Тимофейиз-1 2:3 - Гирами Китаб

³ Мици апӀуб дюзди ва ухьу уьрхру Аллагьдиз кьабулди ву.

Тимофейиз-1 2:3 Referans Kwoze

Жугьдариз 13:16

Ужʼвал апӀуз ва гьудрубкӀрудариз тувуз кӀваълан магьарханай – мицдар гъурбнар Аллагьдиз кабалгрудар ву.

Тимофейиз-1 1:1

Ухьу уьрхру Аллагьдин ва ихь умуд кайи Месигь Исайин амриинди кадагънайи Иса Месигьдин вакил Павелихьан

Петрин-1 2:20

Хъа эгер, тахсир дапӀну, учву урччвураш, ичв фициб ад шул? Хъа учву ужʼвал апӀури, аьзабар сабурлуди аьгь апӀуруш, Аллагьдин улихь ичв аваза за хьибди.

Рим агьларихьна вуйи кагъаз 14:18

Месигьдиз гьамци гъуллугъ апӀурайири Аллагьдиз ккуниб апӀура, ва адмийиризра кьабул шула.

Петрин-1 2:5

Учвура, чӀиви гъванарикан хал диврайиси, ичв учвкан рюгьвалин хал тикмиш апӀинай. Гьадмуган, гирами вуйи гъуллугъчйир хьпан кьяляхъ, Месигьдиланмина Аллагьдиз кьабул вуйи, Рюгьниинди вуйи гъурбнар апӀидичва.

Фессалоник-1 4:1

Аьхиринишвʼин гъардшар, учу учвуз Аллагьдиз ккунидарси яшамиш хьуз улупганси, гьамусдихъантинара гьаци яшамиш хьуб учвкан Агъа Исайин ччвурнахъан ккун апӀурача. Учву гьамустӀанра гьаци яшамиш шули ачва, хъа вушра, хъана артухъ ужуйи яшамиш хьуз чалишмиш йихьай.

Колосс 1:10

Учу гьацира, учву Агъайиз лайикьлуди яшамиш хьпан бадали, вари Гьадгъаз хуш вуйиси апӀбан бадали, учву апӀурайи гьарсаб ужувлан ляхниъ ужуб бегьер хьпан бадали ва учвуз Аллагьдикан аьгъюб артухътӀан артухъ ибшри кӀури, ккарагури шулча:

Лука 1:47

Йиз рюгь узу гьарсабдихьан уьрхюрайи Аллагьдикан шад духьна.

Филипп 1:11

учвхьан Аллагьдин ад ва тяриф апӀуз шлуси, Иса Месигьдин кюмекниинди гьякьʼвалин бегьер хуз хьибдичвухьан.

Тимофейиз-1 5:4

Эгер ачӀни дишагьлийиз баяр-шубар, ясана хтулар аш, дурари чпин хъугъувал ляхниъ улупри, чпин хизандинна абайир-бабарин гъайгъу зигури. Му Аллагьдиз кбалгру ляхин ву.

Филипп 4:18

Хъа узуз вари гьубкӀну азуз, гьамус узуз ккунибтӀан гизафра кади азуз. Учву хътапӀуб вари Эпофрадитди тувунзухьна, гьамус варибдихъди ацӀназа. Ичв багъишар Аллагьдин хулаз гъабхи «ицци ниъ хъади убгрубси», «кьабул шлу гъурбан, Аллагьдиз хуш вуйи гъурбанси» гьисаб апӀуз шулу.

Тимофейиз-2 1:9

Дугъу ухьу ихь ляхнариз лигну дюрхнадар ва Чан гирами вуйи дихниинди ухьуз дих дапӀнадар, хъа, Чан гьаци апӀуз ккайивалин кьувватназ ва Чан зурба вуйи ужувлаз дилигну гьаци дапӀна. Дугъу ухьуз, Месигь Исайиланмина думу багъиш, вахтар ккергъайиз улихьна дапӀнайи.

Тимофейиз-1 4:10

Гьаддин бадали ухьу лихурира ахьа, гьаддихьна гьачӀарккурира ахьа, гьаз гъапиш умуд чӀиви Аллагьдик кайихь, хъа Думу вари адмийир Уьрхрур ву, иллагьки – Чаин хъугъвал алидар.