Тимофейиз-1 1:9 - Гирами Китаб

⁹ Ухьуз гьацира аьгъяхьуз: Къанун дугъридариз ваъ, хъа – гьадму законар чӀюргърудариз ва мютӀюгъ даршлудариз, аллагьсузариз ва гунагькрариз, фукӀара гирамиб адрудариз ва хътругърудариз, адашдин вая дадайин уьмриин хил иливрудариз, йивну йикӀрудариз,

Тимофейиз-1 1:9 Referans Kwoze

Галат 3:19

Дици вуйиган, Къанун гьаз ву? Думу, тахсрар артухъ хьувализ дилигну, гьадму гаф тувну гъюру «Насил» гъяйизкьан адабгънайиб вуйи. Къанун малайикариланмина ва ара сатӀи апӀрурин кюмекниинди дебккнайиб ву.

Петрин-1 4:18

«Эгер гьякь вуйирихьан саб нуфтдитӀан жвув уьрхюз шулдарш, хъа фу шул кацӀнайидарикан ва гунагькрарикан?»

Рим агьларихьна вуйи кагъаз 5:20

Къанун гунгьар артухъ хьуз гъафну, хъа гунагь артухъ шлубкьан, Аллагьдин ужʼвал хъана артухъ шуйи,

Галат 5:23

гъянивал, жвув хилиъ дисувал кахьра. Гьамцдар ляхнариз закон лазим дар.

Титдиз 3:3

Улихьди ухьура ахмакьарди гъахьидар вухьа: кӀулʼин зигрудар, алдатмиш дапӀнайидар, хьуз мумкин вуйи вари тямягьярин ва ягь адру кьукьарин лукӀар вуйхьа, хъюлу ацӀну ва гъанихвали ургури яшамиш шули гъахьунхьа, чиб-чпин хъял ади ва чиб-чпи даккунди гъахьунхьа.

Рим агьларихьна вуйи кагъаз 6:14

Гунгьари учвʼин агъавал дапӀну ккундар, фицики учву Къанундикк яшамиш шуладарчва, хъа Аллагьдин ужувлакк.

Рим агьларихьна вуйи кагъаз 1:30

сар-сарилан улхури шулу ва дурариз Аллагь даккунди ву. Дурар сарслидар ву, фурсари ацӀна, жарадарин улихь гьарган чпин адар апӀури шулу, писвал апӀуз рякъяр агру фикрари ацӀна, чпин абйир-бабариз мютӀюгъ шулдар.

Ачмиш 22:15

Амма хуйир, фалчйир, кьяппйир, йивну йихрудар, идолариз икрам апӀрудар, кучӀал ккунидар ва думу арайиз хрудар вари Шагьрин чӀатинди гъузди.

Ачмиш 21:8

Хъа гучӀбяхярин, масу туврударин, намуссузарин, йивну йихрударин, кьяппйирин, фалчйирин, идолариз икрам апӀрударин ва вари кучӀляхярин йишв цӀииндина гугутдиинди убгурайи дагар ву. Му кьюбпи аьжал ву».

Титдиз 1:16

Дурари, чпиз Аллагь аьгъячуз, кӀури, гьисаб апӀура, хъа чпин ляхнар-тӀулариинди Думу ярхла апӀура. Гьадрар ву думу намуссузар, мютӀюгъ дарудар, гьич саб ляхнизра хай дарудар.

Жугьдариз 11:31

Кьяппади лихурайи Рахав, хъугъувал ади, душмандин тереф ахтармиш апӀурайи израилар мясляаьтниинди кьабул гъапӀган, хътругърударихъди тӀанкь гъахьундайи.

Фессалоник-2 2:8

Хъа гьадмуган думу душман ачухъ хьиди, хъа Агъа Исайи Учв гъафи гьадму Йигъан, гьеле Чан ил хътабгъбан адлувалин нурниинди думу тӀанкь апӀиди.

Рим агьларихьна вуйи кагъаз 4:13

Ибрагьимдиз ва дугъан наслариз вари дюнʼя ирсди тувди, кӀури, Аллагьди туву гаф дугъаз Къанундиланмина тувуб дайи, хъа чан хъугъувализ дилигну, гьякь хьувалиинди гъурубкьу гаф вуйи.

Матта 10:21

Чвуччву чве йикӀуз масу тувди, хъа адашди – бай. Веледари, абйир-бабариз къаршу удучӀвну, дурар йихиди.

Насигьятар 30:17

Эгер ул, кялхъруси чан адашдиз либгураш, ва чан дадара фужкӀа дарди гьисаб апӀураш – думу удубдиди дерейиъ хъюттари, итӀиди дицир люкьяри.

