Тимофейиз-1 1:11 - Гирами Китаб

¹¹ Му аьгъювалар гьарсаб тярифназ лайикь вуйи Аллагьди узʼин илипнайи Ужувлан хабарнахъди сабси гъюру.

Тимофейиз-1 1:11 Referans Kwoze

Галат 2:7

Дурариз, Ужувлан хабарнакан жугьдариз ктибтуб Петриин илипнайиганси, жугьуд дарудариз ктибтуб узʼин илипнайиб, гъябкънийи.

Титдиз 1:3

Чав дебккнайи вахт гъафиган, Дугъу дюнʼяйиз Чан Гаф гьаъну. Гьадму Гафнакан вуйи Хабар рабгъувал Аллагьдин, ухьу Уьрхрурин, ниятниинди узʼина ихтибар дапӀна.

Тимофейиз-1 6:15

Вахт гъабхьиган, Думу ухьухьна Аллагьди, хушбахтавар ва сар вуйи Гьюкумдри, паччгьарин Паччагьди ва агъйирин Агъайи, лик кубкӀуз даршлу аквнаъ айи ва адмийирикан гьич саризкьан дярякъю ва рякъюз даршлу, аьжал хътру Сари гьаъди. Гьадгъануб ву гьюрмат ва кьудрат гьаммишандиз! Амин.

Коринф-2 4:4

Гьаму дюнʼяйин аллагь-иблисди хътругърударин фагьум, Чаъ Аллагь ачмиш апӀурайи Месигьдин адлуваликан вуйи Ужувлан хабарнан акв дярябкъюз, кур апӀура.

Рим агьларихьна вуйи кагъаз 2:16

Гьаму вари, Аллагьди Иса Месигьдилантина узу рабгъурайи Ужувлан хабарнаъ кӀурайиси, инсанарин вари жини ляхнарин суд апӀруган, хьибди.

Тимофейиз-2 2:2

Увуз узкан гъеебхьуб гизаф адмийирин улихь жарадаризра гьаци улупуз удубкьру хъугъвал али касарин арайиъ кидибт.

Тимофейиз-2 1:14

Яв хилиъ ивнайи вари ужуб ухьуъ яшамиш шулайи Гирами Рюгьнан кьувватниинди уьбх.

Тимофейиз-2 1:11

Гьадму Ужувлан хабар ктибтру вакилди, аьгъювалар улупрурди ва мялимди Аллагьди узу дерккну!

Тимофейиз-1 6:20

Тимофей, яв хилиъ ивнайиб вари уьбх. Аллагьсузвалин улхбар-рахбарихьан ва кучӀлин аьгъюваларин гьюжатарихьан гьудучӀв.

Тимофейиз-1 2:7

Гьаддиз узу, Хабар рабгърурди, Месигьдин вакилди ва жугьуд дару халкьариз гьякь хъугъувалин мялимди дерккнайир вузун; кучӀлар апӀурадарза, гьякь кӀураза.

Фессалоник-1 2:4

Аллагьди, учу лайикь вуди гьисаб дапӀну, Чан Ужувлан хабар ич хилиъ ивнийи. Учу гьаци, адмийириз ккун ишри, кӀури гъапӀундарча, ваъ, хъа – ихь юкӀвар ахтармиш апӀру сар Аллагь бадали.

Колосс 1:25

Аллагьдин ният тамам апӀбан бадали, узу думу хъугърударин гъуллугънаъ гъахьунза. Узуз Аллагьдин гафнакан гьубкӀну учвуз хабар дебккуз амур дапӀназуз.

Эфес 3:10

Гьадму ляхнин метлеб: гьарсаб жюрейиинди арайиз удубчӀвру Аллагьдин фагьум вари дюнʼяйиъ айи Месигьдихъ хъугънайидарилантина аьршариъ айи аьхюдариз ва гьюкмариз гьамус ачмиш дубхьну ккунду.

Эфес 2:7

Гьаци Дугъаз Иса Месигьдилантина гъюз ккимбу вахтари ухьуз тувру Чан ужувлан кӀан-кӀул адру девлет варидариз улупуз ккун гъабхьну.

Эфес 1:12

Му мици учу, Месигьдик сифте миж кивну, адлу духьнайи Аллагьдин тярифар апӀуз гъабхьиб ву.

Эфес 1:6

Чав ккун гъапӀу Месигьдилантина ухьуз туву Дугъан ужувлан вари ад магьа гьамдиъ а.

Коринф-2 4:6

Гьаз гъапиш «МучӀушнаан, гъит, акв удубчӀври», – гъапи Аллагьди, Иса Месигьдин машниин рябкъюрайи Аллагьдин аднакан аьгъювалар туври, ич юкӀвар аку апӀура.

Коринф-1 9:17

Узу Ужувлан хабар йиз хушниинди рабгъураза. Йиз хушниинди дайиш, узу думу ляхин, йиз буржи вуди хьпаз дилигну, тамам апӀидийза. Хъа узу думу йиз хушниинди рабгъурайиган, пешкешра хьибдизуз.

Лука 2:14

– Аьршариин али Аллагьдин ад за ибшри, жилиин Аллагьдиз разивал хурайи инсанарин арайиъ ислягьвал ибшри!