Рим агьларихьна вуйи кагъаз 9:4 - Гирами Китаб

⁴ Йиз миллет Израил халкь ву. Дурариз Аллагьди Чан веледар кӀура. Аллагьдин ад, Аллагьдихъди гъийитӀу йикьрар, Мусайин Къанун, Аллагьдиз гъуллугъ апӀувал ва Аллагьдин Гаф гьаму халкьдиз тувнийи.

Рим агьларихьна вуйи кагъаз 9:4 Referans Kwoze

Эфес 2:12

Думу вахтари учву Месигь хътарди гъахьунчва. Учву Аллагьдин халкь вуйи Израиларик кахьрайидар дайчва. Гирами Йикьрариъ Аллагьди тувнайи гаф учвуз кайиб дайи. Учву му дюнʼяйиъ миж ктарди, я Аллагь адарди яшамиш шулайидар вуйчва.

Рим агьларихьна вуйи кагъаз 9:6

Хъа му, Аллагьди Чав тувнайи гаф тамам гъапӀундар, кӀуру гаф дар. Дарди хьуз, Израиликан гъахьидар гьякь вуйи израил халкь ву, хъа вари ваъ.

Эвел 17:2

Узу явна Йиз арайиъ йикьрар йитӀидиза. Увуз кьадар адрубкьан насил тувдиза.

Ляхнар 2:39

Му, учвузси, ичв веледаризра, сабан Аллагьдихьан ярхла вуйидаризра, Агъа Аллагьди, Чахьна дих дапӀнайидаризра кади, тувнайи гаф ву.

Жугьдариз 9:1

Сабпи Йикьрарнаъ Аллагьдиз фици икрам апӀуруш ва жилиин гирами йишв фунуб вуш, улупна.

Паччагьлугъар-3 8:11

Заанурин гъуллугъчйирихьан, диф ади хьувализ лигну, ибадатвал апӀуз гъабхьундайи, гьаз гъапиш РАББИЙИН гьяйбатну Дугъан Хал абцӀнийи.

Рим агьларихьна вуйи кагъаз 8:15

Ухьу кьабул дапӀнайи Рюгьну ухьу лукӀариз илтӀикӀурадар ва ухьуз цӀийи гучӀ ккапӀрадар, му Рюгьну ухьу Аллагьдин веледариз илтӀикӀура. Ва Дугъу «Авва», яна «Адаш» кӀури, гьарай апӀуз гъитра.

Югьан 1:17

Аллагьди ухьуз Къанун Мусайилантина тувну, хъа ужувларна гьякьвал Месигь Исайиланмина гъафидар ву.

Эвел 17:7

Узу, Йизна, явна, яв наслин арайиъ, насларилан наслариинна гьаммишандиз вуйи Йиз йикьрар, йитӀидиза. Яв Заанур ва увлантина вуйи яв насларин Заанур Узу хьидиза.

Жугьдариз 9:10

Думу къайдйир ипӀрубдизна убхърубдиз ва жара жюрейин жикӀбан аьдатаризтӀан кайидар дар. Мурар, цӀийи къайда дебккайиз кьувватнаъ гъузнайи, зиълан апӀурайи аьдатартӀан дар.

Жугьдариз 9:3

Кьюбпи хал сабпибдихьан чарчнахьди гьадабтӀнайи ва душваз „Лап Гирамишв“ кӀуйи.

Югьан 1:47

Чахьна гъюрайи Нафанаил гъяркъиган, Исайи дугъкан гьамци кӀуру: – Магьа, затра кучӀал ва цӀарувал ктру, чан дугъри израилжви.

Матта 21:33

Жара тахалусдихъра хъебехъай. Сар касди тӀумтӀин багъ ибтру ва дидлан арчил илтӀибкӀуру. Душваъ чяхир кчӀюбкьру ичӀ йибккуру ва паж апӀуру хъасин, багъ тӀумутӀчйирихьна тувну, учв жара йишвариз гъягъюру.

Эвел 32:28

Хъа гьадмуган Тмунури дугъаз гьамци кӀуру: – Гьамусдихъантина увуз Якьуб кӀури хьидар, хъа – Израил («Заанурихъди женгнаъ гъахьир»), гьаз гъапиш, уву Заанурихъди ва инсанарихъдира женгнаъ ади гъахьунва. Уву ккагъуз гъабхьундар.

Эвел 17:10

Магьа, уву тамам дапӀну ккуни, увухъди, увхъантина вуйи яв насларихъди вуйи Йиз йикьрар: гъит гьарсар жили касдин суннат дапӀну ибшри.

Эвел 15:18

Гьадму йигъан РАББИЙИ Ибрамдихъди йикьрар йитӀуру ва кӀуру: – Узу египтарин нирхъан гъадабгъуб тап машгьур Ефратдихъна гъягъяйизкьан вуйи:

Рим агьларихьна вуйи кагъаз 3:2

Дурарин артухъвал гизаф аьхюб ву, думура гизафубдиъ, саб гъапиб, Аллагьди Чан гаф гьадрариз тувнийи.

Коринф-2 11:22

Дурар жугьдар вуйин? Узура вуза. Израилин баяр? – узура, Ибригьимдин наслар? – узура!

Галат 3:16

Ибрагьимдиз ва дугъан наслиз Аллагьди гаф тувнайи. Фикир тувай, фици дупнаш: «наслариз» дупнадар – мици, гизафдарикан улхураш, кӀуру, хъа, «яв наслиз» – мици сарикан улхруган кӀурайиб ву. Ари гьадму насил – Месигь ву.

Жугьдариз 9:5

Сундхин зиин гъаравларди дапӀнайи хлинццар кайидар алийи. Дурар адлувал улупурайидар ву. Дурарин хлинццар сундхин гъапагъ вуйибси „хил алдабгърушв“ кӀурайишвʼин гьатӀарццнайи. Хъа сабан ухьу дидкан вари хъайи-хъайиси пидархьа.

Жугьдариз 9:6

Гьамци ккабалгну дебкку вахтарихъанмина Аллагьдин гъуллугъчйир гагь-гагьнак гирами Чадрин сабпи хулаъ чпин гъуллугъ тамам апӀуз учӀври гъахьну.