Рим агьларихьна вуйи кагъаз 7:7 - Гирами Китаб

⁷ Мушваъ фу шула? Къанун – му гунагь вуйинхъа? Ваъ, дици дар. Мидихъди сабси, Къанун адайиш, узуз, гунагь фу вуш, аьгъю хьибдайзуз. Эгер Къанунди, «жараринуб ккун мапӀан», кӀурадайиш, узуз, лайикь даруб ккун мабхьан, фу кӀуру гаф вуйишра, аьгъю хьибдайзуз.

Рим агьларихьна вуйи кагъаз 7:7 Referans Kwoze

Рим агьларихьна вуйи кагъаз 3:20

Саб Къанундиъ айиб тамам апӀури гьич сарихьанра Аллагьдин улихь гьякь хьуз хьибдар, гьаз гъапиш, Къанундиан удубчӀвурайиб вари инсан гунагькар вуйиб улупурайиб ву.

Рим агьларихьна вуйи кагъаз 4:15

Фицики тамам дарапӀру Къанунди Аллагьдик хъял капӀру, хъа Къанун адрушваъ думу чӀюбгъюзра шулдар.

Коринф-1 15:56

Аьжалин галам – гунагь ву, гунгьин кьувват – Къанун.

Рим агьларихьна вуйи кагъаз 13:9

Табшуругъариз лигай: «кьяппавал мапӀан», «миликӀан», «мигьитӀибкӀан», «жараринуб ккун мапӀан», ва жара табшуругъариъра улупурайиб саб ву: «Багахь хьайир, жвуваз жвувси, ккун апӀин».

Рим агьларихьна вуйи кагъаз 7:8

Гунгьи, гьаму табшуругъ багьна вуди, узук лайикь дару тямягьар каунзук. Къанун адайиш, гунагьра шулдайи.

Фессалоник-1 4:5

хъа, Аллагь аьгъдру аллагьсузарси, тямягьярин цӀа кабхъну даришри.

Рим агьларихьна вуйи кагъаз 3:5

Эгер ихь дюз дарувалари Аллагьдин гьякьвал ачухъди артухъ апӀураш, Аллагьди ухькан хъял апӀруган, Думу дюз дар, пуз хай шулин? (Узу гьамци йиз адмивалин фагьмиинди кӀураза.)

Колосс 3:5

Гьаддиз, учву гьаму дюнʼяйихьан дибиснайи учвуъ айиб вари: кьяппавал, чиркинвал, ктирсуз даршлу тямягьяр, асккан тямягьяр, кьискьисвал – гатӀахьай. Мицдар тӀулар идолариз икрам апӀувал ву.

Эфес 5:3

Ичв арайиъ кьяппаваликан, вая жара чиркинваликан, ясана тямягькарваликан гафаркьан даришри – мурар Аллагьдин гирами халкьдиз хас дар.

Рим агьларихьна вуйи кагъаз 7:13

Му ужубди узуз аьжал гъабхну. Гьаци вуйин? ИкибаштӀан, ваъ! Гунгьи, узуз аьжал хьпан бадали, ужуб мутму ишлетмиш гъапӀну. Гьамци апӀури, гунгьи чан ляхин гъапӀну. Табшуругъну гунагь гизаф пис шейъ вуйиб улупура.

Рим агьларихьна вуйи кагъаз 7:11

Фицики гунгьи, гьаму табшуругъ багьна вуди, узу алдатмиш дапӀну, гъакӀунзу.

Рим агьларихьна вуйи кагъаз 7:5

Фицики ухьу бедендиз ккуниб апӀури яшамиш шулайхьа. Къанундиланмина шулайи ихь гунагькарвалин тямягьяри ихь жанариин агъавал апӀуйи. Диди ухьу аьжализ хурайхьу.

Рим агьларихьна вуйи кагъаз 6:15

Гьа, фу дапӀну ккунду ухьу? Ухьу, Къанундикк ккадарди, хъа Аллагьдин ужувлакк ккайидари гунагь шлу ляхнар дапӀну ккундин? ИкибаштӀан, ваъ!

Рим агьларихьна вуйи кагъаз 4:1

Ихь абйирин аба Ибрагьимдикан фу пухьа?

Ляхнар 20:33

Узу учвухъди хъайиган, саринна я арс, я гъизил, я багьа палат ккун гъапӀундарза.

Лука 12:15

Мидихъди сабси Дугъу дурариз гъапи: – Лигай гьа, тямягькрар махьанай, фицики инсандин уьмур дугъан девлетналан асиллу дар.

Матта 5:28

Хъа Узу учвуз кӀуразаки: фуж жара дишагьлийихьинди тямягьниинди лигураш, дугъу сарун чан кӀваъ дугъахъди кьяппавал гъапӀну.

Паччагьлугъар-2 11:2

Саб ражну хябяхъган, ахниккан гъудужвну, Давуд чан гъалайин гъваин лицури шулу. Гъваълан дугъаз чан жан жибкӀурайи дишагьли рякъюру. Дишагьли гизаф уччвур вуйи,

Эвел 3:6

Дишагьлийиз гьарин йимишар, итӀуз ужудар, уччвудар ва аькьюл туврудар вуди, рякъюру. Дугъу гьаргъян йимиш гъюдубтӀуру, ипӀуру, жилиризра тувру ва дугъура ипӀуру.

Лука 20:16

Учв дуфну, му тӀумутӀчйир йихиди ва багъ жарадарихьна тувди. Му гъеебхьдари кӀуруки: – Дициб ляхин саб вахтнара дарибшри!

Рим агьларихьна вуйи кагъаз 5:20

Къанун гунгьар артухъ хьуз гъафну, хъа гунагь артухъ шлубкьан, Аллагьдин ужʼвал хъана артухъ шуйи,

Жугьдариз 7:19

Къанунди фукӀара гьубкӀуб арайиз гъабхиб адар. ДумутӀан ужуб умуд тувна. Диди ухьу Аллагьдихьна багахь апӀура.