Тимофейиз-1 1:20 - Гирами Китаб

²⁰ Гьацдарин арайиъ Гименейна Эскендер а; узу дурар, Аллагь беябур дарапӀди яшайиш дубгъуз, иблисин хилиъ ивунза.

Тимофейиз-1 1:20 Referans Kwoze

Тимофейиз-2 2:17

Дурарин каламарра, кубчӀвру аьзарси, даргъиди. Дицдарин арайиъ Филетна Гименейра ахьна.

Коринф-1 11:32

Агъайи ихь суд апӀура, жазара гьадабтӀура. Дугъу дици, дюнʼяйин суд апӀруган, ихь суд дарапӀбаз, апӀура.

Фессалоник-2 3:15

Дугъахъди, душмнихъдиси, махьанай, хъа, гъардшизси, гъавриъ шлу гафар йипай!

Ачмиш 3:19

Узу Узуз масан вуйи касариз жаза гьадабтӀурза ва дурарин жини ляхнар арайиз адагъурза, гьаци вуйиган, юкӀв хъип, ва швумал духьну, яв фурсар дирч.

Ляхнар 19:33

Сакьюдари вари тахсрар сар Александр кӀуру касдиин алаънийи, ва жугьдари думу улихьна удучӀвуз гъитнийи. Хилин ишара дапӀну, дугъаз халкь аьгьвалатнан гъаврикк ккауз ккун гъабши.

Ачмиш 13:1

Узуз гьюлʼан, йицӀуб кӀарч али, ургуб кӀул али, кӀарчариин йицӀуб таж али, хъа кӀуларик Аллагьдиз люкьнар кайи вягьши гьяйванат удубчӀвури гъябкъюнзуз.

Тимофейиз-2 3:2

Адмийириз, чпина пултӀан ккунди гъубзидар, чпин тярифар апӀрудар хьиди, хъюхъ дазабгну лицрудар хьиди, ушвниин чӀуру гафар алидар хьиди; абйир-бабарихьна гьюрмат гъубзидар, чухсагъул кӀурудар хьидар, инсанарин юкӀвариъ гирамивал гъубзидар.

Тимофейиз-2 2:14

Гьаму вариб адмийириз кӀваин апӀбаъ яваш ва инжик махьан. Аллагьдин улихь дурарикан гьюжаткарвал дебккуб ккун апӀин. Дурарихъ хъпехърудариз, аьжалихъна хувалтӀан, хайир адар.

Коринф-2 10:6

Учу Месигьдихъ хъпебехърайидариз, ичв хъпехърувал заан дережайиз гъафиган, жаза гьадабтӀуз гьязур вуча.

Ляхнар 13:45

Гизаф халкь гъябкъиган, жугьдар хъюлу ацӀну, Павели кӀурайи гафариз къаршу удучӀвуз ва дугъаз люкьнар апӀуз хъюгъру.

Коринф-2 13:10

Гьаму ражари узу ярхлаан, учвухьна гъафиган, учвухъди ижми дархьуз бикӀураза. Агъайи, пуч апӀуз ваъ, яратмиш апӀуз, гьюкум тувназуз.

Матта 18:17

Дурарихъра хъпебехъиш, мидкан хъугънайидариз йип; хъа хъугънайидарихъра хъпебехъиш, сарун думу аллагьсузсир, ясана налук гъюдюбхрурсир гьисаб апӀин.

Тимофейиз-1 5:15

Гьаз гъапиш гьацдарикан сакьюдар, жвуван хъугъувал дипну, иблисихъди гъушну.

Жугьдариз 12:5

Учвуз Жвуван веледаризси дупнайи аьшкь капӀру гьамцдар гафар кӀваълан гьархначвуз: «Йиз бай, Аллагьди увуз жаза адабтӀурайивал ибак апӀури апӀин, Думу увуз хъжагъруган, мукуцухан.