Югьан 1:14 - Гирами Китаб

¹⁴ Гаф Инсандиз илтӀикӀуру ва ухьухъди яшамиш шулу. Ухьуз Дугъан Аллагьвалин зурбавал ва кьувват гъябкъюнхьуз, масанвали ва гьякьвали ацӀнайидар – Дугъаз дурар, Адашдихъ хъайи сар Бай вуди хьпаз гъурукьну.

Югьан 1:14 Referans Kwoze

Югьандин-1 4:9

Магьа фици Аллагьди Чан масанвал ухьухьна улупнуш: Дугъу Чан айина-адру сар Бай, Гьадгъулантина ухьуз гьаргандин уьмур хьпан бадали, гьаму дюнʼяйиз гьаъну.

Тимофейиз-1 3:16

Саб гаф адарди ихь хъугъувалин сир зурба ву: Думу бедендиъди гъафну, Рюгьну гьякь гъапӀну, Думу малайикариз гъяркъну, Дугъкан халкьариз ктибтну, Думу дюнʼяйиъ хъугъувалиинди кьабул гъапӀну, Думу адлуди завариз за гъахьну.

Югьан 1:1

Сифте Гаф айи, Гаф Аллагьдихь хьайи, Гаф Аллагь вуйи.

Галат 4:4

Аммаки Аллагьди, вахт гъабхьиган, Къанундиккди яшамиш шулайи дишагьлийи гъахи Чан Бай гьаъру.

Жугьдариз 1:3

Бай – Аллагьдин ад атӀабгурайи Нур ву. Думу Аллагьдин аллагьвал ву. Дугъу, Бали, Чан кьудратлу гафниинди дюнʼя, ккададабхъуз гъидритди, дебккна. Думу, ихь гунгьар марцц дапӀну, аьршариъ ВаритӀанзаанурин арччул хилихъинди деъна.

Югьан 6:51

Узу вуза аьршариан гъафи чӀиви уьл. Шли думу Уьл гъипӀиш, гьадму зат ккудудубкӀрубкьан яшамиш хьиди. Узу туврайи уьл – му йиз беден вуйиз. Узу думу, дюнʼяйин уьмур бадали, тувраза.

Колосс 1:19

фицики Аллагьдиз, вари тамамвал Гьадгъаъ ади хьуб ккун гъабхьну.

Коринф-1 15:47

Сарпи адми жилин рюкъдикан гъахьну, хъа кьюрпи Адми – аьршариан гъафи Адми.

Рим агьларихьна вуйи кагъаз 8:3

Ихь гунагькар бедендиинди Къанун зяиф гъабхьну. Гьаддиз Аллагьди Чан Бай гунагькар адмийириз ухшар ади, гунгьарихъанди гъурбан хьуз жилариина гьаъну. Гьаци Дугъу адмийирин бедендиъ айи гунгьар тахсирназ гъахну.

Югьандин-1 4:14

Му вари учуз гъябкъюнчуз ва Адашди Чан Бай дюнʼя уьбхюз гьаувалин шагьидар гъахьунча.

Колосс 2:9

Гьаз гъапиш вари Аллагьдин тамамвал Гьадгъаъ рябкъюри а.

Югьандин-2 1:7

Ихь арайиан дюнʼяйиз гизаф кучӀляхяр душна. Дурари Иса Месигь, инсан духьну, жилиина гъювал кьабул апӀурадар. Дицир адми кучӀлях ва Месигьдиз къаршур ву.

Ачмиш 21:3

Узуз тахтналан кӀурайи аьхю дих гъеебхьзуз: «Магьа Аллагь дуланмиш шлу йишв, Думу адмийирихъди сатӀиди яшамиш хьиди! Дурар Гьадгъан халкьди хьиди! Ва Аллагь гьадрарихъди хьиди, ва гьадрариз Думу Аллагь хьиди.

Жугьдариз 5:5

Ари Месигьдира, заан Гъуллугъчи хьубʼинди Чав Учв адлу гъапӀундар, хъа Аллагьди Дугъаз гьамци гъапну: «Уву Йиз Бай вува. Гъи Узу Яв Адаш гъахьунза».

Жугьдариз 10:5

Гьаддиз гьаму дюнʼяйиъ учӀву Месигьди Аллагьдиз гъапну: «Увуз ккун гъахьундайвуз я гъурбнар, я багъишар, хъа Уву, Узуз кӀури, беден гьязур гъапӀнийва.

Югьан 11:40

Исайи дугъаз кӀуру: – Узу увуз гъапундайин: «Эгер уву хъугъри гъузиш, Аллагьдин гьунар рябкъидивуз», – кӀури?

Югьан 3:16

Аллагьдиз дюнʼя гьаци ккун гъабхьнуки, Дугъу Чан айи-адру сар багъри Бай, Дугъахъ хъугъну, гьарсар кас дукӀну даришри, хъа зат ккудудубкӀру уьмур ибшри пну, гьаъну гъурбан гъапӀну.

