Рим агьларихьна вуйи кагъаз 8:7 - Гирами Китаб

⁷ Гьаз мици ву? Гьаз гъапиш бедендин тямягьарикан вуйи фикрар Аллагьдиз душмнар ву. Дурар Аллагьдин Къанундиз табигъ шулдар, я табигъ хьузра шулдар.

Рим агьларихьна вуйи кагъаз 8:7 Referans Kwoze

Коринф-1 2:14

Аллагьдин Рюгьнахьан гъюрайиб рюгь аьгъдру адмийихьан кьабул апӀуз шулдар. Дугъу думу ахмакьʼвалси гьисаб апӀуру, ва дидин гъавриъ ахъуз шулдар, фицики му ляхнар рюгь кӀваъ ади апӀрудар ву.

Якьубдин 4:4

Дюз дарудар, учвуз аьгъдарди айчвуз, гьаму файдасуз дюнʼяйихъди хьувал – Аллагьдихъди апӀурайи дяви вуйиваликан? Шлиз гьаму файда ктру дюнʼяйихъди дуст духьну ккундуш, думу Аллагьдиз душманди удучӀвура.

Рим агьларихьна вуйи кагъаз 7:22

Йиз айтӀан пай Аллагьдин Къанундиин шад ву

Жугьдариз 8:10

Гьаддиз, Узу гьамус йитӀуз ккайи Йикьрар Израилин хулахъди йитӀидиза, – кӀура Агъайи, – Йиз къайдйир дурарин фагьмиъ тӀаъдиза ва дурарин юкӀварик дикӀидиза. Узу хьидиза дурариз Аллагь, хъа дурар Йиз халкьди хьиди.

Тимофейиз-2 3:4

масу туврудар, фикирсузди гьяракат кайидар, ацӀу гафар кайидар хьиди, дурариз АллагьтӀан кьукьар апӀуб артухъ ккун хьибди.

Колосс 1:21

Ичв чӀуру ляхнариланмина ухди гъярхьрайидар ва улʼан идитнайидар,

Рим агьларихьна вуйи кагъаз 8:4

Жвуван гунагькар бедендин гьюкмиъ – ваъ, хъа рюгьнан гьюкмиъ яшамиш шули, ухьу Къанундин гьякьлу табшуругъар тамам апӀбан бадали, Аллагьди гьамци гъапӀну.

Рим агьларихьна вуйи кагъаз 5:10

Фицики, гьеле ухьу Аллагьдин душмнарди имиди, Дугъу ухьу Чан Балин аьжалниинди албагнуш, хъа гьамус албагну айиган, хъана ужуйи Чан Балин уьмриланмина Дугъу ухьу уьрхиди.

Рим агьларихьна вуйи кагъаз 1:28

Дурариз Аллагь аьгъю апӀуз даккниган, Дугъу дурарихьди чпин дюз дару фагьмин лайикьсуз тӀулар апӀуз гъитнийи.

Югьан 7:7

Му дюнʼяйихьан учву даккун апӀуз хьибдар, хъа Узу даккунди ву, фицики Узу дидин вари ляхнар писдар, гунагьвалиндар ву, кӀураза.

Рим агьларихьна вуйи кагъаз 3:31

Ухьуз хъугъвал а кӀури гьамус Къанун тина апӀухьахъа? ИкибаштӀан, ваъ! Ухьу ихь хъугъувалиинди Къанун мюгькам апӀурахьа.

Рим агьларихьна вуйи кагъаз 1:30

сар-сарилан улхури шулу ва дурариз Аллагь даккунди ву. Дурар сарслидар ву, фурсари ацӀна, жарадарин улихь гьарган чпин адар апӀури шулу, писвал апӀуз рякъяр агру фикрари ацӀна, чпин абйир-бабариз мютӀюгъ шулдар.

Матта 12:34

Эй битӀракан гъахьидар! Учвхьан, пис юкӀвар ади, ужуб гаф пуз фици хьибдичвухьан?! Фицики инсандин мелз, чан юкӀв фти абцӀнаш, гьаддикан улхури шулу.

Петрин-2 2:14

Дишагьли гъяркъюбси, дурарин улар кьяппавали ацӀра, ва гьациб гунагьнахьан гьудучӀвуз ккундар. Дурари, чпин дисру рукьариъ итуз, зяиф гъян айидар хъчӀюхюри шулу. Дурарин юкӀвар иблисвалихьди дидиржна. Дурарин кьисмат – пуч хьувал ву.

Матта 5:19

Гьаци вуйиган, му гафарикан фукӀа тамам дарапӀрур ва гьаци жара адмийирихьдира апӀуз гъитрур Аьршарин Паччагьлугъдиъ вартӀан бицӀир вуди гьисаб апӀиди. Хъа шли думу гафар тамам гъапӀиш ва жара касарихьра гьаци апӀуз гъитиш, думу Аьршарин Паччагьлугъдиъ вартӀан зурба кас хьиди.

Коринф-1 9:21

Къанун адру адмийирихъди, гьеле узу Аллагьдин Къанундиккан азад даршра, гьаз гъапиш Месигьдин Къанундикк кказа, дурар Агъайин терефназ хузди, узура Къанун адрурси гъахьунза.

Колосс 2:18

МютӀюгълуди хьуз ккунидари, малайикариз икрам апӀрудари учвук тахсир кипруси мапӀанай. Дурар чпин гьугъужвувалариъ ахьна. Давди, чпин фагьмиин элеъну, фурс апӀура – думу гьаму дюнʼяйинуб ву!