Насигьятар 30:11

А гьацдар, абйириз агьрар апӀури, бабариз ужʼвал ккун дарапӀди;

Насигьятар 28:24

«Дици апӀбаъ гуннагь адар», кӀури, адашна дада хътитӀурайир, тӀарашчйирин ву терефкар.

Насигьятар 28:17

Инсан йикӀбягъ гъяйир йикӀайизкьан тӀиркӀури хьиди, гъит сарира дицириз кюмек дарапӀри.

Насигьятар 20:20

Адашдизна дадайиз агьрар апӀрурин кутӀубшвиди лампа яман мучӀушнаъ.

Паччагьлугъар-4 19:37

Саб ражари, Санхерибди чан бут Нисрухдин ибадатханайиъ ибадат апӀурайиган, дугъан баяр Адрамелехди ва Сарецери думу, тур йивну, гъакӀнийи. Дурар Арарат вилаятдиз гьергнийи. Хъа Санхерибдин бай Асархаддон дугъан ерина паччагь гъахьнийи.

Паччагьлугъар-2 16:11

Давудди Авишайиз ва чан багахь дапӀнайидариз варидиз гъапи: – Йиз ифдикан гъахьи йиз бай йиз уьмур тадабгъуз чалашмиш шула. Дици гъабхьиган, Вениаминдин наслиан вуйирикан фу пуз шулу! Гъитай думу; гъит агьрар апӀри, гьаз гъапиш РАББИЙИ дугъаз гьаци гъапну.

Петрин-1 2:7

Гьаци вуйиган, учвуз, хъугърудариз, Думу зурба хазна ву, хъа хътругърудариз – «Устайи тина гъапӀу гъван мурччвануб гъабхьну»,

Жугьдариз 12:16

Лигай, учвкан сарира кьяппавал мапӀанай ва, саб гъаб ипӀрубдихъ хизандиъ аьхю бализ айи ихтиярар масу туву Исавси, Аллагьдихьан гьадмукьан ярхлади махьанай.

Галат 5:21

бахилвал, пиянвал, шадлугъар-кьяппавалар ва гьацдар жарадар кахьра. Узу учвуз улихьнасира гъапунза ва гьамусра кӀуразачвуз: гьаци апӀрударикан гьич саризра Аллагьдин Паччагьлугъдиъ ирс ккубкьидар.

Галат 5:18

Эгер учву Рюгьну хъаъраш, ичв зиин Къанундин гьюкум гъубзрадар.

Тимофейиз-1 4:7

Кьаби хпариз лайикь вуйи махъварихъди вахт давди маадапӀан, хъа гьарган хъугъувалин тӀалабарихъ йихь.

Тимофейиз-1 6:20

Тимофей, яв хилиъ ивнайиб вари уьбх. Аллагьсузвалин улхбар-рахбарихьан ва кучӀлин аьгъюваларин гьюжатарихьан гьудучӀв.

Тимофейиз-2 2:16

Хъа ичӀи ва аллагьсуз лягълягъярихьан гьудучӀв. Фицики дурари адмийир Аллагьдихьан ярхла апӀура. Чпин хътругърувалариъ дурарин хъуркьувалар артухъ хьиди.

Тимофейиз-2 3:2

Адмийириз, чпина пултӀан ккунди гъубзидар, чпин тярифар апӀрудар хьиди, хъюхъ дазабгну лицрудар хьиди, ушвниин чӀуру гафар алидар хьиди; абйир-бабарихьна гьюрмат гъубзидар, чухсагъул кӀурудар хьидар, инсанарин юкӀвариъ гирамивал гъубзидар.

Титдиз 1:6

Узу гъапиганси, дерккру аьхюдар марцциди яшамиш шулайидар духьну ккунду – саб ражаритӀан хпир духну адрударикан; дурарин веледар хъугърудар вуди ккунду, я гьич саб жюрейин хлиан идитнайивал ва хъпебехърувал дурарик кади ккундар.

Титдиз 1:10

Фицики гизафдар гьич саринра гьюкум кьабул дарапӀрудар шулу, лягълягъчйир ва футнакрар-кучӀляхяр, гизафна-гизафси дицдар адмийир суннат дапӀнайидарин арайиъ а.

Ягьудайин 1:15

Дугъу варидарин суд апӀиди, вари аллагьсузари гъапӀу аллагьсуз ляхнар ашкар апӀиди, ва, Исайиз къаршуди гъапи нягьякь гафариз дилигну, аллагьсуз гунагькрарин суд апӀиди».