Рим агьларихьна вуйи кагъаз 8:16 - Гирами Китаб

¹⁶ Ихь рюгьнахъди сабси Рюгьну Чав ухьу Аллагьдин веледар вуйиб тасдикь апӀура.

Рим агьларихьна вуйи кагъаз 8:16 Referans Kwoze

Югьандин-1 4:13

Ухьхьан, ухьу Дугъаъ ва Думу ухьуъ яшамиш шулайиб ухьухъди пай гъапӀу Гьадгъан Рюгьниинди аьгъю апӀуз шулу.

Коринф-2 1:22

ва Чан лишан учʼин йивна. Ихь юкӀвариъ Дугъу, гъюз имбубдин тасдикьвал вуди, Гирами Рюгь аъна.

Коринф-2 5:5

Гьаци апӀбан бадали Аллагьди ухьу халкь дапӀна. Дугъу Чан гаф тамам апӀрувалин лишан вуди ухьуз Чан Рюгь тувнахьуз.

Эфес 1:13

Гьаци учвура, учвуз уьрхювал тувру гьякьвалин гаф – Ужувлан хабар гъеебхьиган, Месигьдик ктикьунчва. Дугъахъ хъугъиган, Аллагьдин печать гъивунчвуин – гаф тувну гъафи Гирами Рюгь.

Рим агьларихьна вуйи кагъаз 8:26

Дидихьна, ухьуз, зяиф касариз, ихь зяифвализ дилигну, Рюгьну кюмек апӀурахьуз. Ухьуз хай вуйибси ккарагуз аьгъдархьуз, аммаки ухьхъанди Аллагьдиз мидкан гафариинди пуз даршлу гьигьариинди Рюгь Чав ккарагура.

Эфес 4:30

Ккадаъру Йигъ гъяйиз учвʼин печать йивнайи Аллагьдин Гирами Рюгьназ гиран макадапӀанай.

Коринф-2 1:12

Учу, гьаму дюнʼяйиндарихъди, иллагьки учвухъди ич аьлакьйир, намуслуди ва дугъриди дерккри гъахьунча, – ич марцци намуснура гьаци кӀура, – учу гьамдиинди тяриф апӀурача. Му учуз Аллагьдихьан дурубкьнайиб ву.

Рим агьларихьна вуйи кагъаз 8:23

Неинки вари халкь дапӀнайиб, хъа гьацира Рюгьну ацӀну цӀийи уьмур ккебгъу ухьура вари ккилигурайхьа. Дидлан гъайри, Аллагьди ухьу Чан веледарди гъадагъур, кӀури, ва ихь жанар азад апӀур, кӀури, айтӀанзина аьзабнаъ ккилигури айхьа.

Югьандин-1 5:10

Аллагьдин Балихъ хъугърайири му шагьидвал чан кӀваъ дибисна. Хъа Аллагьдихъ хътругърайири Аллагь кучӀляхиз илтӀикӀура, гьаз гъапиш, Чан Балкан вуйи Аллагьдин шагьидвалихъ дурар хъугърадар.

Матта 5:9

Ислягьвал гъабхрудар бахтаврар ву, фицики дурариз Аллагьдин веледар пиди.

Лука 20:36

Дурарихьан сарун йикӀузра хьидар, фицики дурар малайикарси ву. Хъа дурар чӀиви хьувалиинди Аллагьдин веледар ву.

Югьан 1:12

Учв кьабул гъапӀдариз ва Чан ччвур дибисну хъугъдариз Дугъу дурар Аллагьдин веледар хьувал багъиш гъапӀну.

Ляхнар 5:32

Мидин шагьидар Чаз мютӀюгъ шлудариз Аллагьди тувнайи Гирами Рюгь ва учу вуча.

Рим агьларихьна вуйи кагъаз 8:14

Фицики Аллагьдин Рюгьнан гьюкмиъ айидар Аллагьдин гьякь веледар ву.

Рим агьларихьна вуйи кагъаз 8:19

Фицики Аллагьдин веледар фужар вуш, ачмиш апӀру вахт хьайиз, Аллагьди халкь дапӀнайиб вари, аьгь апӀуз даршули, ккилибгура.

Рим агьларихьна вуйи кагъаз 9:8

Му гьаци кӀуру гаф вуки: Ибрагьимдилан бабкан гъахьи вари наслар Аллагьдин гьякь веледар дар, хъа анжагъ Ибрагьимдиз туву Аллагьдин гафналантина гъахьи веледар гьякь веледар ву.

Рим агьларихьна вуйи кагъаз 9:26

«Аллагьди: „Учву Йиз халкь дарчва“ гъапи гьадму йишвʼин дурариз чӀиви Аллагьдин веледар пиди».

Коринф-2 6:18

«Узкан ичв Адаш хьиди, ва учвкан Йиз баярна шубар хьиди», – кӀура вари Чан хилиъ айи Агъайи.

Галат 3:26

Учву вари Месигь Исайихъ хъугърувалилантина Аллагьдин баяр вучва.

Галат 4:6

Учву Чан веледар вуйиган, Аллагьди ичв кӀваъ, «Авва! Адаш!», кӀури, дих апӀру Чан Балин Рюгь аъну.

Югьандин-1 3:1

Ихь Адашди ухьуз Чан – Аллагьдин веледар пубʼинди фукьан зурба вуйи масанвал улупнуш, учву фикир апӀинай. Ухьу гьаци хьузра вухьа! Му дюнʼяйиндари ухьу кьабул апӀурадар, гьаз гъапиш дурари Думу кьабул гъапӀундар.

Югьандин-1 3:2

Йиз ккунидар, гьаму ражари ухьу Аллагьдин веледар вухьа, хъа гъюру вахтари ухькан фужар шулуш, сабан мялум дар. Саб аьгъяхьуз, Иса Месигь хъана жилариина гъафиган, ухьу Гьадгъаз ухшар хьидихьа, фицики Думу Учв фицир вуш, гьацирди рякъидихьуз!

Югьандин-1 3:10

Фуж – Аллагьдин, хъа фуж иблисдин велед вуш, магьа гьамци аьгъю апӀуз шулвухьан: гьякьвалиинди дарапӀрур ва чан гъардаш даккнир Аллагьдихьан дар.

Ачмиш 21:7

Гъалиб гъахьириз Узхьан гьаму вари ирсди рубкьиди. Гьацириз Узу Аллагь хьидиза, хъа думу Узуз бай хьиди.