Югьан 1:11 - Гирами Китаб

¹¹ Думу жвувандарихьна гъафну, хъа жвувандари Думу гьясбикк гъапӀундар.

Югьан 1:11 Referans Kwoze

Лука 19:14

Хъа му юрднан агьалйириз думу ккунир дайи, ва дугъан кьяляхъди учв гъягърушваз адмийир гьаъру: «Дугъу ич паччагьвал дапӀну ккундарчуз» пуз.

Югьан 3:32

Дугъу Чаз гъеебхьубдикан ва гъябкъюбдикан кӀура, аммаки адмийири Дугъан шагьидвал кьабул апӀурадар.

Матта 15:24

Дугъу жаваб вуди кӀуру: – Узу анжагъ Израилин хъудургнайи чарвйирихьна Гьаънайир вуза.

Рим агьларихьна вуйи кагъаз 15:8

Месигь суннат гъапӀдарин гъуллугънаъ Аллагьдин гьякьвал дурариз улупуз, Аллагьди дурарин абйирин абйириз тувнайи гаф гьякь вуйивал улупуз ади гъахьну.

Ляхнар 13:46

Гьадмуган Павелина Варнавди дурариз дирбашди кӀуру: – ЖарадаризтӀан сифте учвуз Аллагьдин Гаф улупну ккундийи. Хъа думу кьабул дарапӀбиинди гьаргандин уьмрихьан ичв учву мягьрум апӀураш, учу гьамус жугьуд дарударихьинди илдицидича.

Рим агьларихьна вуйи кагъаз 9:5

Гьамрар ву ихь зурба абйирин наслар. Гьамрар ву варибдин зиин Аллагь вуйи, аьсрариан аьсрариз ужувлакк ккайи Месигьдин жилин хизан. Амин!

Галат 4:4

Аммаки Аллагьди, вахт гъабхьиган, Къанундиккди яшамиш шулайи дишагьлийи гъахи Чан Бай гьаъру.

Ляхнар 13:26

Эй йиз гъардшар, Ибрагьимдин наслин веледар ва Аллагьдихьан гучӀрудар! Му, ухьу уьрхбан бадали, дапӀнайи гаф вуйи.

Рим агьларихьна вуйи кагъаз 9:1

Месигьдин гьякьнииндира гьякь кӀураза. Узу кучӀлар апӀурадарза, Гирами Рюгьну абцӀнайи йиз намус узуз шагьид ибшри:

Югьан 1:10

Думу, Чав арайиз гъабхи му дюнʼяйиз гъафну, хъа му дюнʼяйиндариз Думу кьабул гъахьундар.

Югьан 1:12

Учв кьабул гъапӀдариз ва Чан ччвур дибисну хъугъдариз Дугъу дурар Аллагьдин веледар хьувал багъиш гъапӀну.

Югьан 19:27

Хъасин ученикдизра кӀуру: – Магьа яв дада. Гьаддихъанмина ученикди Исайин дада чахьна гъадагъуру.

Ляхнар 21:6

Дурарикан гьарурихъди, баркаллагь дупну, учу гимийиз за гъашича, хъа дурар чпин хулариз хътаку.