Югьан 1:17 - Гирами Китаб

¹⁷ Аллагьди ухьуз Къанун Мусайилантина тувну, хъа ужувларна гьякьвал Месигь Исайиланмина гъафидар ву.

Югьан 1:17 Referans Kwoze

Рим агьларихьна вуйи кагъаз 6:14

Гунгьари учвʼин агъавал дапӀну ккундар, фицики учву Къанундикк яшамиш шуладарчва, хъа Аллагьдин ужувлакк.

Югьан 14:6

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Югьан 1:14

Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Жугьдариз 9:22

Къанунди вари ифдихьди марцц апӀуб тӀалаб апӀура ва, ифи удудубзди, хил алдабгъуб айиб дар.

Югьан 8:32

гьадмуган учвуз гьякьвал аьгъю хьибдичвуз ва диди учву азад апӀиди.

Югьан 7:19

Учвуз Къанун Мусайи тувну, гьаци даринхъа? Гьаци вушра, учвкан сарира Къанун тамам апӀурадар. Узу фтин бадали йикӀуз ккундучвуз?

Ляхнар 28:23

Дурари мидин гьякьнаан уч шлу йигъ тяйин апӀуру, ва гьадму йигъан Павел дергнайишваз хъанара артухъ жугьдар сатӀи шулу. Дугъура, гвачӀинтӀан хябяхъдиз Аллагьдин Паччагьлугъдикан ктитури ва шагьидвал апӀури, Мусайин къанундинна Пайгъамбрарин китабарин бинайиин алди Исайикан гъапидар вари гьякь вуйивал субут апӀуйи.

Эвел 22:18

Яв наслариз тувру ужʼвалар жилиин али вари халкьариз хьиди, гьаз гъапиш уву Узухъ хъпехъунва.

Галат 3:17

Узуз гьамци пуз ккундузузки: юкьудваржна сумчӀур йислан арайиз гъафи Къанундихьан Аллагьди дебккнайи йикьрар арайиан адабгъуз шлуб дар ва дидиъ тувнайи гаф тамам дарапӀди гъибтуз хьибдар.

Ляхнар 7:38

ИчӀи чюлиъ уч гъашиган, Израилин халкьдихъ хъайир, чахъди Синай дагъдиин малайик гъулхур, чӀиви гафар кьабул гъапӀур, дурар ухьухьна рукьуз гъитур, ихь абйирихъди хъади гъаширра гьадму Муса ву.

Югьан 5:45

Узу Адашдин улихь учву тахсир апӀур, кӀури, фикир мапӀанай. Учву тахсиркрар апӀрур Муса хьиди, фицики учву гьадгъуин умудлу вучва!

Эвел 3:15

Увуна дишагьли душмнар апӀидизачву, ва ичв насларра чиб-чпиз душмнар хьиди: дугъан насли яв кӀул уьбгъидияв, ва уву думу наслин швякьраз галам йивидива.

Коринф-2 1:20

Аллагьди тувнайи вари гаф Иса Месигьдиъ тамам гъабхьну! Гьаддиз Аллагьдин ад бадали Гьадгъахъди сатӀи духьнайидари «Амин» кӀурача.

Югьан 9:29

Учуз Аллагь Мусайихъди гъулхуб аьгъячуз, хъа Думу наънан гъядяхъюр вушра, аьгъдарчуз.

Югьан 18:37

– Гьаци вуйиган, фици-вушра Уву Паччагь вуна? – гьерху гьадмуган Пилатди. – Узу паччагь ву, уву кӀурава. Узу гьаддиз бабкан гъахьунза ва гьаддиз дюнʼяйиз гъафунза: гьякьвал улупбан бадали. Шлиз ккундуш гьякьвал, гьарсариз Йиз дих ебхьура, – гъапи Исайи.