Тимофейиз-1 4:1 - Гирами Китаб

¹ Аллагьдин Рюгьну ачухъди кӀура, аьхиримжи вахтари, хъугъувал дипну, гьацӀар гьудучӀвиди, дурари кучӀлин рюгьярин ва жинарин каламарин тереф бисиди.

Тимофейиз-1 4:1 Referans Kwoze

Петрин-2 2:1

Мидлан савайи, халкьдин арайиъ кучӀлин пайгъамбрар ачмиш гъахьиганси, ичв арайиъра кучӀлин мялимар ачмиш хьидивучв. Дурарихьан аьжалихъна гъахру чпин кучӀлин каламар арайиз адагъуз хьиди. Дурари чпи азадвал бадали кадагънайи Гьюкумдар (Агъа) тина апӀиди. Дурар, Агъа кьабул дарапӀбиинди, багарихьди чпи тӀанкь апӀувалихъна гъиди.

Ягьудайин 1:18

Дурари учвуз гъапнийи: «Аьхиримжи вахтари кялхърудар, намуссуз тямягьяр ади, ккуниб апӀури, арайиз удучӀвиди».

Петрин-2 3:3

Сифтена-сифте учвуз аьгъю дубхьну ккундуки, аьхиримжи йигъари чпин хусуси тямягьярихъди гъягъру рихшанд апӀувалар арайиз гъиди.

Ягьудайин 1:4

Суддин йигъаз ухдихъанмина кадагънайи адмийир ичв арйириъ жиниди учӀвра. Гьадму аллагьсузари ихь Аллагьдин ужʼвал чпин чиркинвалариз дюз гъюрубси илбицура ва гьамци дурари Иса Месигьдихьан, сар ихь Гьюкумдарихьан ва Агъайихьан маш гьибицура.

Коринф-2 11:3

Аммаки, Ева, иблис битӀру алдатмиш гъапӀси, ичв фикирра Месигьдиз дугъриди ва марцциди бахш шлувалихьан гьадапӀур кӀури, гучӀуразуз.

Тимофейиз-2 3:13

Хъа пис адмийирна алдатмиш апӀрудар исина-исина кучӀлин кьарнаъ арсди, дурари чпихъди имбударра алдатмиш апӀиди.

Югьандин-1 4:6

Хъа ухьу Аллагьдиндар вухьа ва шлиз Аллагь аьгъяш, думу ухьухъ хъпехъуру. Хъа фуж Аллагьдинур дарш, ухьухъ хъпехъидар. Магьа гьамци ухьхьан гьякьвал хру Рюгь кучӀлин рюгьнахьан жара апӀуз шулу.

Югьан 16:13

Учвухьна Гьякьвалин Рюгь гъафиган, Дугъу учву дюз рякъди гъахиди, рюгьнан метлеб – гьубкӀну вуйи гьякьвал ву, фицики Дугъу кӀурайиб Чахьан дар. Дугъу анжагъ Чаз гъеебхьубдикан пиди, Дугъу учвуз гъюз ккимбубдикан хабар дебккди.

Югьандин-1 2:18

Баяр-шубар, аьхиримжи вахтар улукьура! Учвуз гъеебхьиганси, Месигьдиз Къаршур гъиди, дупна. Лигуруш, дурар, ихь Месигьдиз къаршу касар, гизаф духьна. Магьа гьаддиз ухьуз, аьхиримжи сяаьт улубкьнайиб рябкъюрахьуз.

Даниял 10:14

Хъа гьамус, аьхирзамандихъна яв халкьдиз фу шулуш, увуз ктибтуз гъафунза, гьаз гъапиш рябкъюрайиб гьадму йигъарикан ву.

Ачмиш 2:11

Шлик хъпехъру ибар каш, гъит хъугънайидарин жямяаьтариз Рюгьну фу кӀураш, ебхьри! Гъалиб гъахьириз кьюбпи аьжал айиб дар».

Тимофейиз-2 4:4

Гьякьʼвализна дюзвализ чпин ибар гьеркну, дурар, махъварихъ хъпехъбан бадали, дурарихьан гьидициди.

Ачмиш 20:10

Дурар алдатмиш гъапӀу Иблис гугурт убгурайи цӀин дагризди – вягьши гьяйванатна кучӀлин пайгъамбар айи йишвазди – ипру. Дурарикан йишвди – йигъди, аьсрариан аьсрариз зивзивар кчӀюкьюри хьиди.

