьадгъулантина вари хъугъбан бадали, гьаур вуйи.

Югьан 2:20

– Му Аллагьдин хал диври инсанар ягъчӀвурна йирхьуд йисан гъилихну, хъа Уву шубуд йигъан дивдина?! – гъапи жугьдари.

Югьан 5:15

Му касди гьамус душну, учв сагъ гъапӀур Иса ву, кӀури, жугьдарин гьюкумдрариз хабар дебккру.

Югьан 5:16

Жугьдарин гьюкумдрар, Исайи му ляхин султ йигъан гъапӀну кӀури, Дугъахъ хъергуз хъюгъру.

Югьан 5:18

Жугьдарин гьюкумдрари Иса, неинки Дугъу султ йигъандин къайда гъючӀюбгъну кӀури, хъа гьацира, Аллагьдин Бай вуза, кӀури, Учв Аллагьдихъди барабар апӀурайиган, айибтӀан артухъ Думу йивну йикӀуз чпин кьаст ижми апӀуру.

Югьан 7:1

Дидхъантина Иса Галилей уьлкейиъ лицури гъахьну, гьаз гъапиш Дугъаз Ягьудия уьлкейиз гъягъюз ккунди адайи, фицики душваъ Думу жугьдарикан бязидариз йикӀуз ккунди айи.

Югьан 7:11

Жугьдарин гьякимари машквран вахтна Иса агуйи. «Наан а гьадму Адми?» – гьерхуйи дурари.

Югьан 7:15

Жугьдар мидʼин мюгьтал духьнайи. – Мугъаз наънан гьамкьан аьгъяйкӀан? – кӀуйи дурари. – Дугъу наанкӀа дурхнадар, аьхир.

Югьан 8:22

– «Узу гъушушваз учвхьан гъюз хьибдар», – гъапиган, Мугъан фу кӀуру гаф вуйкӀан? – кӀурайи жугьдари чиб-чпигъ. – Дугъаз Учв йикӀуз ккундайкӀан дарш?

Югьан 8:48

– Дюзди кӀура учухь: Уву самариялужви вува ва амрихъан душнайир вува, – гъапи Дугъаз жугьдари.

Югьан 8:52

– Магьа учуз гьамус якьинтӀан аьгъю гъабхьунчуз, Уву амрихъан душнайир вуйиб, – жаваб туву дурари. – Ибрагьим гъакӀну, пайгъамбрарра гъийихну. Хъа Уву: «Шли Йиз Гаф чаъ гъюбхиш, аьсрариъ гьацириз аьжал рябкъидар!» кӀурава.

Югьан 8:57

– Яв сабан хьуцӀур йискьан дубхьнадарив, хъа Увуз Ибрагьим гъяркъюнвуз?! – чӀигъар апӀуз хъюгъю жугьдари.

Югьан 10:31

Жугьдар хъана Исайиз йивуз гъванарихъан хъчӀихуру.

Югьан 11:19

ва дина гьадрарихъди Марфайихьнана Марʼямдихьна чвуччвун дердер зигуз гизаф жугьдар дуфнайи.

Югьандин-1 1:5

Магьа учуз Аллагьдикан гьамциб хабар гъеебхьунчуз: «Аллагь – акв ву. Дугъаъ гьич саб жюрейин мучӀушин адар».