Югьан 2:11

Му Исайи Галилей уьлкейиъ айи Канайиъ улупу аьламатарикан сабпи аьламат вуйи. Гьамдиинди Дугъу Чан зурбавал улупнийи ва Дугъан ученикар Дугъахъ хъугънийи.

Югьан 14:6

Исайи жаваб туву: – Узу вуза Рякъ, Узу вуза Гьякь ва Уьмур. Анжагъ УзхьанминатӀан Адашдихьна гъягъюз шулдар.

Жугьдариз 1:5

Аллагьди фуну малайикдиз ва фила гьамци гъапну: «Уву Йиз Бай вува. Гъи Узу Яв Адаш гъахьунза»? Ясана: «Узу Дугъан Адаш хьидиза, хъа Думу Йиз Бай хьиди»?

Югьан 14:9

– Узу учвухъди гьамкьан вахтна хъади, увуз Узу гьамусра аьгъю гъахьундарнуз, Филип? – жаваб туву Исайи. – Шлиз Узу гъяркънуш, гьадгъаз Адашра гъяркъну. Уву фици: «учуз Адаш улуп», кӀурава?

Лука 9:32

Петрна дугъахъ хъайидар му арайиъ нивкӀуз душнайи, хъа нивкӀʼан хъиргиган, дурариз Исайин гьяйбатлувал ва Дугъан багахь хьайи гьадму кьюр кас рякъюру.

Югьан 17:22

Уву Узуз туву ад Узу дурариз тувунза, Увуна Узу сар вуйиси, дурарра саб хилди хьпан бадали.

Югьан 3:18

Дугъахъ хъугънайирин диван апӀидар, хъа фуж Дугъахъ хъугъундарш, сарун диван гъапӀу мисал ву, гьаз гъапиш думу Аллагьдин багъри Балихъ хъугъундар.

Лука 2:11

гъи Давудрин шагьриъ учву гунгьариккан азад АпӀрур, Агъа Месигь, бабкан гъахьну.

Жугьдариз 2:11

Адмийир гирами АпӀруризра, гирами шулайидаризра – варидариз сар Аьршарин Адаш а. Гьаддиз Исайиз, дурар Чан гъардшар вуйиз пуз, начди дар.

Коринф-2 12:9

Хъа Дугъу гъапунзуз: «Йиз ужʼвал увуз чӀяаьн ибшри, фицики Йиз кьувват зяифвалилан ужуйи гъюру». Гьаддиз, узуъ Месигьдин кьувват хьуз, шадди йиз зяифвалин тяриф апӀури шулза.

Матта 1:16

Якьубдиз, Месигь Иса гъапӀу Марʼямдин жилир Юсуф гъахьну.

Колосс 2:3

Хъа вари аькьюллувалин ва фагьмин девлетар Месигьдиъ а.

Эфес 3:8

Узуз, Аллагьдин халкьдин арайиъ варитӀан асккануриз, гьаму багъиш тувназуз: Аллагь аьгъдрудариз ебцуз удудубкьру Месигьдин девлетнакан Ужувлан хабар дебккуб.

Рим агьларихьна вуйи кагъаз 9:5

Гьамрар ву ихь зурба абйирин наслар. Гьамрар ву варибдин зиин Аллагь вуйи, аьсрариан аьсрариз ужувлакк ккайи Месигьдин жилин хизан. Амин!

Лука 2:7

ва дугъу чан сарпи велед – Бай апӀуру. Думу ччаппаригъян гъидиржну, аьхъиъ айи тӀунаъ дитру, гьаз гъапиш дурариз хялар дергру хулариъ йишв ади гъибихъундайи.

Ляхнар 13:33

Мидкан Гирами китабарин кьюбпи шиъриъ дибикӀна: «Уву Йиз Бай вува, гьамус Узу Яв Адаш гъахьунза».

Югьан 8:32

гьадмуган учвуз гьякьвал аьгъю хьибдичвуз ва диди учву азад апӀиди.

Югьан 17:24

Я Адаш! Узуз ккундузуз, Уву Узуз тувдар Узу шлушваъ Узухъди духьну. Гъит дурариз Уву Узуз туву Йиз ад рябкъри. Фицики дюнʼя арайиз хайиз Уву Узу ккун гъапӀунва.

Югьан 18:37

– Гьаци вуйиган, фици-вушра Уву Паччагь вуна? – гьерху гьадмуган Пилатди. – Узу паччагь ву, уву кӀурава. Узу гьаддиз бабкан гъахьунза ва гьаддиз дюнʼяйиз гъафунза: гьякьвал улупбан бадали. Шлиз ккундуш гьякьвал, гьарсариз Йиз дих ебхьура, – гъапи Исайи.

Ачмиш 19:13

Дугъʼин ифдик кипнайи валжагъ алийи. Дугъан ччвур: «Аллагьдин Гаф» вуйи.