Тимофейиз-1 4:3 - Гирами Китаб

³ Дурари швушвар хуз гъадагъа апӀура. Дурар, гьякьвал агъюдарина хъугърудари баркаллагь кӀури, ипӀбан бадали Аллагьди халкь дапӀнайи саб жюре итӀрудар митӀанай, кӀури, хъюгъна.

Тимофейиз-1 4:3 Referans Kwoze

Тимофейиз-1 4:4

Аллагьди арайиз дубхнайиб вари ужу ву. Баркаллагь кӀураш, вари кьабул апӀуз шулу.

Жугьдариз 13:4

Нюкягь гьюрматлуб ва марцциб дубхьну ккун. Аллагьди, чан жилир вая хпир гъитну, гъирагъдиъ ул айир ва кьяппавал апӀрур жазайиз тувди.

Рим агьларихьна вуйи кагъаз 14:6

Сари йигъарикан сад йигъ, имбу йигъартӀан багьа ву кӀураш, дугъу гьаци Агъайин гьюрматназ апӀура, ва фунуб-вуш саб хураг ипӀрурира Агъа бадали гьаци апӀура, гьаз гъапиш, Аллагьдиз чухсагъул кӀура. Ва фунуб-вуш саб хураг дирипӀрурира Агъайин гьюрматназ гьаци апӀура, гьаци дугъура Агъайиз чухсагъул кӀура.

Колосс 2:16

Гьаци вуйиган, гъит, гьич сарира учву ипӀрубдиз ва убхърубдиз тягьнийир дириври ва учвхьан, машкврар, ваз цӀийи алаувалар ва султ йигъар къайд апӀури гъахьунчва, кӀури, гьедрерхри.

Коринф-1 8:8

Хурагнахьан ухьу Аллагьдихьна багахь апӀуз хьибдар. Ухьу дирипӀди гъузну пну, кам шулайиб адарихь, ипӀуру пну, фукӀа гъазанмишра апӀурадархьа.

Эвел 9:3

Вари гьяйванатар учвуз хурагди, муганайиз вари чрушин тувганси, тувразачвуз.

Колосс 3:17

Вари ичв улхбарра, ичв ляхнарра Гьадгъулантина, Адаш Аллагьдиз чухсагъул кӀури, Агъа Иса бадали апӀинай.

Коринф-1 7:28

Хъа эгер гъахишра, думу гунагьвал дар. Эгер риш швуваз гъушиш, гунагь хьибдар. Аммаки чпин сатӀлан вуйи уьмриъ дурариз гизаф читинвалар ккилигура, хъа узуз учву гьадрариккан уьрхюз ккундийзуз.

Рим агьларихьна вуйи кагъаз 14:3

Вари ипӀрур, мейвйиртӀан диритӀрурихьинди фурс кади милиган. Ва мейвйиртӀан диритӀрурира вари ипӀурайир тахсирнакк ккаъну ккундар, фицики Аллагьди думу кьабул апӀура.

Жугьдариз 13:9

Ужувлан хабарназ къаршу гьар жюре каламари учву гьякьʼвалихьан гьадауз мигъитанай. ЮкӀвар, фициб хураг ипӀуруш, гьаддин къайдйириинди мюгькам дарапӀди (дурар тамам апӀрудариз дурари хайир гъабхундар), хъа Аллагьдин ужувлиинди апӀуруш, ужу шул.

Тимофейиз-1 2:4

Фицики Дугъаз вари адмийир дюрхну ва гьякьвалихъна дуфну ккунду.

Коринф-1 6:13

Учву гьацира, «ипӀруб – фуниз, фун – ипӀрубдиз», кӀурачва! Ав, дюз кӀурачва, хъа мура, тмура Аллагьди терг апӀрубра дюз ву. Аммаки беден кьяппавализ вуйиб дар, хъа – Агъайиз. Агъара – бедендиз.

Рим агьларихьна вуйи кагъаз 14:17

Фицики Аллагьдин Паччагьлугъ ипӀруб, я убхъруб дар, думу Гирами Рюгьну багъиш апӀурайи дугъривал, ислягьвал ва шадвал ву.

Матта 15:36

гьаму ургуб уьлна балугъар гъадагъуру ва, Аллагьдиз чухсагъул кӀури ккарагну, уьлер гьудутӀну – ученикарихьна, хъа ученикари халкьдиз тувру.

Матта 14:19

Ва халкьдиз майдандиин деуб амур дапӀну, гьадму хьуб уьлна кьюб балугъ гъадагъну, завузди дилигну, Аллагьдин ужувлакк ккахьри, дупну, уьлер гьудутӀну, ученикарихьна тувру, хъа дурари халкьдиз тувру.

Ляхнар 27:35

Гьамци дупну, дугъу уьл гъадабгъну, варидарин улихь Аллагьдиз чухсагъул дупну, кудубтӀну, ипӀуз хъюгъру.

Югьан 6:23

Гьадмуган Тиверияйиан гъафи сякьюдар люткйир, Агъайи баркаллагь дупну, халкьди уьл гъипӀу йишвахьна гъюру.

Лука 24:30

Дурарихъди суфрайихъ гъюн йивну деънайиган, Исайи, уьл гъадабгъну, Аллагьдиз баркаллагь дупну, гьудубтӀуру ва дурариз пай апӀуру.

Даниял 11:37

Дугъу я чан абйирин бутарихьна, я дишагьлийирин Ккунирихьна, ясана фицибкӀа жара бутдихьна чан фикир жалб апӀидар, фицики дурартӀан чав заанди дисиди.

Паччагьлугъар-1 9:13

Шагьриъ учӀвубси, учвуз думу дишлади дихъидичвуз! Тядиди, думу ибадат апӀрушваъ шлу демдиз гъягъяйиз, думу хътарди, халкь ипӀуз хъюбгъидар, гъурбан гъапӀу йикк ипӀуз дугъу РАББИЙИХЬАН ипӀуз хъюгъюз ихтияр гъадабгъну ккунду аьхир, анжагъ гьаддин кьяляхътӀан хяларихьан ипӀуз шулдар. Кьан дарапӀди гъарахай, учвуз думу дишлади дихъидичвуз.

Матта 15:11

ушвниъ убчӀврайибди ваъ, хъа ушвниан удубчӀвурайибди инсан чиркин апӀуру.

Тимофейиз-1 5:14

Гьаци вуйиган, узу жигьил ачӀни дишагьлийирикан швуваз гъягъюб, бицӀидар апӀуб, чан хулахъ зегьмет зигуб ва душмнар чпикан чӀуруди дулухруси апӀуб ккун апӀураза.