Тимофейиз-1 4:2 - Гирами Китаб

² Дицдар каламар, намус дудубгнайи, кью-кьюбди машар гъивнайи кучӀляхяриланмина гъиди.

Тимофейиз-1 4:2 Referans Kwoze

Эфес 4:19

Дурар, инсанвалин лишан дудубгну, адрацӀди, гьубкьу чиркишнаъ арсри, кьяппавалиъ ахьра.

Рим агьларихьна вуйи кагъаз 16:18

Гьаци апӀру касар ихь Агъа Месигьдин гъуллугънаъ айидар дар, хъа чпин тямягьяр гьуркӀбахъ хъайидар ву. Дурари чпин уччву улхбарииндина тярифариинди бицӀи юкӀвар айи касар алдатмиш апӀура.

Ляхнар 20:30

Ичв арайиъра гьацдар адмийир хьидики, дурари, ученикар чпихъинди илтӀикӀуз, нягьякьвалихъинди улхиди.

Ачмиш 16:14

Мурар, аьламатар улупру жинарин рюгьяр ву: дурар, Аллагьдин, вари хилиъ Дибиснайирин зурба гъиямат йигъаз дявдиз гьязур йихьай кӀури, дюнʼяйин вари паччгьарихьна гъягъюру.

Тимофейиз-2 3:5

Зиълан чпи Аллагьдихъ хъайиганси улупиди, хъа айтӀан дурар Аллагьдин кьувватну дигиш апӀидар. Гьацдарихьан ярхлади гъуз.

Рим агьларихьна вуйи кагъаз 1:28

Дурариз Аллагь аьгъю апӀуз даккниган, Дугъу дурарихьди чпин дюз дару фагьмин лайикьсуз тӀулар апӀуз гъитнийи.

Матта 24:24

фицики кучӀлин месигьар ва кучӀлин пайгъамбрар удучӀвну, зурба аьламатнан лишнар улупуз хъюгъди. Дурар, чпихьан шулуш, гьелле Аллагьди кадагънайи касарра алдатмиш апӀуз чалишмиш хьиди.

Матта 7:15

Кьюб маш гъяйи пайгъамбрихьан ихтият йихьай. Учвухьна дурар марччлин гъидикь алди гъюра, айтӀан кӀуруш дурар вягьши жанаврар ву.

Эфес 4:14

Хъа думуган ухьу сарун лепйири ккалакьурайи ва гьар жюре каламарин микӀарихь гьитнайи, инсанар улдугуз гъитри, аьмалдар кучӀляхярикк ккахъру бицӀидарси хьидархьа.

Паччагьлугъар-3 22:22

«Фици?» – гьерхнийи РАББИЙИ. «Узу гъябгъидиза ва дугъан вари пайгъамбрарин мелзниин кучӀлин жин хьибдиза», – гъапнийи диди. «Ав, увхьан думу ляхин хъуркьувалиинди кӀулиз адабгъуз ва думу алдатмиш апӀуз хьибдивухьан, – гъапнийи РАББИЙИ. – Гъарабх ва гьаци апӀин».

Паччагьлугъар-3 13:18

Кьаби пайгъамбри жаваб тувнийи: – Узура увуси пайгъамбар вуза. Малайикди узукна РАББИЙИН гафниинди гъапну: «Думу уьл ипӀуз ва шид убхъуз увухьна хулаз кьяляхъ хъади гъарах». (Хъа думу кучӀал вуйи.)