Ачмиш 3:6

Шлик хъпехъру ибар каш, гъит, хъугънайидарин жямяаьтариз Рюгьну фу кӀураш, ебхьри!»

Ачмиш 2:29

Шлик хъпехъру ибар каш, гъит, хъугънайидарин жямяаьтариз Рюгьну фу кӀураш, ебхьри!»

Петрин-1 1:20

Иса, дюнʼя арайиз хайиз, учву бадали Кадагънайир вуйи, ва гьаму аьхиримжи йигъари Думу жилиина гъафну.

Ачмиш 18:2

Дугъу кьудратлу дихниинди гъапи: «Ккадабхъну, ккадабхъну машгьур меркез Вавилон! Думу шейтӀнар диргрушв ва гьар бабат чиркин рюгьярин мугъара, гьар бабат чиркин жакьварин мукь, гьар бабат чиркин ва хяви вягьши гьяйванатарин макан ву;

Колосс 2:18

МютӀюгълуди хьуз ккунидари, малайикариз икрам апӀрудари учвук тахсир кипруси мапӀанай. Дурар чпин гьугъужвувалариъ ахьна. Давди, чпин фагьмиин элеъну, фурс апӀура – думу гьаму дюнʼяйинуб ву!

Коринф-1 10:20

Ваъ, аммаки Аллагьсузари чпин гъурбнар, Аллагьдиз ваъ, хъа шейтӀнар-жинариз хура. Узуз учву жинарихъди саб духьну ккундарзуз.

Эвел 3:13

РАББИ Заанури дишагьлийихьан гьерхру: – Уву мици гьаз гъапӀунва? Дишагьлийира жаваб туву: – БитӀру алдатмиш гъапӀунзу ва гъитӀунза.

Ачмиш 20:8

ва диди, дюнʼяйин юкьуб терефназ дубшну, яни Гогдинна Магогдин йишвариз дубшну, халкьар алдатмиш апӀури, дурар дявдиз уч апӀиди. Дурарин кьадар гьюлихъ гъумкьан ву.

Ачмиш 19:20

Вягьши гьяйванатна кучӀлин пайгъамбар гъидису. КучӀлин пайгъамбри вягьши гьяйванатдин гьюрматназ аьламатар улупуйи. Дугъу гьадму аьламатариинди вягьши гьяйванатдин лишан капӀнайидар ва дидин суратназ икрам апӀурайидар алдатмиш гъапӀнийи. Дурар кьюридра чӀивиди имиди убгурайи гугуртдин дагриъ ирчу.

Ачмиш 18:23

Шагьриъ акв апӀру алатдин акв сарун саризра рябкъидар. Швушв хурайиринна швушван сесер сарун саризра ерхьидар. Гьаз гъапиш, яв ариш-вериш гъабхрудар дюнʼяйиъ зурба касар вуйи; гьаз гъапиш, вари халкьар уву яв тӀилисимдиинди кучӀлин рякъюхъна гъахунва;

Ачмиш 13:14

Сабпи вягьши гьяйванатдин ччвурнахъан аьламатар улупури, диди дюнʼяйин адмийир улдугуз гъитуйи. Диди ханжал йивну зиян гъапӀу ва, хъана сагъ гъабхьи сабпи вягьши гьяйванатдин гьюрматназ сурат балгуз, буйругъ гъапӀу.

Ачмиш 9:20

Гьадму бедбахтвалариккан гъирмиш дархьиди ккудуччву адмийир, чпин хиларин ляхнарихьан, швумал духьну, гьудучӀвундайи: дурари шейтӀнаризна гъизиликанна, арсраканна, йифриканна, гъвандиканна, гакӀвликан дапӀнайи ва каънайи, я рябкъюз, я ерхьуз, я гъягъюз даршлу идолариз гьюрмат апӀуб дипундайи.

Ачмиш 3:22

Шлик хъпехъру ибар каш, гъит, хъугънайидарин жямяаьтариз Рюгьну фу кӀураш, ебхьри!»

Ачмиш 3:13

Шлик хъпехъру ибар каш, гъит, хъугънайидарин жямяаьтариз Рюгьну фу кӀураш, ебхьри!»

