Тимофейиз-1 5:1 - Гирами Китаб

¹ Яшлу адмийириз хъжагъру саягъниинди макӀан, яв адашси, гъавриъ тӀаъ. Жигьил адмийирихъди, яв гъардшарихъдиси, гафар апӀури йихь.

Тимофейиз-1 5:1 Referans Kwoze

Титдиз 2:2

Яшлуйириз чпин кӀулʼинди фикир апӀуз улуп: ужубна-харжиб аьгъю апӀури ишри, гьюрматназ лайикьди ишри, фикирлуди ишри, ижми хъугърудар ишри, ккудудубкӀру масанвалиъ ишри, мюгькамди сабурлудар ишри.

Петрин-1 5:1

Гьаци вуйиган, гьамус узу ичв аьхюдарихьна илтӀикӀураза. Даршуз узура йиз марччарин – хъугърударин аьхюр вуза. Мидлан гъайри, Месигьдикан кчӀикьу аьзабарин шагьид вуза ва, магьа, гьамус – хъа дюнʼяйиз гъиямат йигъ хьади гъюрайи Дугъан ад рубкьрударикан сар духьназа.

Галат 6:1

Гъардшар, эгер шли гунагь гъапӀиш, учву, рюгьнахъ хъайидари, тахсир гъапӀур гъяниди дюз рякъюхъна духну ккунду. Лиггьа, жвувканра гьациб тахсир ктудубчӀвбан бадали, жвувʼин ул алди гъуз!

Титдиз 2:6

Гьаци жигьиларра ишри: дурариз чпи хилиъ дисуз шлуси улуп.

Матта 23:8

Хъа учвуз гъит мялимар дарипри, фицики гьякь Мялим сар ву, хъа учву вари гъардшар вучва.

Тимофейиз-1 5:17

Ужуди аьхювал апӀру касариз хъугърударин артухъ гьюрмат ади ккунду, иллагьки Ужувлан хабар рабгърудариз вая аьгъювалар улупрудариз.

Рим агьларихьна вуйи кагъаз 13:7

Гьардиз лайикь вуйиб тувай: шлиз – налогар, шлиз – харжар, шлиз – гучӀ, шлиз – гьюрмат.

Ляхнар 15:4

Ерусалимдиз хъуркьиган, дурар хъугънайидарин аьхюдари шадвалиинди кьабул апӀуру. Павелина Варнавди Аллагьди чпиинди гъапӀдарикан варибдикан ктибтуру.

Ляхнар 14:23

Хъасин хъугънайидарин гьарсаб жямяаьтдиъ аьхюр ктагъбалан кьяляхъ, Павелина Варнавди, ккарагну ва ушвар дидисну, чпи хъугънайи Аллагьдиина дурар аманат апӀуру.

Ачмиш 4:4

Гьадму тахтнахъди, илтӀикӀну, къабна юкьуб тахтсана хъайи. Дурариин кьарна юкьур аьхюр, лизи палат алабхьну, деънайи; дурарин кӀулариин гъизилин тажар алийи.

Югьандин-3 1:1

Яшлу аьхюрихьан – узуз гьякьвалиъди ккун гъахьи, йиз багьа вуйи дуст Гайдиз.

Югьандин-2 1:1

Яшлу аьхюрихьан – Аллагьди кадагънайи агъа-ханумдиз – хъугърударин жямяаьтдиз ва дугъан бицӀидариз. Узу учву вари гьякьвалиъди ккун гъапӀунзачву. Гьацира, гьякьвалин гъавриъ ахъу вариди учву ккун гъапӀну,

Якьубдин 5:14

Учвкан фуж иццураш, хъугърударин жямяаьтдин аьхюриз дих апӀри ва, Агъайин ччвурнахъ ччим кадатну, гъит, гьадгъан зиин ккарагри.

Якьубдин 3:17

Заълан гъюрайи фагьумлувал, сифте нубатнаъ, марцциб ву, гьацира мясляаьт хурайиб ву, аькьюллуб ву, аьлакьайихъна хруб ву, рягьимлувалихьди ва ужувлан ляхнарихьди абцӀна, диди адмийир ккунидаризна даккнидариз жара апӀдар ва машназ лигдар.

Ляхнар 20:17

Милитдиан дугъу, Эфесдин хъугънайидарин аьхюдар гъюри пну, дина адми гьаъру.

Ляхнар 15:6

Вакиларна хъугънайидарин аьхюдар му месэла гьял апӀбан бадали уч шулу.

Тимофейиз-1 5:2

Аьхю дишагьлийир – дадйирси; жигьилдар чйирси дис, дурарихъди вуйи яв аьлакьйир лап марццидар шлуси гъуз.