Югьан 1:13 - Гирами Китаб

¹³ Дурар инсанарин ниятариинди, ясана адмийириз ккун гъабшиган бабкан шлудар дар. Думу веледар Аллагьдихьан ву.

Югьан 1:13 Referans Kwoze

Югьандин-1 3:9

Аллагьдин веледар гъахьидарикан гьич сарира гунгьар давам апӀдар, гьаз гъапиш дицир касдиъ Аллагьдин тум а. Гьаддиз дицирихьан гунагь тӀулар апӀури гъузуз шулдар, гьаз гъапиш думура Аллагьдин веледарикан сар духьна.

Якьубдин 1:18

Дугъу Чан гьякь вуйи Гафналантина, Чав халкь гъапӀубдик варибдик варитӀан заан вуйидар хьпан бадали, ухькан Чаз веледар ктаъну. Хъпехъуз ва кӀул ккивуз аьгъю йибхьай.

Петрин-1 1:23

Учвуз цӀийи уьмур тувру тум алаур йибкӀру тум даричв, аьхир, хъа – дирибкӀру тум. Думу тум чӀиви ва гьаммишандиз вуйи Аллагьдин Гаф ву.

Петрин-1 1:3

Ихь Агъа Иса Месигьдин Адаш ужувлиинди ишричав. Дугъу, Иса Месигь чӀиви апӀбиинди Чан зурба вуйи ужʼвал улупну, ухьу заълан бабкан гъахну ва цӀийи уьмрихъ хъаъну.

Югьандин-1 5:4

Гьаз гъапиш, Аллагьдихьан вуйи гьарсар му дюнʼяйиин гъалиб хьиди. Хъа дюнʼяйиин гъалиб гъабхьи кьувват ихь хъугъувал ву.

Югьандин-1 4:7

Багьалу вуйи дустар, гъачай чиб-чпи ккун апӀухьа, гьаз гъапиш масанвал Аллагьдихьан гъюрайиб ву. Масанвал айи гьарсар касди гьаци апӀуру, гьаз гъапиш думу Аллагьдин веледарикан сар гъахьну ва Аллагь дугъаз аьгъя.

Титдиз 3:5

Думу, ухьу апӀури гъахьи ихь «гьякь ва дугъри» ляхнариз дилигну, Гъафир дар, хъа Чан ужʼвалилантина гьаци гъабхьиб ву. Дугъу ухьу гъюрхну, штухьди марцц дапӀну, таза алаъну ва Гирами Рюгьнахьди цӀийи гъапӀну.

Филипп 2:13

Фицики иллагьки Аллагьди, Чаз ккуниб апӀбан бадали, ичв тямягь арайиз хуру ва ляхнарихъ хъаъру.

Коринф-1 3:6

Узу кивунза, Аполлосди хъубзну, аьхю гъапӀур Аллагь ву!

Югьандин-1 5:1

Иса – Аллагьдин Месигь вуйивалихъ хъугънайидарикан Аллагьдин веледар ктучӀвура. Адаш ккунириз, Гьадгъулантина гъахьирра ккунду.

Югьандин-1 5:18

Ухьуз аьгъяхьуз, Аллагьдин велед гъахьир гунгьарихьан ярхла шула. Думу Аллагьдин Бали уьрхюра ва иблисдихьан дугъак кучуз шулдар.

Югьан 3:3

Исайи дугъаз жаваб вуди кӀуру: – Гьякьлу вуйи гьякь кӀуразавуз: анжагъ учв цӀийикӀултӀан бабкан гъаширихьантӀан Аллагьдин Паччагьлугъдиъ учӀвуз хьибдар.

Матта 3:9

Ва: „Ич аба Ибрагьим вуйич“ кӀуру гафар учвуз чӀяаьн ву пну, миж микиванай, гьаз гъапиш учвуз кӀуразаки, Аллагьдихьан гьаму гъванариканра Ибрагьимдиз веледар ктауз шулу.

Эвел 25:22

Дугъак кьюдюхрар кайи ва бицӀидар гьеле дугъан фуниъ имиди элегнайи. Ребекайи: «Узуз мициб ляхин гьаз шулайкӀан?» – кӀуру ва думу му фу ляхин вуш РАББИЙИХЬАН гьерхри ккарагру йишвахьна гъягъюру.

Петрин-1 2:2

Тазади бабкан духьну имбу бицӀидарси, рюгьнан тӀяаьмлу никкдихъ, гьаддин кюмекниинди аьхю хьуз ва уьрхювал гъазанмиш апӀуз, тямягь хъивай.

Эвел 27:33

Исакьдин жан бегьем гукӀни гъабхьи ва гъапи: – Хъа фуж вуйи думу, хюрч дубхну, уву гъяйиз узуз гьивур? Узу гьадму йиз ужувлакк ккаъунза, аьхир, гьаддиз сарун думунур ужувлакк шулу. Думу кьяляхъ апӀуз шлу ляхин дар!

Эвел 25:28

Исакьдиз Исав ккундийи, гьаз гъапиш дугъу хру хюрчнан йикк ицциб шуйи, хъа Ребекайиз ккунир Якьуб вуйи.

Эвел 27:4

Дидкан узуз ккуни ицциб гьязур апӀин ва узуз ипӀуз аьбкъин. Узу йикӀайиз, увуз, РАББИЙИКАН берекет хьуб ккун дапӀну, йиз ирснан эйси апӀидизаву.