Тимофейиз-1 4:12 - Гирами Китаб

¹² Увухьинди, уву жигьил ву кӀури, гьясппикк ккадру саягъниинди, фужкӀара лигуз мигъитан. Хъугънайидариз уву гьам гафариъ, уьмриъ, масанвалиъ, хъугъувалиъ ва гьам марццишнаъ чешнеди гъуз.

Тимофейиз-1 4:12 Referans Kwoze

Титдиз 2:7

Уву дурариз вари яв алдабгъурайи ликдииндина ляхнариинди чешнеди гъуз. Гъит, уву улупурайи аьгъювалар лап кӀваантӀан ва гьюрматназ лайикь ишри,

Тимофейиз-2 2:22

Жигьилвализ хас вуйи тямягьярихьан ярхла йихь ва, Агъайихьна марцци юкӀвариинди илтӀикӀрударихъди сабси, дюзвалихьна, хъугъувалихьна, масанвалихьна, мясляаьтнахьна варидарихъди гьачӀаркк.

Тимофейиз-2 2:15

Аллагь увкан разиди гъитруси, диш рякъди гъярайи касси, гьич сабдихьанра нач даршлу гьякьвалин гаф деебтури, яв хилʼан удубкьруб вари апӀин.

Петрин-1 5:3

гьякимари Аллагьди чпин хилиъ ивнайи адмийирин зиин агъавал апӀурайиганси ваъ, хъа вари лижаз мисал вуди гъуллугънаъ шлуганси гъайгъушнаъ йихьай;

Коринф-1 11:1

Узу Месигьдихъан дубгъурайиганси, учвура узхъан дубгъай.

Фессалоник-1 1:6

ва учву учуна Агъайи апӀруб апӀури гъахьнийчва. Учву Ужувлан хабар, зурба аьзаб-аьзиятназ дилигди, Гирами Рюгьну туву шадвалиинди кьабул гъапӀнийчва.

Титдиз 2:15

Магьа гьамцдар аьгъювалар улуп. Яв вари гьюкум улихь гьапӀну, дурарик юкӀв капӀ ва тахсрар улупури гъуз! Ва гъит, гьич сарихьанра увухьинди хъюхъ за дапӀну лигуз дарибшри!

Матта 18:10

Лигайгьа, бицӀидар вара улʼан миидитанай, фицики дугъриданра дурарин малайикар Аьршарин Йиз Адашдин машнахь шулу. [

Тимофейиз-2 2:7

Узу гъапибдикан фикир апӀин – Агъайи варибдин гъавриъ ахъуз кюмек апӀидивуз.

Якьубдин 3:13

Ичв арайиъ фужкӀа дугъридан фагьумлу ва варибдин гъавриъ айи кас адарин? Эгер дицир аш, дугъу чан фагьумлувал гьякь уьмриинди улупну ккунду, фагьумлуйириси кӀул ис дапӀну ккунду.

Якьубдин 3:17

Заълан гъюрайи фагьумлувал, сифте нубатнаъ, марцциб ву, гьацира мясляаьт хурайиб ву, аькьюллуб ву, аьлакьайихъна хруб ву, рягьимлувалихьди ва ужувлан ляхнарихьди абцӀна, диди адмийир ккунидаризна даккнидариз жара апӀдар ва машназ лигдар.

Филипп 4:8

Аьхирки, гъардшар, гьарган гьякь вуйибдикан, лайикь вуйибдикан, дюзваликан, марццибдикан, бегелмишубна гьяйранубдикан, намуслуваликан ва тярифариз лайикьубдикан фикир апӀинай.

Фессалоник-1 2:10

Учву хъугърудар гъахьиган, учу фици марцциди, гьякьлуди ва тахсир ктарди учвухъди гъахьнуш, учвура Аллагьдихъди шагьидар гъахьунчва.

Тимофейиз-1 1:14

Хъа, Иса Месигьдик ктикьхъан, рябкъру масанвална хъугъвал хъайи ихь Агъайин ужʼвал Аллагьди узʼин бегьем улубзну.