Тимофейиз-1 4:8 - Гирами Китаб

⁸ Бедендиз вуйи гьяракатарикан сацӀиб мянфяаьт а, хъа хъугъувалин тӀалабарихъ хьуб варибдиъ мянфяаьтлу ву, фицики диди, гьамусси, гъюру вахтариъра уьмур тувди.

Тимофейиз-1 4:8 Referans Kwoze

Матта 6:33

Сифтена-сифте учву Аллагьдин Паччагьлугъдихъ хъергай ва Дугъу кӀурайиб вари тамам апӀбахъ йихьай. Гьаци гъапӀиш, имбуб вари Дугъу тувдичвуз.

Тимофейиз-1 6:6

Хъугъувалин тӀалабар тамам апӀуб ва варибдиин рази хьуб зурба хъуркьувал ву.

Насигьятар 22:4

РАББИЙИХЬАН вуйи гучӀʼвална фурс ктрувалин кьяляхъди, девлетра, гьюрматра, уьмурра хъа.

Насигьятар 19:23

РАББИЙИХЬАН вуйи гучӀ хьайивали уьмрихъна хура: дидихьди ацӀнайир архаинди ахура, дугъʼин улубкьидар бала.

Югьандин-1 2:25

Ухьуз Бали туву гаф – магьа гьаму ву: гьаргандин Уьмур!

Марк 10:30

варж ражари артухъ хулар, чвйир, чйир, дадйир, веледар, хутӀлар, хъа гьацира жвувахъ хъчӀирккувалар хьиди, хъа гъюз ккимбу уьмриъ – гьаргандин уьмур.

Жугьдариз 13:9

Ужувлан хабарназ къаршу гьар жюре каламари учву гьякьʼвалихьан гьадауз мигъитанай. ЮкӀвар, фициб хураг ипӀуруш, гьаддин къайдйириинди мюгькам дарапӀди (дурар тамам апӀрудариз дурари хайир гъабхундар), хъа Аллагьдин ужувлиинди апӀуруш, ужу шул.

Ачмиш 3:21

Гъалиб гъахьириз Узу Узухъди тахтниин деуз йишв улупидиза, гьаз гъапиш, Узура гъалиб гъахьунза ва Йиз Адашдин гъвалахъ Дугъан тахтниин деунза.

Титдиз 3:8

Мурар дугъри гафар ву. Узуз уву гьаму гьякьяр дурарин юкӀвариъ тӀаъри ккундузуз. Гъит, Аллагьдихъ хъугърудар, ужувлар апӀури, ацӀри. Хъа мици хьуб варидариз успагьи ва мянфяаьтлу ляхин ву.

Паччагьлугъар-1 15:22

Хъа Шамуили гъапи: – РАББИЙИЗ вариубгбан гъурбнар ва садакьйир хъпехъувалтӀан лазим вуйинхъа? Ваъ, хъпехъувал Дугъаз садакьйиртӀан ужу ву, апӀин кӀуруб апӀувал чагъу якъартӀан ужу ву.

Ачмиш 3:12

Гъалиб гъахьирикан Узу Йиз Аллагьдин хулан мурхьул ктаидиза ва думу душваъ аьсрариз гъузди. Узу дугъак Йиз Аллагьдин ччвур, Йиз Аллагьдихьан завариан гъюру Йиз Аллагьдин шагьрин – цӀийи Ерусалимдин ччвур, ва Йиз цӀийи ччвур бикӀидиза.

Коринф-1 8:8

Хурагнахьан ухьу Аллагьдихьна багахь апӀуз хьибдар. Ухьу дирипӀди гъузну пну, кам шулайиб адарихь, ипӀуру пну, фукӀа гъазанмишра апӀурадархьа.

Рим агьларихьна вуйи кагъаз 8:28

Ухьуз, Аллагь ккунидариз, Чаз ккуниси Дугъу дих гъапӀдариз, вариб ужувлаз ачухъ шлуб аьгъяхьуз.

Коринф-1 3:22

Павелра, Аполлосра, Кифра, гьаму дюнʼяра, уьмурра вая аьжалра, гьамустинубра вая гъюз ккимбубра – вари ичвдар ву,

Матта 19:29

Гьар шли Узу бадали чан хулар, вая чвйир, вая чйир, вая адаш, вая дада, вая чан веледар, вая хутлар дирчиш, дугъу гьадрар вари варж ражари артухъди гъадагъиди, ва дугъаз ккудудубкӀру уьмур рубкьиди.

Матта 12:32

Эгер шли Инсаниятдин Бализ къаршуди чӀуру гаф гъапиш, дугълан хил алдабгъиди, хъа шли Гирами Рюгьназ гъапиш, дугълан я гьамус, ясана гъюз имбу уьмриъ хил алдабгъидар.

Тимофейиз-1 4:7

Кьаби хпариз лайикь вуйи махъварихъди вахт давди маадапӀан, хъа гьарган хъугъувалин тӀалабарихъ йихь.

Тимофейиз-1 6:3

Шли, Аллагьдиз лайикь вуйи гьюрмат хурайи ихь Агъа Иса Месигьдин сагъ гафар ва аьгъювалар тина гьадаъну, фу-вуш жараб улупураш,

Тимофейиз-1 6:5

ва кӀулиъ маъ адарди гьякьвал кӀваълан гъубшдарин гъанихвали, зат ккудудукӀру гьюжат арайиз хура. Аллагьдин ляхнар дурариз чпи ацӀузтӀан вуйидар дар.

Тимофейиз-2 3:5

Зиълан чпи Аллагьдихъ хъайиганси улупиди, хъа айтӀан дурар Аллагьдин кьувватну дигиш апӀидар. Гьацдарихьан ярхлади гъуз.

Лука 5:38

Гьаддиз таза чяхир цӀийи иржариъ убзуб лазим ву.