Ачмиш 2:17

Шлик хъпехъру ибар каш, гъит хъугънайидарин жямяаьтариз Рюгьну фу кӀураш, ебхьри! Гъалиб гъахьириз Узу, гирамиди уьбхюрайи ва сир айи манна тувдиза, гьацира, ччвур кайи лизи гъван тувдиза. Душвак дибикӀнайи ччвур, думу гъурубкьурилан гъайри, сарун гьич саризра аьгъю хьибдар».

Ачмиш 2:7

Шлик хъпехъру ибар каш, гъит хъугънайидарин жямяаьтариз Рюгьну фу кӀураш, ебхьри! Гъалиб гъахьириз Узу Аллагьдихь женнетдиъ айи уьмрин гьаргъян йимишар итӀуз гъитдиза».

Коринф-1 12:11

Мурар вари – гьадму сар Рюгьнан ляхнар ву. Гьаму багъишар Дугъу гьардиз Чаз ккуниси тувру.

Ляхнар 28:25

Чиб-чпин арайиъ сабвалихъна дарфиди, дурар алдагъуз гьязур духьнайи арайиъ Павели дурариз кӀуру: – Гирами Рюгьну ичв абйириз Ишая пайгъамбриланмина гъапи му гафар гьякь вуйиштӀан:

Ляхнар 17:18

Сакьюдар эпикурчйир ва стоикар вуйи философар дугъахъди гьюжатнаъ учӀвру. Дурарикан сакьюдари: «Му лягълягъиз фу пуз ккунди айкӀан?», тмундари: «Думу, рякъру гьялариан, яд аллагьарикан улупурайир вуйкӀан?» – кӀури шуйи. Дурари мици гьаддиз кӀурайи, гьаз гъапиш Павели Исайикан ва Думу чӀиви хьуваликан Ужувлан хабар рабгъурайи.

Ляхнар 13:2

Дурари Агъайиз гъуллугъ апӀури, ушвар дидиснайи вахтна, Гирами Рюгьну кӀуру: – Узуз Варнавна Саул жара апӀинай, гьаз гъапиш дурари Узу чпиз пуз ккайиб тамам апӀиди.

Ачмиш 16:14

Мурар, аьламатар улупру жинарин рюгьяр ву: дурар, Аллагьдин, вари хилиъ Дибиснайирин зурба гъиямат йигъаз дявдиз гьязур йихьай кӀури, дюнʼяйин вари паччгьарихьна гъягъюру.

Паччагьлугъар-3 13:18

Кьаби пайгъамбри жаваб тувнийи: – Узура увуси пайгъамбар вуза. Малайикди узукна РАББИЙИН гафниинди гъапну: «Думу уьл ипӀуз ва шид убхъуз увухьна хулаз кьяляхъ хъади гъарах». (Хъа думу кучӀал вуйи.)

Матта 18:7

Тямягьлу дюнʼяйиз бала хьибди. Нефс-тямягь адарди, дюнʼя гъубзурдар, амма нефс-тямягь арайиз гъюбан тахсиркар аьхю балайикк ккахъди.

Лука 17:1

Исайи чан ученикариз кӀуру: – Инсан гунагьвалиъ тӀаъру тямягьяр чарасуз гъиди. Аммаки тямягьяр шлиланмина гъюруш, гьадгъан гьял пис хьибди.

Ляхнар 20:23

Ялгъуз саб аьгъязуз, Ерусалимдиъ узуз аьзабарна дустгъар ккилигура, Гирами Рюгьну дидкан узуз гьар шагьриъ хабар тувра.

Ляхнар 21:11

Учухьна дуфну, дугъу, Павелин чӀул гъадабгъну, дидихъди чан ликарна хилар йитӀну, гъапнийи: – Гирами Рюгьну гьамци дупна: «Ерусалимдин жугьдари му чӀулин эйси магьа гьамци йитӀиди ва аллагьсузарин хилиз тувди».

Коринф-1 2:10

Хъа Аллагьди думу ухьуз Чан Рюгьнан кюмекниинди ачмиш гъапӀунхьуз, фицики Рюгьназ вариб аьгъя. Рюгьназ Аллагьдин вари фагьмин деринарра аьгъя.

Коринф-1 11:19

Ичв арайиъ гьар жюре фикрар-хиялар, фуж дюз вуш аьгъю апӀбан бадали, духьну ккунду.

Якьубдин 3:15

Мициб фагьум заълан гъюруб дар, думу му дюнʼяйинуб ву; рюгьниинди вуйиб дар, иблисдихьан гъюрайиб ву.